Esdras 3:4 - Biblia Enxet

⁴ Apkelánegkek axta han ma'a kélessawássessamo nak kélpakxeneykegkaxa yenta'a aktegák étkók, ektémakxa nak ektáxésamaxche m'a segánamakxa. Apkelméságkek axta chá'a yókxoho ekhem ma'a ekwánxa nak chá'a élwatnamáxche m'a aqsok kélnaqtósso, ekwánxa nak chá'a élwatnamáxche yókxoho ekhem.

Esdras 3:4 ပူးပေါင်းရင်းမြစ်များ

1 Crónicas 16:37

Cháxa aptáhakxa axta David aphéssekmo Asaf yetlo m'a apkelxegexma'a nak, cham'a ekyetnamakxa nak yántéseksek ekhémo mók nélpaqhetchásamáxkoho apagkok nak Wesse' egegkok, yaqwayam etnehek chá'a apkeltamheykha yókxoho ekhem megkatnégwayam néxa kélámenyého enxoho chá'a.

2 Crónicas 31:16

apyókxoho apkelmeyeykenta nak chá'a m'a tegma appagkanamap, yaqwayam elanagkok apkeltamheykha yókxoho ekhem, eyaqhawo enxoho chá'a apkeltamheykegkaxa', tén han ektémakxa chá'a apkeltamheykha, eknaqtáxésamaxche enxoho chá'a apkelwesse'e weykcha'áhak, ekweykekxoho m'a apyókxoho ekwayam nak chá'a treinta apyeyam apagkok, tén han néten.

Éxodo 23:16

“Kóllána sa' nahan kélessawássessamo kélnakxamakxa nak ekyexna aqsok kélcheneykekxa, cham'a kélnakxa enxoho m'a émha amonye' ekyexna nak aqsok kélcheneykekxa namyep, ekhawo nahan ma'a kélessawássessamo nak chá'a eknakxamáxche ekyexna aqsok ma'a néxa apyeyam, cham'a kélsawha enxoho chá'a kélnakxo ekyókxoho m'a kélcheneykekxa nak chá'a aqsok.

Éxodo 29:38

“Kéméxcheyk chá'a kólnápok kólnegkenek néten ekwatnamáxchexa aqsok yókxoho ekhem ma'a apqánet nepkések apketkók, apwayam nak chá'a xama apyeyam apagkok.

Éxodo 5:13

Yókxoho ekhem axta apkelyáteyeykegkoho faraón énxet'ák apagkok ektáha axta chá'a apxegkessesso apkeltamheykha apkeltémo exnéshok apxámokma apkelánéyák yátaphémekcha'ák apwetek ma'a apweykenxa axta chá'a apkelánéyák apkelméssamakxa axta m'a pa'at apák. Apkelyekpexcheteykegkek axta nahan chá'a m'a apkelámha apmonye'e apagkok axta m'a israelitas. Axta etnehek nahan chá'a elának se'e: —¿Háxko ektáhakxa kéxegke sakhem tén han hemaxta megkólhéssákxoho nak kéllánéyak yátaphémekcha'ák apwetek ma'a apweykenxa axta chá'a apxámokma kéllánéyak?

Jeremías 52:34

Egkéshok axta chá'a wesse' apwányam Babilonia aqsok eyeyméxchexa m'a Joaquín, ekyókxoho ekhem, neyseksa apha ekwokmoho apketsapma.

Levítico 23:33

Aptáhak axta Wesse' egegkok apcháneya Moisés se'e:

Números 29:39

“Cháxa aqsok ektekyawa eyéméxko nak chá'a kólmések Wesse' egegkok ekpekkenamaxchexa nak chá'a ekhem élánamáxche, tén han ma'a aqsok kélmésso naqsa nenlane nak chá'a aqsok nenxeyenma anlána', essenhan ma'a aqsok negmésso naqsa negmáheyo egagko' nak agmések, cham'a aqsok élwatnamáxche nak chá'a, essenhan kélmésso naqsa nak aqsok aktek ekyexna kélcheneykekxa, tén han vino, essenhan ma'a aqsok ektekyawa segwetassamo nak sẽlásekheykekxoho.”