Eclesiastés 7:13 - Biblia Enxet

¹³ Etaqmelchesho hana apkelányo aqsok apkelane nak Dios: ¿yaqsa awanchek kapékásekxak aptaqhesso nak ma'a?

Eclesiastés 7:13 ပူးပေါင်းရင်းမြစ်များ

Job 11:10

Apkexyekmek sa' agkok Dios, keñe han apma enxoho xama énxet yaqwayam ékpelkohok aptémakxa', ¿yaqsa awanchek kanókasha?

Job 12:14

Dios nak apmassésseyam aqsok, méko kawának kaxátekhásekxak makham; Dios nak apkelma, méko kawának kalántekkesek.

Job 34:29

Apwanmakkek agkok ma'a Dios, ¡méko awanchek kaxének megkapayhawo aptáhakxa'! Agkok eltamhok éteyakpok, ¿yaqsa awanchek kóta'? Cha'a apkeláneykha chá'a apkelókxa m'a tén han ma'a énxet'ák

Job 37:14

Job, ná epekhésap aqsa, yeyxho sa', kalchetagkasha sa' apwáxok ma'a aqsok éltaqmalma apkelane Dios.

Job 9:12

Apmeyk agkok xama aqsok, méko awanchek kanókasha. ¿Yaqsa awanchek kalmaxneyha aptáhakxa'?

Salmos 107:43

Énxet apya'áseykegkoho nak aqsok, kéméxcheyk ey'asagkohok xa, tén han ey'asagkohok segásekhayo m'a Wesse' egegkok.

Salmos 8:3

Élanawók agkok chá'a m'a néten, ektáha axta exchep apkelane, tén han pelten tén han ma'a yaw'a apnegkenma axta m'a,

Eclesiastés 1:15

¡Méko kawának kapékásekxak ma'a kéltaqhesso nak, megkólwanchek nahan kólyetsetek ma'a méko nak!

Eclesiastés 3:11

Dios axta apkelane amonye' aqsok éltaqmela, appekkenchessegkek axta han apwáxok énxet néltémo nak agya'asagkohok yaqwánxa katnehek egmonye' tén han nentámen meyke néxa, neyseksa mey'áseyak eykhe m'a ekyókxoho aqsok ekyawe apkelane nak Dios, tén han ma'a apmáheyo nak chá'a elána'.

Eclesiastés 8:17

ekyekpelchágweykmek agko' axta énxet megkamopwána ey'asagkohok ma'a aqsok apkelane nak Dios, tén han ektemegweykmohoxma nak chá'a keso náxop. Elenxanmok eykhe chá'a ey'ásegwók éleñémekxa, métekxeyk eyke chá'a, exének eykhe han chá'a apya'ásegkoho m'a énxet apya'áseyak nak aqsok, métekxeyk eyke han ma'a.

Isaías 14:27

Apxénchek katnehek Wesse' ekha nak apyennaqte xa, méko nahan kawának kanókasha. Peyk ellegássesagkoho', méko nahan kayaqmagkassessók mók ma'a yaqwánxa etnehek.

Isaías 43:13

Ko'o sekteme Dios eyeynamo m'a sekxók axta. Méko xama aqsok hexyánegkesek ko'o. Méko kamasséssók ma'a aqsok sélane nak chá'a.”

Isaías 5:12

Keytek chá'a kélháxenmo arpa apkelpáwá, tén han ma'a pók aptémakxa nak chá'a yát'axpog, tén han kéltekpaga nak chá'a tén han ma'a yámámok kélpáwasso nak. Awanhek nahan chá'a katnehek vino kéllane m'a ektámáxche ekyawe, keñe megkaxeyenma chá'a kélwáxok ma'a aqsok apkelane nak chá'a m'a Wesse' egegkok, megkólya'ásegkok ma'a aqsok apkelane nak.

Daniel 4:35

Mékoho apancha'awók nápaqtók ma'a apyókxoho énxet'ák nak keso náxop. Elának chá'a apmakókxa enxoho chá'a elána', cham'a aqsok ekhéyak nak néten tén han keso náxop. Méko awanchek kanmexekxak apmopwána, tén han katnehek kának se'e: ¿Yaqsa ektáha aptáha nak xa ektáha nak?”