Eclesiastés 5:8 - Biblia Enxet

⁸ Nágkatlakkas aqsa apwet'a enxoho énxet'ák meyke aqsok apagkok kélnaqtawásegkoho xama apchókxa, tén han megkóltaqmelchessásekxo enxoho chá'a apheykha, essenhan megkóllánésa enxoho chá'a m'a ekpayhawo nak kólteméssesek, hakte énxet ekha nak kéláyo, elanha chá'a m'a aptáha nak kéláyo apagko', keñe apteme nak néten agko' kéláyókxa, elanha chá'a xa apqánet nak.

Eclesiastés 5:8 ပူးပေါင်းရင်းမြစ်များ

2 Crónicas 26:10

Apkeláneykegkek axta han tegma apkelwenaqte m'a yókxexma meykexa nak énxet, apkelmetmeykegkek axta han ekxámokma máxek, hakte xámok axta apnaqtósso, cham'a ekpayhegweykenxa nak xapop, tén han ma'a egkexe ekpayhegwayam nak néten. Yetneyk axta han énxet apkeltamheykha m'a namyep apagkok, tén han ma'a émhakxa nak anmen yámet, apkeneykekxo axta m'a ekxámokmakxa nak meteymog élekhahéyak, yetneyk axta énxet'ák apkeltamheykha m'a namyep étkok apagkok, hakte apmenyeyk axta elanok namyep ma'a.

Job 24:23

Apchahayók eyke aqsa chá'a Dios eweynchamha yetlo meyke ektáhakxa, apkeláneykha eyke chá'a m'a ektémakxa apkelweynchámeykha.

Salmos 12:5

Aptáhak appeywa Wesse' egegkok se'e: “Kélnaqtawáseykegkók ma'a meyke nak aqsok apagkok, kéllegassáseykegkók ma'a apkelyelqamákpoho nak. Cháxa keñamak peya nak ko'o wampekxak néten, apasmok sa' ekhawo ektémakxa nak chá'a apkelmopmenyého.”

Salmos 55:9

Wesse', emasséssem xép ma'a énxet'ák nak, yána kalxeganmok ektémakxa apkelpaqmeyesma, wánxa aqsa sekweteya chá'a ko'o m'a apkelyennaqteyáseykha apyempe'ék, tén han apkelenmexamap,

Salmos 82:1

Apkempákxeyk néten Dios nepyeseksa apkeláneykha, ekha nak apkelmopwancha'a, cham'a apchaqneykekxexa nak chá'a, apxénchek axta chá'a yaqwánxa kólteméssesek naqta'awók ma'a aqsok kéláyókxa':

Salmos 83:18

¡Elya'asagkohok sa' xép apteme wánxa Wesse' egegkok, tén han apteme wánxa Dios Meyke Ekhémo ekyókxoho keso náxop!

Salmos 95:3

Hakte Wesse' egegkok apteme Dios apwányam apagko', apteme Wesse' apwányam neyseksa m'a ekyókxoho aqsok ekha nak élmowancha'a.

Proverbios 22:16

Énxet apnaqtawáseykegkoho nak meyke aqsok apagkok yaqwayam exámasagkok aqsok apagkok, essenhan han ma'a apkelmésso nak chá'a aqsok apagkok ma'a ekxákma nak aqsok apagkok, meyke aqsok apagkok sa' katnehek.

Proverbios 24:12

Exének sa' eykhe mey'ásegko exchep, sa' eyke ey'asagkohok ma'a apkelányo nak chá'a egwáxok; ey'asagkohok sa' ma'a ektáha nak chá'a apkeláneykha, apyaqmagkáseykekxa nak chá'a mók aqsok nenlane.

Proverbios 8:17

Wásekhohok chá'a ko'o m'a ektáha nak seyásekhayo, héteyekxak nahan chá'a m'a ektáha nak sektamso.

Eclesiastés 3:16

Ekweteyak nahan se'e náxop ekyetnama nentémakxa ekmaso, tén han magya'assáxma, yaqwayam eykhe keytek nentémakxa ektaqmela, tén han nentémakxa ekpéwomo.

Eclesiastés 4:1

Élanawók axta ko'o énxet'ák ektémakxa apnaqtawáseykegkoho apnámakkok apheykha nak keso náxop. Ekwet'ak axta apkellekxagweyncha'a m'a énxet'ák kélnaqtawáseykegkoho nak, méko axta eyke élpeykessásekxo chá'a apkelwáxok; asagkók agko' axta chá'a apteméssesakxa m'a ektáha nak apnaqtawáseykegkoho, méko axta eyke élpeykessásekxo apkelwáxok.

Eclesiastés 5:9

¿Keya kéltéma nak ekxatakhe apchókxa xa? ¿Keya aptémakxa chá'a wesse' apwányam elanaksek aqsok énxet'ák apkeltamheykha nak yókxexma xa?

Eclesiastés 7:7

Apyennaqteyáseykpók agkok chá'a énxet apya'áseykegkoho nak aqsok, kayeykesek chá'a exma, tén han apma enxoho selyaqye yaqwayam enxoho mexénhek ektemegweykmohóxma, katwássesha chá'a aptémakxa.

Eclesiastés 8:9

Cháxa sekwetaya axta chá'a ko'o xa, sekméssamo ahagko' axta ewáxok séltémo ay'ásegwomhok ektémakxa nak élánamáxche aqsok keso náxop, tén han ma'a ektémakxa nak chá'a énxet, yetneyk apmopwána yaqwayam chá'a etnéssessamhok exma ekmaso pók.

Isaías 10:12

Appenchessek sa' agkok Wesse' egegkok ekyókxoho aqsok apmáheyo nak elának ma'a egkexe Sión tén han ma'a Jerusalén, eñássesagkohok sa' ma'a wesse' apwányam Asiria eñama eyaqheykha apwáxok se'e aptamheykha nak, tén han eñama megyésso yeykpoho', tén han eyeymáxkoho apwáxok.

Isaías 3:15

Megkólwanchek agko' kéxegke kólnaqtawasagkohok énxet'ák ahagkok, tén han kólteyágkasha chá'a nápaqta'a m'a énxet'ák meyke nak aqsok apagkok.” Cháxa aptáhakxa axta Wesse' ekha nak apyennaqte xa.

Isaías 37:36

Apxegkek axta m'a Wesse' egegkok apchásenneykha, apkelnáhapwokmek axta nahan ciento ochenta y cinco mil énxet ma'a apkelpakxeneykegkaxa axta m'a asirios; keñe axta mók ekhem, kelsakak axta, hágkek axta aphopák apyókxoho m'a.

Isaías 5:7

Israel apchókxa m'a apkeneykekxexa nak anmen yámet apagkok ma'a Wesse' ekha nak apyennaqte tén han ma'a Judá, cham'a apkeneykekxa apmopmenyého apagko' nak. Apkelhaxanmeyk axta katnehek kélyeheykekxoho segánamakxa apagkok Wesse' egegkok ma'a, wánxa axta eyke aqsa apweteya chá'a ekyetnama m'a nentekyawa; apkelhaxanmeyk axta katnehek ma'a ekpéwomo nak nentémakxa, wánxa axta eyke aqsa aplegaya chá'a m'a ekpayheykha nak egátog nenlegeykegkoho ekmáske.

Isaías 57:15

Hakte aptáhak appeywa Meyke nak Ekhémo s'e, memassegwayam nak apwesey nak aptaqmalma: “Ekhegkek ko'o m'a netno' nak, ekpagkanamaxchexa nak, ekhegkek eyke nahan nepyeseksa m'a énxet'ák apkelyelqamákpoho nak tén han ma'a apkellegeykegkoho nak ekyentaxno apkelwáxok, yaqwayam enxoho alwasqakkásekxohok chá'a tén han agkeyásekxak chá'a apkelyennaqte.

Ezequiel 18:18

“Yetsapok sa' kéllegassáseykegkoho eñama aptémakxa mey'assáxma apagko' ma'a apyáp nak, hakte apnaqtawáseykegkók axta chá'a apnámakkok, apkelmenyexcháseykegkek axta nahan chá'a aqsok apagkok, apkelánéyak axta chá'a aqsok ekmaso nepyeseksa m'a énxet'ák apagkok.

Amós 5:12

Ekya'ásegkók ko'o ekxámokma m'a kéltémakxa ekmaso, tén han ekyawe agko' megkólya'assáxma: kóltawasagkohok chá'a m'a ektaqmalma nak aptémakxa, kólmok chá'a selyaqye yaqwayam megkólxének ektemegweykmohóxma, keñe m'a sẽlyekpelchémókxa nak kóltamhok chá'a megkamaxcheyk aqsok apkelxeyenma m'a apkelmopyóseka nak.

Amós 6:12

¿Apwancheya yenyahagkok yátnáxeg neyseksa meteymog? ¿Kélwancheya kólpeynchók xapop ma'a neyseksa wátsam ekwányam? ¡Pánaqte segaqhamo kélteméssáseykekxak kéxegke m'a ekpéwomo kéllánekxésso nak amya'a m'a énxet'ák, keñe m'a ektekkesso nak chá'a nentémakxa ekpéwomo kéltemessáseykekxo ekmáske!

Miqueas 2:9

Kélántekkessegkek axanák éltaqmeleykegkaxa nak awáxok neyseksa ekheykha m'a kelán'ák, keñe étchek kélyementameykegko, cham'a sélmésso axta ko'o.

Zacarías 8:6

Yának sa' megkatnehek ekyókxoho énxet'ák ahagkok apkeleymomap nak, ekwokmo sa' xa ekhem nak; wának sa' eyke ko'o katnehek xa. Ektáhak ko'o sekpeywa, sektáha nak Wesse' ekha sekyennaqte s'e:

Malaquías 3:5

Aptáhak Wesse' egegkok ekha apyennaqte s'e: “Awaták sa' ko'o yaqwayam alyekpelchágwatámhok kéxegke. Keytlawhok sa' ko'o sélxéncháseykekxoho apkeltémakxa m'a aptamhéyak nak chá'a apkelyohóxma, tén han ma'a apnaqtawáseykegkoho nak chá'a apnaqteyegka'a apkelane chá'a mók, tén han ma'a eyaqhémo nak chá'a etnéssesek ekmámnaqsoho apkelpeywa, tén han ma'a apnaqtawáseykegkoho nak chá'a énxet'ák ekha nak apkeltamheykha, tén han ma'a xentampe'e nak, tén han ma'a élyéheykha nak, tén han meltaqmelchesso nak ma'a apkeleñama nak mók apkelókxa, tén han ma'a meheyáyo nak chá'a.