Esdras 3:11 - Biblia Enxet

¹¹ Nápakha axta chá'a apkelmeneykmásak apkelpeykásawo, keñe axta han nápakha aptáha chá'a apkelátegmowágko s'e: “Kólmés ekxeyenma kélwáxok Wesse' egegkok, hakte méko xama enxoho aptémakxa m'a, megkamassegwomek han apkelásekhayo m'a énxet'ák Israel.” Apyókxoho énxet axta apkelwehéseyha apkelátsencha'a apkelpeykásawo m'a Wesse' egegkok, hakte cheynawók axta makham kélxátekháseykekxa m'a Wesse' egegkok tegma appagkanamap apagkok.

Esdras 3:11 ပူးပေါင်းရင်းမြစ်များ

1 Crónicas 16:34

“Kólmés ekxeyenma kélwáxok Wesse' egegkok, hakte tásek apwáxok ma'a, megkamassegwomek chá'a segásekhayo.

1 Crónicas 16:41

Kélpáxaqtéssek axta han ma'a Hemán tén han Jedutún, keñe han ma'a nápakha ektáha axta apkelyésamap tén han apkelxénamap yaqwayam elmeneykmaksek: “Kólmés ekxeyenma kélwáxok Wesse' egegkok, hakte megkamassegwomek ma'a segásekhayo nak.”

2 Crónicas 5:13

Apyókxoho axta han appasmeykxak apkelpáwasa m'a apkelaqkahasso, appasmeykxeyk axta apkelmeneykmasa yaqwayam elpeykeshok Wesse' egegkok, tén han egkések ekxeyenma apkelwáxok, apkelpáwassek axta apkelaqkahasso, tén han ma'a apkelaqtáwasso nak élyaqye, tén han ma'a mók ektémakxa nak kélpáwasso, neyseksa apteme apkelmeneykmasso s'e: “Kólpeykesho Wesse' egegkok, hakte tásek apwáxok ma'a, megkamassegwomek han segásekhayo.” Yetlókok axta han eklánegwe yaphope m'a Wesse' egegkok tegma appagkanamap apagkok nak,

2 Crónicas 7:3

Xama axta apkelwet'a apyókxoho israelitas ekweywento táxa m'a néten nak tegma appagkanamap, tén han Wesse' egegkok élseyéxma apagkok, apkeltekxeyágkek axta aptapnák apkelháxahágko ekwokmoho apkeltekxeya nápaqta'a m'a meteymog kélnegkenma nak náxop, apkelpeykásawók axta tén han apkelmésa ekxeyenma apkelwáxok Wesse' egegkok, aptáha chá'a apkelánekxoho apkelpeywa s'e: “Tásek apwáxok ma'a, megkamassegwomek han ektémakxa segásekhayo.”

Nehemías 12:24

Keso apkelámha apmonye'e axta levitas se'e: Hasabías, Serebías, Josué, Binuy, Cadmiel, yaqnaha axta chá'a apmonye'e yetlo apkelxegexma'a yaqwayam elpeykeshok tén han egkések ekxeyenma apwáxok Wesse' egegkok, neyseksa ekweykekxexa chá'a apkeltamheykha, apkeltémókxa axta etnahagkok chá'a David, apteme axta Dios énxet apagkok.

Nehemías 12:40

Tén axta ánet apkelyaqyeyáseyak nak apkelmeneykmasso, apkelhákxo chá'a apheykegkaxa axta chá'a m'a Dios tegma appagkanamap apagkok, tén han ko'o yetlo sélxegexma'a m'a nápakha nak apkelwesse'e ektáha axta sélyetlo.

Salmos 100:5

Hakte Wesse' egegkok apteme ektaqmalma apwáxok; megkamassegwomek chá'a segásekhayo, méko néxa m'a ektémakxa mehegyenyaweykha.

Salmos 103:17

Megkamassegwomek eyke chá'a apkelásekhayo Wesse' egegkok ma'a ektáha nak chá'a apcháyo; megkatnégwomek chá'a néxa aptaqmelchessáseykekxa apheykha apyókxoho m'a aptawán'ák neptámen nak,

Salmos 106:1

¡Aleluya! Kólmés ekxeyenma kélwáxok Wesse' egegkok, hakte tásek apwáxok ma'a, megkamassegwomek chá'a segásekhayo.

Salmos 107:1

Kólmés ekxeyenma kélwáxok Wesse' egegkok, hakte tásek apwáxok ma'a, megkamassegwomek chá'a segásekhayo.

Salmos 118:1

Kólmés ekxeyenma kélwáxok Wesse' egegkok, hakte tásek apwáxok ma'a, megkamassegwomek chá'a segásekhayo.

Salmos 131:1

Wesse', háwe ko'o eyeymáxkoho ewáxok, háwe han seyeymáxkoho alanok émók, mategyeykha han ma'a aqsok élyawe, mamowána nak chá'a óta'.

Salmos 135:3

Kólpeykesho Wesse' egegkok, hakte tásek apwáxok ma'a; kólmeneykmásses chá'a negmeneykmasso kólxének apwesey, hakte kataqmalmakha chá'a apwáxok henlano'.

Salmos 47:1

¡Kóltekpogmakha kélmék kélyókxoho kélheykha nak keso náxop! ¡Kólpeykesho Dios, yetlo kélwehéseykha kélátseykha!

Salmos 47:5

¡Apmeyákxeyk Dios Wesse' egegkok ma'a néten ekyetnamakxa nak aptaháno eyeymáxkoho, yetlo kélwehéseykha élpayheykekxa kélwáxok, tén han kélpáwasso kélaqkahasso!

Éxodo 15:21

Axta entáhak nahan éláneya neyseksa élmeneykmasso námakkok se'e: “Kólmeneykmásses Wesse' egegkok, cham'a apmallana axta nepyeseksa apkelenmexma, apkelweykeságko wátsam ekwányam ma'a yátnáxeg tén han ma'a apheykha nak apkap'ák.”

Isaías 12:6

Kólwehesha yetlo ekpayheykekxa kélwáxok, kélheykha nak Sión, hakte apheyk kélnepyeseksa kéxegke m'a Dios Aptaqmalma apagkok nak ma'a Israel, yetlo ekyawe apcheymákpoho.”

Isaías 44:23

¡Néten, kalpáxamha kátsaha kalanok ma'a apteméssesakxa nak Wesse' egegkok! ¡Kólwehesha, máxek élmattawóneg agko' nak keso náxop! ¡Meteymog élekhahéyak, kólpáxamha ekwányam agko' kólátsaha, tén han ma'a naxma yetlo m'a ekyókxoho yenta'a élyawe agkok nak, hakte apxekmóssek apcheymákpoho Wesse' egegkok apwagkasa teyp ma'a Israel, cham'a Jacob!

Isaías 6:3

Axta aptáhak nahan chá'a apcháneya pók se'e: “Aptaqmalma, aptaqmalma, aptaqmalma Wesse' egegkok ekha nak apyennaqte; sawheykekxók apcheymákpoho ekyókxoho keso náxop.”

Jeremías 33:11

kélmeneykmasso kélessawássessamo, tén han ekpayheykekxa egwáxok, tén han kélmeneykmássesso nak élyamhopma. Kañexchek sa' makham katnehek se'e: Kólmés ekxeyenma kélwáxok Wesse' ekha nak apyennaqte, hakte Wesse' egegkok apteme ektaqmalma apwáxok, megkamassegwomek chá'a segásekhayo. Elsanták sa' aqsok apkelmésso naqsa m'a tegma appagkanamap apkelmésso nak chá'a élxeyenma apkelwáxok. Naqso', ayaqmagkassesek sa' ko'o mók ektémakxa s'e apchókxa nak, yaqwayam sa' katnekxak makham ma'a ektémakxa axta nano'. Ko'o sekxeyenma xa, sektáha nak Wesse'.”

Hageo 2:3

“Apyetnéya makham kélnepyeseksa kéxegke apwete tegma appagkanamap aptaqmalma apagko' ma'a sekxók axta, tásek elxének háxko ektáhakxa apkelwete s'e apyetna nak kaxwo' nak. ¿Apsagkóya apkelano, ya exnawok ma'a pók axta?

Zacarías 4:7

¿Yaqsa exche' egkexe ekyawe? ¡Katnekxak sa' xe' xapop meyke élekhahéyak nápaqtók ma'a Zorobabel! Sa' elkok meteymog émha amonye' nak ma'a, neyseksa apteme apkelyennaqtéssamo apkelpeywa énxet'ák se'e: ¡Táse' nak la'a meteymog! ¡Tásók agko' nak la'a!’”

Zacarías 9:9

¡Kapayhekxoho agko' apwáxok xép, tegma apwányam Sión! ¡Enneykmés kapayhekxak apwáxok, xép tegma apwányam Jerusalén! Apya'aweykteyk xép, Wesse' apwányam apagkok Wesse' appéwomo, tén han segwagkassamo teyp, háwe eyke eyeymáxkoho apwáxok, yámelyeheykok apchánte, yámelyeheykok étkok.

Josué 6:10

Apkeltamhók axta Josué elxog meyke apyennegkáseyak exma m'a sẽlpextétamo nak, ekwokmoho apkeltamho sa' melésagkok elwehesha.

Josué 6:16

Xama axta apkelpáwasa apkelaqkahasso ekweykmoho siete m'a apkelmaxnéssesso nak Dios énxet'ák apagkok. Aptáhak axta Josué apkeláneya énxet'ák: “¡Nágkóléságkoho kólwehesha! Wesse' egegkok apmeyásak kéxegke s'e tegma apwányam nak.

Josué 6:5

Kélleg'ak sa' agkok kéxegke ekpáwà ekwenaqte m'a apchaqkahasso meyke ekhémo m'a mók nak, nágkóléságkoho aqsa kólwehesha, keykpentágwomhok sa' élyaqnenéyak ma'a kélhaxtegkesso nak tegma apwányam nápakhaw'ék, tén sa' kólchetamagkok kélyókxoho m'a tegma apwányam nak.”