Eclesiastés 9:12 - Biblia Enxet

¹² Méko ekya'ásegkoho ekwánxa kammok néxa ekhem agkok: ekhawo ektémakxa nak kelasma kólmok yám'én, keñe náta ma'a kelhanma, cháxa ektémakxa nak han énxet xa, katlakkasek aqsa chá'a káhapwak aqsok ekmaso neyseksa melhaxanma.

Eclesiastés 9:12 ပူးပေါင်းရင်းမြစ်များ

Salmos 11:6

Yahak sa' Wesse' egegkok átex, táxa tén han aqsok eyáléwomól'a m'a énxet'ák élmaso nak apkeltémakxa, yahak sa' éxchahayam yaqwayam sa' kalwatnek ma'a apyókxoho nak. ¡Ellegássesagkohok sa' Wesse' egegkok ekpayhawo nak etnéssesek!

Proverbios 24:22

hakte yahamok chá'a káhapwak ekmaso apheykha m'a, méko han kay'asagkohok chá'a yaqwánxa etnehek apkellegassáseykegkoho Dios ma'a, tén han ma'a wesse' apwányam nak.

Proverbios 29:6

Neykhe kelhanma apagkok énxet ekmaso nak aptémakxa m'a mey'assáxma nak; kapayhekxak eyke chá'a apwáxok neyseksa apha m'a énxet meyke nak aptémakxa, yátsaha chá'a.

Proverbios 6:15

Cháxa keñamak peya sa' katlakkasek aqsa káhapwak aqsok ekmaso; ekmanyehe agko' sa' enaqtawasakpok, mopwanchek sa' elwagkasakpok teyp.

Eclesiastés 3:19

Hawók mók élmaheykegkaxa énxet, tén han aqsok nawha'ák: kaletsaphok nahan chá'a, hawók mók ekha élennama. Méko ekyeykhamaxche énxet tén han aqsok nawha'ák: ekyókxoho ekteme eyaqhémo agweta',

Eclesiastés 8:11

Megkólmagkek chá'a ekmanyehe agko' ma'a aqsok ekmaso nak, megkóllegássesagkók nahan chá'a m'a ektáha nak apkelane, cháxa keñamak ekxéneykencha'a nak aqsa apwáxok énxet elának ma'a aqsok ekmaso nak.

Eclesiastés 8:8

Méko ekha ekmowána kamagkok ektémakxa nak negyennaqte, méko han ekmowána kanókasha m'a nétsapma nak. Méko awanchek kaxyánegkesek xa kempakhakma nak. Megkawagkasek teyp aptémakxa ekmaso m'a énxet ekmaso nak aptémakxa.

Eclesiastés 9:13

Xama aqsok sekweteya nak han ko'o keso náxop, máxa eykhe ektaqmela enxoho sẽlxekmósso:

Isaías 24:18

Máxek sa' etyamok chá'a m'a apyexánegkesso nak chá'a apkelnempaqwáméyak, keñe sa' ma'a apteyapma nak chá'a kañe' máxek kamok kelhanma. Mámeye ekwányam sa' kaweywenták néten keñe sa' kayawheykha m'a xapop awhak nak.

Isaías 30:13

cháxa keñamak kéltáha nak kélsexnánémaxche kélagko' kéxegke. Kélhawók ma'a meteymog kélhaxtal'a nepyáwa tegma netna'awo élmayhel'a, ekpelakkassól'a aqsa kayaqnenek neyseksa megkaxeyenma kélwáxok katnehek;

Ezequiel 32:3

“Keso aptáhakxa exchek appeywa Wesse' egegkok se'e: Wáhakkasek sa' ko'o exchep yám'én ahagkok, megkeyxek sa' apha nepyeseksa apxámokma énxet, sa' amok ko'o exchep xa yám'én nak.

Oseas 7:12

Apkelmahágkek sa' agkok ma'a, wáhakkasek sa' yám'én ahagkok, kalmok sa', ektémól'a náta élchampeykhal'a néten, almok sa' ko'o eñama apkeltémakxa ekmaso.

Oseas 9:8

Apteméssessegkek Dios apkeleyxcháseykha Efraín ma'a aplegasso nak appeywa, kélpekkenchessegkek eyke chá'a kéxegke kelhanma m'a apmahágkaxa enxoho chá'a, ¡weykekxók kéltaqnagko kélwákxo enxoho chá'a m'a Dios tegma appagkanamap apagkok nak!