Eclesiastés 7:5 - Biblia Enxet

⁵ Tásek hempaqhetchesek ekyennaqte m'a énxet ekha nak apya'áseyak aqsok, megkaxnawok senxéneykha ektaqmela m'a énxet ekyeyháxma nak.

Eclesiastés 7:5 ပူးပေါင်းရင်းမြစ်များ

Salmos 141:5

Hepasmok chá'a ko'o señassásegkoho enxoho m'a énxet meyke nak aptémakxa, máxa sokmátsa ekmátsal'a ekpaqneyam chá'a katnehek ma'a sepaqhetchesa enxoho ekyennaqte. Mataqnókkehek chá'a ko'o xa sepékessáseyak nak; alenxanmagkohok sa' aqsa sélmaxnagko, neyseksa setekpageykha.

Salmos 69:12

Hexénmakha chá'a, elanagkok chá'a apkelmeneykmasso hexének ma'a anmen át'ák nak.

Proverbios 13:13

Énxet melyaheykekxa nak chá'a kélpaqhetcháseykha, kaqhek sa' apwáxok natámen; exkak sa' eyke ekyánmaga m'a énxet apkelyaheykekxoho nak chá'a segánamakxa'.

Proverbios 13:18

Meyke aqsok apagkok sa' etnehek ma'a énxet melyaheykekxa nak chá'a kélpaqhetcháseykha, emegqeyk sa' han chá'a; kéláyo ekyawe sa' eyke etnehek ma'a énxet apkelyeheykekxoho nak chá'a ektémakxa kélpékessáseyak.

Proverbios 17:10

Xama kélpaqhetchesso ey'ásegwók ektáhakxa aqsok ekmaso apkelane m'a énxet apya'áseykegkoho nak aqsok, keñe m'a énxet ekyeyháxma nak, cien kelyekpexchetma eykhe kóltéhek, mey'ásegwome'.

Proverbios 25:12

Megkaxnawok ektaqmalma ektémakxa nak chá'a kélnókáseykha énxet apmomo nak chá'a takha' kélnókáseykha m'a kélatchesso kélaphék sawo ekyátekto, tén han ma'a kélnatanma.

Proverbios 27:6

Tásek agáwhok segmésso nak appeywa ekyennaqte m'a egmók, kaxnók agáwhok sempatheteykha m'a megkatnaha nak egmók.

Proverbios 6:23

Máxa cháléwasso eyápogwate m'a nélánemáxchexa nak antéhek tén han ma'a sẽlxekmowáseyak nak; ámay ekyennaqte egnények ma'a sẽlpeykessáseyak nak, tén han ma'a sẽlpaqhetcháseykha nak chá'a.

Proverbios 9:8

Apkeltennásekxók sa' agkok xép aqsok apkelane m'a énxet megkeyxnegwayam nak chá'a appeywa, etaqnók sa'; apnókáseyha sa' agkok xép ma'a énxet apya'áseykegkoho nak aqsok, yásekhohok sa'.

Eclesiastés 12:11

Énxet apkelya'áseykegkoho nak aqsok, máxa yámet élmahantal'a naw'a m'a apkelxeyenma nak aqsok, kélánchásekxeyk agkok ma'a apkelxeyenma nak aqsok, máxa láwa élmahantal'a naw'a kélatcháseyak nak aqsok katnekxa', cham'a apkelatcháseyak la'a xama apkeláneykha nepkések.

Eclesiastés 7:4

Énxet ekha nak apya'áseyak aqsok, kaxénmakha chá'a apwáxok nétsapma, keñe eyke m'a énxet ekyeyháxma nak, wánxa aqsa kaxénmakha apwáxok etegyaha ekpayheykekxa apwáxok.

Eclesiastés 9:17

Tásek chá'a katnehek ekhaxnamáxkoho appeywa m'a énxet ekha nak apya'áseyak aqsok ménnaqtésso nak epaqmétek, megkaxnawok ma'a apkelpáxameykha nak wesse' apwányam, apagkok nak ma'a énxet'ák élyeyháxma nak.