Esdras 3:10 - Biblia Enxet

¹⁰ Xama axta apnegkenágko meteymog apowhók Wesse' egegkok tegma appagkanamap apagkok ma'a ektáha axta apkeláneykekxa', apkelchampákxeyk axta néten apkelmaxnéssesso Dios énxet'ák apagkok, yetlo apkelántaxneykekxa m'a apkelántaxno apkelwenaqte, tén han yetlo apkelmeykha apkelaqkahasso. Keñe axta levitas, Asaf axta aptawán'ák neptámen, apkelsawa m'a apkeltekpaga yaqwayam elpeykeshok ma'a Wesse' egegkok, apkeltémókxa axta etnahagkok ma'a David, wesse' apwányam apagkok axta Israel.

Esdras 3:10 ပူးပေါင်းရင်းမြစ်များ

1 Crónicas 15:24

Keñe m'a apkelmaxnéssesso Dios énxet'ák apagkok, Sebanías, Josafat, Natanael, Amasai, Zacarías, Benaías tén han Eliézer, cháxa ektáha axta apkelpáwasso chá'a m'a apkelaqkahasso ekpayhókxa nak Dios yántéseksek apagkok. Obed-edom tén han Jehías axta han ektáha aptaqmelchesso m'a ekyetnamakxa nak yántéseksek.

1 Crónicas 15:27

Xama apáwa apkeláxñe axta aptaxneykxak ma'a David, ekhawo han ma'a apyókxoho levitas ektáha axta apseykenta m'a yántéseksek nak, tén han ma'a apkelmeneykmasso, keñe han ma'a Quenanías, ektáha axta apxegkesso kélmeneykmasso; apáwa apyaqwate apkelyenma apkexyawe efod axta han aptaxnékxak ma'a David.

1 Crónicas 16:37

Cháxa aptáhakxa axta David aphéssekmo Asaf yetlo m'a apkelxegexma'a nak, cham'a ekyetnamakxa nak yántéseksek ekhémo mók nélpaqhetchásamáxkoho apagkok nak Wesse' egegkok, yaqwayam etnehek chá'a apkeltamheykha yókxoho ekhem megkatnégwayam néxa kélámenyého enxoho chá'a.

1 Crónicas 16:42

Cháxa ektáha axta chá'a apkelpáwasso apkelaqkahasso, tén han ekho nak sokpayhe étkók élyaqye, keñe han mók ektémakxa nak chá'a aqsok kélpáwasso, yaqwayam étlókasek ma'a kélmeneykmasso eñama nak Dios. Átog axta eyke apkeltaqmelchesso m'a Jedutún nak apketchek.

1 Crónicas 23:5

cuatro mil yaqwayam etnahágkok átog apkeltaqmelchesso, keñe han nápakha cuatro mil yaqwayam etnahágkok apkelteméssesso chá'a apcheymákpoho m'a Wesse' egegkok, yetlo apkelmeykha m'a apkelpáwasso David axta apkeltémo kóllána yaqwayam kólmaha chá'a m'a.

2 Crónicas 35:14

Tén axta levitas aphánegko apagko' ma'a ektáha axta apagkok, tén han aphanchesa m'a apkelmaxnéssesso nak Dios énxet'ák apagkok, hakte wokmok axta axta'a apkelwatno aqsok ektekyawa, tén han pexmok agkok ma'a apkelmaxnéssesso nak Dios énxet'ák apagkok, Aarón axta aptawán'ák neptámen. Axta keñamak apháneykegkoho apagko' levitas ma'a ektáha axta apagkok, tén han aphanchessama m'a apkelmaxnéssesso Dios énxet'ák apagkok, Aarón axta aptawán'ák neptámen.

2 Crónicas 35:15

Keñe han ma'a apkelmeneykmasso, Asaf axta aptawán'ák neptámen, apchaqnáha axta aqsa han ma'a apchaqneykegkaxa axta chá'a, apkeltémókxa axta chá'a katnehek ma'a David, Asaf, Hemán tén han Jedutún, apteme axta apwetayo aqsok apxekmósso Dios, wesse' apwányam apkeláneykha. Apchaqnáha axta aqsa han apkeltaqmelchesso nak átog ma'a apchaqneykegkaxa axta chá'a átog; apchaqnáha axta aqsa chá'a m'a apchaqneykegkaxa nak, hakte levitas axta aphanchessók chá'a aqsok ektekyawa ápetek ektáha nak apagkok, cham'a apkelxegexma'a nak.

2 Crónicas 5:12

Apyókxoho levitas ektáha axta chá'a apkelmeneykmasso: cham'a Asaf, Hemán tén han Jedutún, yetlo apketchek, tén han ma'a apnámakkok, apchaqnáha axta m'a ekpayho nak ekteyapmakxa ekhem ekyetnamakxa m'a ekwatnamáxchexa aqsok, yetlo apkelántaxneykekxa m'a apáwa apkelexyawe. Yetneyk axta m'a kélaqtáwasso élpayhe, yát'axpog tén han arpa. Ciento veinte apkelmaxnéssesso Dios énxet'ák apagkok axta han apkelxegexma'a, apkelpáwasso axta m'a apkelaqkahasso.

Esdras 2:41

Ciento veintiocho axta apyókxoho m'a apkelmeneykmassamo nak, Asaf axta aptawán'ák neptámen.

Esdras 5:16

Apwayak axta m'a Sesbasar, apnegkeneykegkek axta apowhók ma'a Dios tegma appagkanamap apagkok nak Jerusalén. Cháxa eyeynawo axta kélxátekháseykekxa xa, axta eyke epenchásamákpok makham.

Salmos 150:5

Kólpeykesho yetlo kélpáwasso kélaqtáwasso élmahágweykmoho nak ekpáwà! ¡Kólpeykesho yetlo kélaqtáwasso m'a élpexyennameykegkoho nak élpáwa!

Hageo 2:15

Kaxén sa' kaxwók kélwáxok kéxegke s'e, eyeynamo s'e sakhem nak, tén han ma'a egmonye' sa'. Amonye' kélxátekháseykekxa tegma appagkanamap,

Zacarías 4:10

“Kalpayhekxak sa' kaxwók apkelwáxok apkelwet'a enxoho appenchesa aptamheykha Zorobabel ma'a metnéssesso axta naqsók ma'a sekxók axta eyeynókxa apkelane aptamheykha.” Tén axta aptáha makham Dios apchásenneykha s'e: “Cháxa siete cháléwasso étkók nak ekteme Wesse' egegkok apaqta'ák, eksawheykekxoho nak apkelányo s'e ekyókxoho nak keso náxop.”

Zacarías 4:6

Tén axta aptáha seyáneya s'e: “Keso Wesse' egegkok appeywa apcháphássesso m'a Zorobabel: ‘Nágyásenneykxa sẽlpextétamo, tén han apyennaqte, eyke m'a Espíritu ahagkok nak, axta aptáhak Wesse' egegkok ekha nak apyennaqte.

Zacarías 4:7

¿Yaqsa exche' egkexe ekyawe? ¡Katnekxak sa' xe' xapop meyke élekhahéyak nápaqtók ma'a Zorobabel! Sa' elkok meteymog émha amonye' nak ma'a, neyseksa apteme apkelyennaqtéssamo apkelpeywa énxet'ák se'e: ¡Táse' nak la'a meteymog! ¡Tásók agko' nak la'a!’”

Zacarías 6:12

Keñe sa' etnehek yának se'e: ‘Apxénchek Wesse' egegkok ekha nak apyennaqte énxet apwesey nak Kaxwe Aptépeykekxa yenyék makham etépekxak ma'a apkeñémekxa axta, tén han exátekhásekxak makham ma'a Wesse' egegkok tegma appagkanamap apagkok.

Zacarías 7:3

tén han etnehek elmaxneyha apkellegasso nak Dios appeywa tén han apkelmaxnéssesso nak Dios énxet'ák apagkok apkeltamheykha nak chá'a Wesse' ekha nak apyennaqte tegma appagkanamap apagkok: “¿Anlanagkoya sa' chá'a sẽllapwámeyak ekwákxo enxoho chá'a cinco pelten yókxoho apyeyam? ¿Mantawagkeheya sa' nahan chá'a nentéyak ekhawo nentamheykegko nak makham se'e kaxwo' nak?”

1 Samuel 22:18

Tén axta wesse' apwányam aptáha apcháneya m'a Doeg, apteme axta edomita: —¡Elnáhap xép! Yetlókok axta han apketámeyak Doeg ma'a apkelmaxnéssesso nak Dios énxet'ák apagkok, ochenta y cinco énxet'ák axta han apkelnápak, apkelántaxneykekxa axta m'a apáwa efod, apkelánamap axta apáwa apkeláxñe.