Esdras 10:4 - Biblia Enxet

⁴ Yempekxa néten, hakte cháxa ekpayhémo nak xép yaqwayam elának xa, ampasmok sa' negko'o. Ewasqápekxoho, elána aptamheykha.”

Esdras 10:4 ပူးပေါင်းရင်းမြစ်များ

1 Crónicas 22:19

Kólteme sa' kaxwók naqsók agko' yaqwayam kóltéhek kélláneykha m'a Dios Wesse' kélagkok. Kóllánekxa sa' kaxwók kéltáhakxa yaqwayam kóllanaksek tegma appagkanamap apagkok ma'a Dios Wesse' egegkok, yaqwayam enxoho kólsakxak yántéseksek ekhémo mók nélpaqhetchásamáxkoho apagkok nak Wesse' egegkok, keñe han ma'a aqsok kélmeykha kélpagkanchesso nak Dios, kólnegkenwom sa' ma'a tegma appagkanamap apmako nak elanakpok yaqwayam kóllanaksek ma'a Wesse' egegkok.”

1 Crónicas 28:10

Ey'asagkoho exchep apkelyéseykencha'a m'a Wesse' egegkok, yaqwayam elanaksek tegma appagkanamap apagkok. ¡Ewasqápekxoho, etneykha kaxwo'!”

1 Crónicas 28:20

Aptáhak axta David apcháneya m'a Salomón: “¡Ewasqápekxoho ná eyelqáp, etneykha kaxwo'! ¡Nágkaleklágwom aqsa, nágkatneykha han apwáxok, hakte Dios Wesse' ahagkok nak ko'o sa' etnehek apxegexma exchep! Meyenyewek sa' xép ma'a, ekwokmoho appenchásekpo apkelánamap ma'a tegma appagkanamap nak.

1 Crónicas 28:21

Keso appasmo apkelmaxnéssesso Dios énxet'ák apagkok, tén han levitas, yaqwayam sa' elanagkok chá'a apkeltamheykha m'a tegma appagkanamap nak; apxámok sa' nahan chá'a etnehek appásegwe apkeltamheykha, apmopwancha'a nak ekyókxoho ektémakxa apkeltamheykha; elanagkok sa' nahan chá'a aptáhakxa enxoho exchep apkeláneya m'a apkelámha apmonye'e nak, tén han ma'a apyókxoho énxet'ák.”

Esdras 10:5

Apkempákxeyk axta néten Esdras, apkeltamhók axta elanagkok aqsok apmáheyo elanagkok ma'a apkelámha apmonye'e nak apkelmaxnéssesso Dios énxet'ák apagkok, tén han levitas, tén han apyókxoho israelitas, apkelxénchek axta han elanagkok.

Eclesiastés 9:10

Ekyókxoho aqsok apkepwagkexa nak xép elána', elána' yetlo apwasqápeykekxoho apagko'; hakte megkalanaxcheyk chá'a aqsok, tén han megkaxénaxchek chá'a aqsok, méko han negyekpelchémo, tén han negya'áseykegkoho aqsok m'a takhaxpop, cham'a yaqwánxa nak xép emhagkok.