Eclesiastés 9:18 - Biblia Enxet

¹⁸ Yeykhágweykmók negya'áseyak aqsok ma'a kélmeykha nak kempakhakma. Ketsék magaqhémo aqsok, xámok katnehek eknaqtawáseykha aqsok.

Eclesiastés 9:18 ပူးပေါင်းရင်းမြစ်များ

2 Reyes 21:2

Axta eyke kaleklók apwáxok Wesse' egegkok ektémakxa aqsok apkelane m'a, hakte apkeláneyak axta han ekmaso aptémakxa ekhawo aptamheykegkaxa axta m'a énxet'ák, ektáha axta Wesse' egegkok apkelántekkesso nepyeseksa m'a israelitas:

Job 35:8

Eyke katwássesha apheykha mey'assáxma m'a énxet'ák aphawo nak xép, tén han kataqmelchessesek apheykha m'a aptémakxa ektaqmela nak.

Eclesiastés 10:1

Ethápok chá'a xama yápa aphápak, emasseksohok chá'a ekpaqneyam sokmátsa ekmátsa nak ekpaqneyam. Ñohok agko' chá'a kahaxnaxkohok ma'a amya'a ekyeyháxma mékoho nak, megkaxnawok ma'a negya'áseykegkoho nak aqsok ekpayhawo nak eykhe kóláwho'.

Eclesiastés 10:10

Méko agkok ahamtek póte, tén han megkólmaxneyeykha nak chá'a, kólwasqáphok chá'a kólmaha. Tásek anlának aqsok ektaqmela yetlo negya'áseykegkoho.

Eclesiastés 2:13

Ekweteyak axta negya'áseyak aqsok ektáha ektaqmela, megkaxnawok ma'a segyeyháxma nak, ekhawo nak han ektémakxa élseyéxma ektaqmalma, megkaxnawok ma'a ekyaqtéssóxma nak.

Eclesiastés 7:12

Hentaqmelcheshok chá'a m'a negya'áseykegkoho nak aqsok, hawók ma'a selyaqye nak, yeykhágweykmók eyke m'a negya'áseyak nak aqsok, hakte awanchek kagkések apyennaqte m'a énxet ekha nak apya'áseykegkoho aqsok.

Eclesiastés 7:19

Kagkéshok chá'a apyennaqte negya'áseykegkoho nak aqsok ma'a énxet ekha nak apya'áseyak aqsok, kaxnók ma'a diez apkeltaqmelchesso nak chá'a xama tegma apwányam asextók chá'a katnehek apkelyennaqte.

Eclesiastés 9:16

Ekxénchek ko'o ektaqmela antéhek ekha negya'áseyak aqsok, megkaxnawok antéhek magaye aqsok, neyseksa eykhe megkahaxnamáxkoho aptáhakxa appeywa m'a énxet meyke nak aqsok apagkok ekha nak apya'áseyak aqsok, tén han megkamáxko enxoho chá'a takha' aptáhakxa.

Josué 22:20

Kaxénwakxoho sa' kélwáxok ma'a Acán, Zérah axta apketche, apkelánéyak axta mey'assáxma apkelmoma m'a aqsok élxénamaxche axta kólmasséssók, axta keñamak apkelsexnáneyágko apyókxoho énxet'ák Israel apkeltaqnaweygko m'a Wesse' egegkok. ¡Háwe axta han Acán apxakkók apketsapma eñama mey'assáxma!

Josué 7:1

Xama aphawóxama axta m'a énxet'ák nak Judá apwesey axta Acán, Carmí apketche, Zabdí aptáwen, aptáha nak han pók aptáwen ma'a Zérah, apkelmeyk axta nekha aqsok ektáha axta kélpagkanchesso yaqwayam kólmasséssók. Axta keñamak élpehewákxo apkelsexnánémap nápaqtók Wesse' egegkok ma'a apyókxoho énxet'ák nak Israel, eñama apkelma aqsok apkeltémo axta eykhe kólmasséssók. Axta keñamak aplawa Wesse' egegkok apkeltaqnaweygko m'a énxet'ák nak.

Josué 7:5

Aptekyókek axta treinta y seis israelitas; keñe m'a nápakha nak apmenxena eyeynmo m'a átog nak tegma apwányam ekweykmoho m'a kélhexyawassamakxa nak chá'a meteymog, axta apkelnáhápweykxak ma'a ekweyweykentamxa nak xapop. Axta keñamak apkelyelqákpo m'a énxet'ák, massék axta élyenna apkelwáxok.

1 Samuel 14:30

exchek ekyágwánxa agkok elyennákxohok énxet'ák aptókagko enxoho sakhem ma'a aqsok apkelyementaméyak nak nélenmexma. ¡Apxámok xeyk etnehek nélnapma m'a filisteos!