Esdras 10:2 - Biblia Enxet

² Keñe axta Secanías, Jehiel axta apketche, Elam axta aptáwen neptámen, aptáha apcháneya Esdras se'e: “Mólyaheykekxak negko'o m'a Dios egagkok, hakte nélmeykegkek nentamheykegko ennaqteyegka'a m'a kelán'a megkatnaha nak nempeywomo xamo', éleñama nak apheykegkaxa m'a énxet'ák melya'áseyak nak Dios. Yetneyk eykhe makham yaqwayam kólásekhekxohok ma'a israelitas.

Esdras 10:2 ပူးပေါင်းရင်းမြစ်များ

Esdras 10:26

Matanías, Zacarías, Jehiel, Abdí, Jeremot, tén han Elías, Elam axta aptawán'ák neptámen.

Esdras 2:31

mil doscientos cincuenta y cuatro axta apyókxoho m'a apkeleñama nak mók Elam;

Esdras 2:7

mil doscientos cincuenta y cuatro axta apyókxoho m'a Elam axta aptawán'ák neptámen;

Esdras 8:7

tén han Isaías, Atalías axta apketche, apkeñama axta nepyeseksa m'a Elam aptawán'ák neptámen, yetlo setenta énxet'ák apkelxegexma'a,

Esdras 9:1

Xama axta ekpenchásamaxko élánamáxche xa aqsok nak, elya'aweykteyk axta ko'o m'a apkelámha apmonye'e nak, peya etnehek heyának se'e: “Appáxaqxegkek aqsa israelitas tén han apkelmaxnéssesso Dios énxet'ák apagkok, tén han levitas se'e énxet'ák apheykha nak se'e apchókxa nak, cham'a cananeos, hititas, ferezeos, jebuseos, amonitas, moabitas, egipcios, tén han amorreos, neyseksa eykhe élmasagcha'a agko' apkeltémakxa melya'áseyak Dios.

Esdras 9:2

Apkelmeykegkek aptamheykegko apnaqteyegka'a apyapmeyk ekweykekxoho apketchek apkelennay'a apketchek kelwán'ák nak se'e énxet'ák nak; cháxa keñamak appaxqeykekxo nak Dios énxet'ák apagkok ma'a énxet'ák megkatnaha nak appeywomo xamo'. Apkelámha apmonye'e han chá'a sekxók apkeláneyak apmonye'e xa ektéma nak melya'assáxma, tén han ma'a apkeltaqmelchesso nak chá'a apchókxa.”

Nehemías 13:27

Móghók negko'o kóllának kéxegke xa ektéma nak megkólya'assáxma ekmaso agko', nápaqtók ma'a Dios egagkok, kólmagkok ma'a kelán'ák megkatnaha nak kélpeywomo xamo'.”

Nehemías 3:29

Keñe axta Sadoc, Imer axta apketche, apkeláneykxo m'a kélhaxtegkesso nepyáwa tegma ekpayho nak apxagkok, tén axta m'a mók kélhaxtegkesso nak nepyáwa tegma, apkeláneykxo m'a Semaías, Secanías axta apketche, apteme axta apkeláneykha m'a átog kéltéma nak Ekteyapmakxa Ekhem.

Nehemías 7:12

mil doscientos cincuenta y cuatro axta apyókxoho m'a Elam axta aptawán'ák neptámen;

Nehemías 7:34

mil doscientos cincuenta y cuatro axta apyókxoho m'a aptawán'ák neptámen nak pók Elam,

Éxodo 34:12

“Nágkólmés aqsa xama enxoho ekhémo mók kélpaqhetchásamaxkoho m'a énxet'ák, apheykha nak ma'a apkelókxa yaqwánxa nak kólántexek, yaqwayam enxoho megyánhek kalmok ma'a yám'én apagkok apkelhanma nak.

Proverbios 28:13

Asagkek katnehek apha m'a énxet appósso nak chá'a mey'assáxma; yásekhekxohok eyke chá'a Dios ma'a énxet apkeltennasso nak chá'a aptémakxa, tén han apyenyeykekxa nak chá'a.