Esdras 10:5 - Biblia Enxet

⁵ Apkempákxeyk axta néten Esdras, apkeltamhók axta elanagkok aqsok apmáheyo elanagkok ma'a apkelámha apmonye'e nak apkelmaxnéssesso Dios énxet'ák apagkok, tén han levitas, tén han apyókxoho israelitas, apkelxénchek axta han elanagkok.

Esdras 10:5 ပူးပေါင်းရင်းမြစ်များ

Esdras 10:3

Óltennaksek sa' Dios ólántekkesek ekyókxoho m'a kelán'ák yetlo étchek, megkatnaha nak nempeywomo xamo', keñe sa' kalanaxchek ma'a segánamakxa, sẽltennassama nak chá'a exchep, tén han ma'a apkelyeheykekxoho nak chá'a Wesse' egegkok segánamakxa apagkok.

Nehemías 10:29

apkelyepetchákxeyk axta apnámakkok tén han apkelámha apmonye'e apagkok, apxéna naqsók etnahagkok ma'a ektémakxa nak segánamakxa apmésso axta Dios ma'a Moisés, apteme axta apkeláneykha, tén han elanagkok meyke apkelyenseyam ekyókxoho m'a apkeltémókxa nak antéhek, tén han segánamakxa apagkok nak ma'a Wesse' egegkok,

Nehemías 13:25

Élpaqhetchessegkek axta ko'o ekyennaqte, tén axta séltémo kaltemégwomhok exma ekmaso. Nápakha axta han chá'a élnápeykha, tén han seyápetchessama chá'a apwa'ák, keñe axta séltémo etnéssesek naqsók apkelpeywa nápaqto' Dios megyohok chá'a kalmagkok apketchek kelwán'ák tén han apkelennay'a m'a megkatnaha nak appeywomo xamo', tén han megyohok etnahagkok apnaqteyegka'a apketchek apkelennay'a m'a kelán'ák nak, tén han xa énxet'ák nak. Axta ekteme han sélanagkama s'e:

Nehemías 5:12

Aptáhak axta seyátegmowágko s'e: “Ólmeyásekxak sa' ekyókxoho xa aqsok nak, mólmaxneyha sa' xama aqsok enxoho. Anlának sa' xa aptáhakxa nak sẽláneya.” Keñe axta sélwóneyncha'a apkelmaxnéssesso Dios énxet'ák apagkok, nápaqta'awók axta han éltamhók etnéssesek ekmámnaqsoho agko' ma'a apmáheyo elanagkok.

Proverbios 1:5

Yeyxhok ma'a apya'áseykegkoho nak aqsok, keñe yepmenyéhok chá'a mók makham apya'áseykegkoho aqsok, tén han kántagkok chá'a m'a ektémakxa apya'áseyak aqsok,

Proverbios 15:23

¡Kalpeykásekxohok chá'a apkelwáxok énxet ekpayhawo enxoho chá'a aqsok nenxeyenma, ekyagwánxa agkok ma'a negaqhawo enxoho kélámenyéxa katnehek!

Proverbios 27:9

Néltexneymáxche' ekmátsa ekpaqneyam chá'a kapeykásekxak egwáxok; kallókashok chá'a egyempehek ma'a segmésso nak chá'a appeywa ekmátsa m'a egmók.

Proverbios 9:9

Apkelxekmóssek sa' agkok xép ma'a énxet apya'áseykegkoho nak aqsok, keñe sa' kántagkok apteme apya'áseykegkoho aqsok; apkelxekmóssek sa' agkok xép ma'a énxet ektaqmalma nak apwáxok, keñe sa' kayágwomhok apya'áseyak aqsok.