Esdras 10:3 - Biblia Enxet

³ Óltennaksek sa' Dios ólántekkesek ekyókxoho m'a kelán'ák yetlo étchek, megkatnaha nak nempeywomo xamo', keñe sa' kalanaxchek ma'a segánamakxa, sẽltennassama nak chá'a exchep, tén han ma'a apkelyeheykekxoho nak chá'a Wesse' egegkok segánamakxa apagkok.

Esdras 10:3 ပူးပေါင်းရင်းမြစ်များ

2 Reyes 11:17

Keñe axta Joiadá apkelana ekhémo mók apkelpaqhetchásamákpoho m'a Wesse' egegkok, tén han wesse' apwányam ekweykekxoho énxet'ák, apkelxéna etnahagkok Wesse' egegkok énxet'ák apagkok, apheyásawók axta han mók apkelpaqhetchásamákpoho wesse' apwányam ma'a énxet'ák.

2 Crónicas 29:10

Xénchek ko'o kaxwók ewáxok axnéshok mók sélpaqhetchásamáxkoho Wesse' egegkok, Dios apagkok nak Israel, yaqwayam kamaskok sẽltaqnawéyak negko'o.

2 Crónicas 30:12

Dios axta han apkelánésawok apkelwáxok ma'a énxet'ák Judá, yaqwayam enxoho kaxhok mók ekleklamo apkelwáxok elanagkok ma'a apkeltémókxa axta etnahagkok ma'a wesse' apwányam, tén han ma'a apkelámha apmonye'e, apkeltémókxa axta etnahagkok ma'a Wesse' egegkok.

2 Crónicas 34:21

—Hélmaxnéssessekxa hana ko'o Wesse' egegkok, tén han ma'a énxet'ák apkeleymomap nak Israel tén han Judá, ektémakxa ekxeyenma s'e weykcha'áhak ekwetamaxchekxa nak; hẽltaqnaweygkok sa' kexa negko'o m'a Wesse' egegkok, hakte axta yaháxenmók aptémakxa axta apkelanagkama Wesse' egegkok ma'a ẽlyapmeyk nanók axta negko'o, axta han eláneykegkok ekyókxoho ektémakxa nak ektáxésamaxche s'e weykcha'áhak nak.

2 Crónicas 34:27

apyelaqtéssek axta han apwáxok, apkelyahákxók axta apleg'a sekpeywa peya ko'o wanmexek se'e yókxexma nak, tén han ma'a apheykha nak ma'a, chaqhak axta han apwáxok aptémakxa nahaqtók ko'o, apkelyepteyk axta apkelnaqta, apkelekxagweyha axta han nahaqtók ko'o, cháxa keñamak sekhaxnawo nak aptáhakxa. Éltennássek ko'o exchep xa, ko'o sektáha nak Wesse'.

Esdras 10:11

Kólya'ásegwakxoho kéxegke kélteme kélsexnánémaxche s'e nápaqto' nak Wesse' egegkok, Dios apagkok nak kélyapmeyk, kóllána chá'a m'a apmopmenyého nak Wesse' egegkok, nágkólpaxqaha kaxwók ma'a énxet'ák melya'áseyak nak Dios, tén han se'e kelán'ák megkatnaha nak kélpeywomo xamo'.

Esdras 10:44

Cháxa apyókxoho apkelméyak axta kelán'ák megkatnaha apkelpeywomo xamo', apkexeygkek axta eyke apkeláphassama yetlo étchek.

Esdras 10:9

Apchaqnákxeyk axta apyókxoho apkelennay'a apkeleñama nak Judá, tén han Benjamín ma'a Jerusalén, ekhem veinte, aptáhakxa axta nueve pelten, cham'a eksawheyxchexa axta ántánxo ekhem. Apháha axta apyókxoho m'a eyáxñe nak Dios tegma appagkanamap apagkok, apkelpexyenegkek axta apkelaka m'a ektáhakxa axta apkellege, tén han eñama ekmámeye.

Esdras 9:4

Épetchegwa'akteyk axta ko'o apyókxoho m'a apkeye axta Dios nak Israel senlegassáseykegkoho, eñama melya'assáxma m'a apkelweykta axta makham kélnaqleykekxa axta megkatnahakxa apkelókxa; ekheyk axta eyke aqsa ko'o yetlo ekyaqhapmo ewáxok ekweykmoho taxnám ektekyómakxal'a aqsok kélnaqtósso.

Nehemías 10:1

Keso énxet'ák apnaqtáxéséyak axta apkelwesey weykcha'áhak se'e: Ko'o Nehemías, Hacalías apketche, sekteme nak séláneykha apchókxa; tén han Sedequías,

Nehemías 8:14

Apkelwet'ak axta han ektáxésamaxche weykcha'áhak, apkeltémo exmakha chá'a kóneg yenta'a aktegák étkók apkelpakxenéyak Wesse' egegkok ma'a israelitas, apchásenneykekxo axta eñeksek ma'a Moisés, neyseksa élánamáxche m'a kélessawássessamo, pelten siete.

Nehemías 9:38

Nenxénchek negko'o anlának meyke negyenseyam ekyókxoho m'a ektáxésamaxche sentémakxa nak chá'a, apnaqtáxésagkek han apkelwesey apkelámha apmonye'e egagkok ma'a weykcha'áhak kélqahasso nak, tén han levitas, tén han ma'a apkelmaxnéssesso Dios énxet'ák apagkok.

Salmos 119:120

Kelpexyennegkek ko'o ekyókxoho émpehek seyeye nápaqto' xép, eyáyók ma'a apchánamakxa nak antéhek.

Salmos 119:59

Kelchetagkassegkek axta ko'o ewáxok sektémakxa, tén axta sélyeheykekxoho makham apchánamakxa nak xép antéhek.

Isaías 66:2

¡Ko'o ahagko' sélane ekyókxoho xa aqsok nak, axta keñamak élánteyapma! Ko'o sekxeyenma xa, sektáha nak Wesse'. “Énxet sekpasmomo nak chá'a ko'o, cham'a énxet apmopyósa nak ekyentaxnamo nak chá'a apwáxok apcháyo nak chá'a m'a sekpeywa.

Isaías 8:20

yaqwayam enxoho elxawagkok chá'a apkeláneyákpexa etnahagkok, essenhan xama amya'a!” Megkatnehek sa' metne apkelpeywa xa, amya'a ekyeyháxma eyke xa aptamheykegkaxa nak apkelpeywa.

Ezequiel 9:4

aptáhak axta apcháneya s'e: “Eweynchamha sa' kañe' tegma apwányam Jerusalén, elqahássesák sa' chá'a élpayhakxa nápaqta'a m'a énxet éllapwámeyak nak chá'a tén han eyaqhe nak chá'a apkelwáxok ma'a aqsok ekmaso agko' nak élánamáxche m'a kañe'.”

Deuteronomio 29:12

yaqwayam sa' kólxének naqsók peya kóllának ma'a ekhémo mók nélpaqhetchásamáxkoho apkelánésa nak sakhem kéxegke m'a Dios Wesse' kélagkok.

Josué 9:6

Xama axta apkelwokmo m'a apkelpakxeneykegkaxa nak ma'a yókxexma Guilgal, aptáhak axta apcháneya Josué tén han ma'a énxet'ák nak Israel: —Tayépók agko' negko'o néleñamakxa. Hẽllanés hana kéxegke xama ekhémo mók nélpaqhetchásamáxkoho negko'o.