Esdras 2:41 - Biblia Enxet

⁴¹ Ciento veintiocho axta apyókxoho m'a apkelmeneykmassamo nak, Asaf axta aptawán'ák neptámen.

Esdras 2:41 ပူးပေါင်းရင်းမြစ်များ

1 Crónicas 15:17

Axta aptemessásak levitas ma'a Hemán, apketche nak Joel, tén han Asaf, apketche nak Berequías, apteme apnámakkok nak Hemán; Merarí aptawán'ák neptámen, keñe han ma'a apteme apnámakkok apmonye'e axta, cham'a Etán, apketche nak Cusaías;

1 Crónicas 6:39

Aphegkek axta ekpayhókxa apkelya'assamakxa Hemán ma'a apteme pók Asaf, Berequías axta apketche, cham'a Berequías, Simá axta apketche,

Esdras 2:40

Setenta y cuatro axta apyókxoho m'a levitas, Josué axta aptawán'ák neptámen, tén han Cadmiel, aptawán'ák neptámen axta han ma'a Hodavías.

Esdras 2:42

Ciento treinta y nueve axta apyókxoho m'a apkeltaqmelchesso nak chá'a átog, Salum axta aptawán'ák neptámen, tén han Ater, Talmón, Acub, Hatitá tén han ma'a Sobai.

Esdras 3:10

Xama axta apnegkenágko meteymog apowhók Wesse' egegkok tegma appagkanamap apagkok ma'a ektáha axta apkeláneykekxa', apkelchampákxeyk axta néten apkelmaxnéssesso Dios énxet'ák apagkok, yetlo apkelántaxneykekxa m'a apkelántaxno apkelwenaqte, tén han yetlo apkelmeykha apkelaqkahasso. Keñe axta levitas, Asaf axta aptawán'ák neptámen, apkelsawa m'a apkeltekpaga yaqwayam elpeykeshok ma'a Wesse' egegkok, apkeltémókxa axta etnahagkok ma'a David, wesse' apwányam apagkok axta Israel.

Nehemías 11:17

Matanías, Micaías axta apketche, cham'a Micaías, Zabdí axta apketche, Asaf axta apketche, cham'a Asaf apkemha apmonye' axta chá'a apkelmeneykmasso, apkelmeneykmassamo axta chá'a m'a nélpeykessamo nak, tén han ma'a negmésso nak ekxeyenma egwáxok Dios, cham'a neyseksa ektamhomaxche chá'a nempeywa nélmaxnagko; tén han Bacbuquías, apteme axta pók apnámakkok tén han Abdá, Samúa axta apketche, cham'a Samúa, Galal axta apketche, Jedutún axta apketche.

Nehemías 7:44

“Ciento cuarenta y ocho axta apyókxoho m'a apkelmeneykmassamo nak, Asaf axta aptawán'ák neptámen.