Eclesiastés 8:13 - Biblia Enxet

¹³ keñe eyke m'a énxet'ák élmasagcha'a nak apkeltémakxa, asagkek héxta chá'a katnehek apheykha, kayaqwáthok héxta nahan chá'a apheykha, máxa yámet pessesse héxta chá'a etnahagkok.)

Eclesiastés 8:13 ပူးပေါင်းရင်းမြစ်များ

Job 14:2

Máxa m'a ektémól'a pánaqte exnók kaxwe élánteyapmal'a, keñe kalyameygkok; neghawók ma'a ektémól'a pessesse kaxog keñe kamassegwók.

Job 18:5

Máxa cháléwasso élsapane sa' etnahagkok elmassegwók ma'a élmasagcha'a nak apkeltémakxa. Sa' etnahagkok ma'a ektémól'a kaspónak táxa eyáléwe.

Job 20:5

yaqwátawók chá'a katnehek ekpayheykekxa apwáxok ma'a ekmaso nak aptémakxa; yaqwatakxoho m'a apchátseykha nak.

Job 21:30

apkelxeyenma nak chá'a aplawa enxoho Dios yáphaksek ekmaso negha, keñe megkatnégwomok exma m'a ekmaso nak aptémakxa?

Salmos 11:5

Elanok chá'a Wesse' egegkok ma'a apkelpéwomo nak, tén han ma'a élmasagcha'a nak apkeltémakxa, etaqnawhok apagko' chá'a m'a apkelmopmenyého nak elyennaqtésha apyempe'ék.

Salmos 144:4

Aphawók xama nentekkesól'a nennama m'a énxet; yahamok kamaskok apyennaqte ektémól'a pessesse kamallánek,

Salmos 37:1

Nágkallókas aqsa apwáxok elanok ma'a énxet'ák élmaso nak apkeltémakxa, nágkayásekkes aqsa apwáxok apkeltémakxa m'a énxet'ák apkeláneykegkoho nak aqsok ekmaso,

Salmos 39:5

Yaqwátawók ko'o exchep segkésso sekha, yaqwátawók ko'o sekyennaqte nápaqto' xép. ¡Apyókxoho énxet apteme máxa éxchahayam ekmassegweykmohol'a aqsa!

Salmos 55:23

Dios ahagkok, megkawegqók sa' chá'a apkelweynchámeykha m'a énxet'ák ekyetno nak chá'a apkelyógkexma', tén han ma'a apkelmopwancha'a nak chá'a amya'a; xép sa' epalchesegmak ma'a kañók agko' nak takhaxpop, keñe ko'o may'ásseykmok xép.

Eclesiastés 3:14

Ekya'ásegkók nahan ma'a ekyókxoho Dios axta apkelane megkamassegwomek chá'a. Méko han kawának kalánekxoho', tén han kamasseksek; hakte Dios axta apteméssesso xa ektémakxa nak, yaqwayam enxoho chá'a negko'o agáwhok ma'a.

Eclesiastés 5:7

Kéméxcheyk xép etnehek apcháyo m'a Dios, neyseksa ekxákma élwanmésso ekmaso énxet'ák, tén han neyseksa élpaqmétamáxche naqsa, cham'a aqsok mékoho nak.

Eclesiastés 6:12

Méko awanchek kaltennaksek yaqwánxa etnehek énxet neyseksa apha ekyaqwate keso náxop, cháxa apha nak, ektáha han aqsok mékoho. Máxa pessesse ekmanyehel'a chá'a kayeykhak katnehek ma'a apweynchámeykha nak. ¿Yaqsa awanchek kaltennásekxohok yaqwánxa katnehek keso náxop, cham'a natámen apketsapma?

Eclesiastés 7:15

Ékeso sekweteya nak chá'a neyseksa sekweynchámeykha s'e, ektáha nak aqsok eyaqhémo agweta': emassegwomhok chá'a m'a énxet'ák élpéwomo nak apkeltémakxa, neyseksa apteme élpéwomo apkeltémakxa, keñe m'a énxet'ák élmasagcha'a nak apkeltémakxa, neyseksa eykhe apkeláneyak apkeltémakxa ekmaso, exmakha chá'a ekwenaqte agko'.

Eclesiastés 7:18

Ektaqmelakxoho exchep emagkok ekyennaqte s'e aqsok nak, meyke apyenyeykekxa apméyak ma'a mók aqsok nak. Énxet apteme nak apcháyo Dios, emallánek chá'a xa ekyókxoho aqsok nak.

Eclesiastés 8:8

Méko ekha ekmowána kamagkok ektémakxa nak negyennaqte, méko han ekmowána kanókasha m'a nétsapma nak. Méko awanchek kaxyánegkesek xa kempakhakma nak. Megkawagkasek teyp aptémakxa ekmaso m'a énxet ekmaso nak aptémakxa.

Isaías 3:11

Énxet'ák élmasagcha'a apkeltémakxa sa' laye, asagkek sa' chá'a katnehek ma'a aqsok apkelánéyák, Dios sa' ellegássesagkohok ekhawo m'a ektémakxa nak aqsok apkelánéyák.

Isaías 30:13

cháxa keñamak kéltáha nak kélsexnánémaxche kélagko' kéxegke. Kélhawók ma'a meteymog kélhaxtal'a nepyáwa tegma netna'awo élmayhel'a, ekpelakkassól'a aqsa kayaqnenek neyseksa megkaxeyenma kélwáxok katnehek;

Isaías 57:21

Méko ektaqmalma apheykha m'a énxet'ák élmasagcha'a nak apkeltémakxa.” Dios apxeyenma xa.

Isaías 65:20

Méko sa' xama sakcha'a yetsapok aptáhakxoho ketchetsék ma'a kañe' nak, méko sa' nahan xama enxoho apwányam yetsapok aqsa neyseksa mewagkasso néxa apteme apwányamo. Apketsapma nak cien apyeyam apagkok exénakpok sa' apketsapma apketkok, keñe sa' ma'a mewayam nak cien apyeyam apagkok, exénakpok sa' aptaqnómap.

Jeremías 44:10

Megkólyaqmagkasseykmok makham kéltémakxa kéxegke ekwokmoho makham se'e negwánxa nak, megkólayek han, megkólláneykegkok nahan ma'a séltémókxa nak kóltéhek, tén han segánamakxa sekmésso axta ko'o kéxegke, tén han ma'a kélyapmeyk nano' axta.

Malaquías 3:18

Keñe sa' kéxegke kólyekpelchágwok makham mexnémo pók ma'a éltaqmalma nak apkeltémakxa, tén han ma'a ekmaso nak apkeltémakxa, tén han ma'a apkelpeykessamo nak Dios, tén han ma'a melpeykessamo nak.”