Eclesiastés 5:9 - Biblia Enxet

⁹ ¿Keya kéltéma nak ekxatakhe apchókxa xa? ¿Keya aptémakxa chá'a wesse' apwányam elanaksek aqsok énxet'ák apkeltamheykha nak yókxexma xa?

Eclesiastés 5:9 ပူးပေါင်းရင်းမြစ်များ

Salmos 115:16

Wesse' egegkok apagkok ma'a néten, keñe énxet apméssama xapop.

Proverbios 13:23

Xámo' katnehek nento namyep apagkok ma'a énxet meyke nak aqsok apagkok, kamassegwomhok chá'a nento m'a meykexa nak ekpéwomo nentémakxa.

Proverbios 28:19

Xámok katnehek apto m'a énxet ekha nak apkeneykekxa aqsok namyep apagkok; keñe m'a énxet apkelane nak chá'a aqsok megkamowána nak hempasmok, meyke aqsok apagkok katnehek.

Eclesiastés 4:8

énxet apxakko' nak, meyke nak apteme pók, tén han apketchek, tén han apkelyáxeg, meyke nak apkellókasseyam apyampé yaqwatakxoho, megkaleklágwayam nak elanok aqsok apagkok ekxámokma, meyke nak ektemegwayam élchetamso apwáxok se'e: “¿Yaqsa kexaha ektéma sektamheykencha'a nak ekyentaxno? ¿Yaqsa kexaha ektéma sektaqnagkama m'a ektaqmalma nak negha?” Hakte cháxa ektáha han aqsok eyaqhémo agwetak xa, tén han ektáha xama aqsok segyentaxnéssessamo negha.

Eclesiastés 5:10

Énxet étsapma nak apnények selyaqye, emáwhok chá'a exámasagkok; énxet apmopmenyého nak exámasagkok aqsok apagkok, yának chá'a katnahak ántawók ma'a aqsok apagkok nak. Cháxa ektáha han aqsok eyaqhémo agwetak xa,

Eclesiastés 5:8

Nágkatlakkas aqsa apwet'a enxoho énxet'ák meyke aqsok apagkok kélnaqtawásegkoho xama apchókxa, tén han megkóltaqmelchessásekxo enxoho chá'a apheykha, essenhan megkóllánésa enxoho chá'a m'a ekpayhawo nak kólteméssesek, hakte énxet ekha nak kéláyo, elanha chá'a m'a aptáha nak kéláyo apagko', keñe apteme nak néten agko' kéláyókxa, elanha chá'a xa apqánet nak.

Eclesiastés 6:7

Yaqhakpok chá'a aptamheykha énxet yaqwayam etwok apto, meyaqkanmek eyke chá'a.