Eclesiastés 8:10 - Biblia Enxet

¹⁰ Ekweteyak axta han énxet'ák élmasagcha'a nak apkeltémakxa, melweykmoho axta chá'a m'a kélpeykessamókxa nak chá'a Dios, kaltaqmalmakha chá'a apkelxénamap, cham'a ekhem kélátawanyakxa enxoho; keñe m'a énxet'ák apheykha nak tegma apwányam, megkaxénwakxók chá'a apkelwáxok natámen, cham'a apkeláneykxa axta chá'a aqsok ekmaso. Cháxa ektáha han aqsok eyaqhémo agwetak xa.

Eclesiastés 8:10 ပူးပေါင်းရင်းမြစ်များ

Job 21:18

¿Agwethoya chá'a kólexpánchesek, ektémól'a pa'at apák kalsók samaxche éxchahayam agkok?

Salmos 31:12

Massegkek ko'o ekxeyenma kélwáxok, máxa temék ma'a sétsapma enxoho. Máxa ko'o m'a egheykok kélpaxqáteykekxal'a, élánamáxche nak yelpa'.

Proverbios 10:7

Kaxénwakxohok chá'a kélwáxok aptémakxa axta m'a énxet ekpéwomo axta aptémakxa', yetlo ektaqmalma apxénamap; keñe m'a énxet ekmaso axta aptémakxa', ñohók chá'a kamaskok ekxénweykekxoho kélwáxok.

Eclesiastés 1:11

Massegweykmek élxénamaxche m'a aqsok nano', kamassegwók sa' han élxénamaxche m'a aqsok peya nak kalántépekxak egmonye' nepyeseksa nak énxet'ák, cham'a nentámen sa' negko'o.

Eclesiastés 2:16

Hakte méko chá'a kaxénwakxohok awáxok ma'a énxet ekha nak apya'áseyak aqsok, tén han ma'a énxet ekyeyháxma nak; méko sa' kaxénwakxohok awáxok ma'a egmonye' sa', eletsaphok chá'a m'a énxet ekha nak apkelya'áseyak aqsok, tén han ma'a élyeyháxma nak.”

Eclesiastés 9:15

Keñe m'a tegma apwányam nak, exek xama énxet ekha nak apya'áseyak aqsok meyke nak aqsok apagkok, apmopwána nak eykhe ewagkasek teyp tegma apwányam, ¡méko eyke chá'a kaxének awáxok!

Eclesiastés 9:5

Énxet'ák meletsapa nak makham, apya'ásegkok megkatnehek chá'a meletsapma, keñe eyke m'a énxet'ák apkeletsapma nak, melya'ásegkok aqsok, méko han aqsok elweta', hakte méko chá'a kaxénwakxohok awáxok.

Jeremías 17:13

Wesse', xép apteme apkelhaxanma m'a Israel. Elmegqágwakxohok sa' apyókxoho m'a apyamasma nak xép. Elmassegwók sa' apyókxoho m'a apyetnakhasso nak xép, ektémól'a kélwesey kéltáxéssól'a yagkamex, eñama apyamasma exchep, apteme nak ekteyapmakxa yegmen ektaqmalma.