Eclesiastés 4:1 - Biblia Enxet

¹ Élanawók axta ko'o énxet'ák ektémakxa apnaqtawáseykegkoho apnámakkok apheykha nak keso náxop. Ekwet'ak axta apkellekxagweyncha'a m'a énxet'ák kélnaqtawáseykegkoho nak, méko axta eyke élpeykessásekxo chá'a apkelwáxok; asagkók agko' axta chá'a apteméssesakxa m'a ektáha nak apnaqtawáseykegkoho, méko axta eyke élpeykessásekxo apkelwáxok.

Eclesiastés 4:1 ပူးပေါင်းရင်းမြစ်များ

Job 16:4

Temék agkok han kéxegke s'e setnamakxa nak ko'o, atnehek ko'óxa alpaqhetchesek kéxegke xa ektáha nak; ayeykesha chá'a épátek alanok kéxegke, keñe alpaqhetchesek chá'a ekxámokma agko',

Job 35:9

Yentexek agkok kélnaqtawáseykegkoho énxet'ák, elwehesha chá'a, keñe etegyaha chá'a yaqwayam kalwagkasek teyp neyseksa apkelma m'a apkelyennaqteyáseykha nak apyempe'ék;

Job 6:29

Nágkólxén chá'a m'a kélxéna exchek, nágkólteme megkapéwomo kéltémakxa; kólyekpelkoho sa' ekpayhawo xa sektáhakxa nak ko'o sekpeywa.

Job 9:24

Apmeyáseykekxeyk Dios élmasagcha'a apkeltémakxa keso nélwanmeygkaxa', apkelpextehetchessegkek apaqta'ák ma'a segyekpelchémo nak. Háwe agkok Dios apteméssesso xa, ¿yaqsa katnehek ekteméssesso?

Salmos 12:5

Aptáhak appeywa Wesse' egegkok se'e: “Kélnaqtawáseykegkók ma'a meyke nak aqsok apagkok, kéllegassáseykegkók ma'a apkelyelqamákpoho nak. Cháxa keñamak peya nak ko'o wampekxak néten, apasmok sa' ekhawo ektémakxa nak chá'a apkelmopmenyého.”

Salmos 142:4

Énmexawók axta ko'o m'a ekpayho nak sélya'assamakxa', méko axta sey'awa yaqwayam hepasmok. ¡Méko xama enxoho semasma! ¡Méko xama enxoho ekyetnakhassamo awáxok ko'o!

Salmos 142:5

Wesse', ekwóneyha ko'o exchep, ektáhak seyáneya s'e: “Xép apteme sekyexánegweykekxexa'; xép apteme wánxa ahagkok neyseksa m'a ekyókxoho aqsok ahagkok, neyseksa sekha.”

Salmos 42:3

Yókxoho ekhem ko'o sélekxagweykha tén han yókxoho axta'a, yókxoho ekhem kélteme sélmaxneyeykha s'e: “¿Háxko aphakxa Dios apagkok?”

Salmos 42:9

Atnehek chá'a wának Dios, apteme nak semasma: “¿Yaqsa ektéma megkaxeyenma nak apwáxok ko'o? ¿Yaqsa katnehek ko'o kayaqhapmakha ewáxok, eñama setwáseykegkoho m'a sélenmexma nak?”

Salmos 69:20

Etwassáseykha ko'o ewáxok ma'a sektaqnómaxche'; ¡eyélaqtéssegke', meyke sekyennaqte etnéssessók! Chaqhémok sektegyeykencha'a yaqwayam hepeykessásekxak ewáxok, tén han kapyósho hélano'.

Salmos 69:21

Pánaqte segaqhamo chá'a hénchahassásekxak sekto, hem agkok han chá'a eyaqhak, heyagkok chá'a m'a aqsok égmenek ekmáske amnáye nak.

Salmos 80:5

Nento aptemessáseykekxak ma'a egaqta'ák égmen'ák nak; negyá han aptemessáseykekxa'.

Éxodo 1:16

—Kélláneyha sa' agkok chá'a xama hebreo kelán'a kamáwho katnehek naqláwa, kóllano sa' chá'a m'a étche ektéyámxohol'a. Kelwána sa' agkok ma'a, kólho sa' aqsa kawana', apkenna sa' agkok ma'a, ¡kólaqha sa'! —axta aptáhak apkeláneya.

Éxodo 1:22

Tén axta faraón aptáha apkeláneya apyókxoho apkeláneykha s'e: “Kólchexa sa' wátsam ma'a apyókxoho hebreo wokma'ák apketkók nak, keñe sa' ma'a kelwán'ák étkók nak, kólho sa' aqsa kalweynchamha.”

Proverbios 19:7

Aptaqnókek agkok apnámakkok ma'a énxet meyke nak aqsok apagkok, ekyágwánxa agkok melanók ma'a apkelxegexma'a nak.

Proverbios 28:3

Apkemha apmonye' ekmaso nak aptémakxa, apnaqtawáseykegkoho nak ma'a énxet meyke nak aqsok apagkok, máxa etnehek ma'a ektémól'a ekmámeye ekyennaqte ektawáseykhal'a aqsok ekyexna kélcheneykekxa.

Proverbios 29:2

Apxámákxeyk agkok ma'a énxet'ák élpéwomo nak apkeltémakxa, kalpayhekxak apkelwáxok ma'a énxet'ák nak; aptamhágkek agkok apkelámha apmonye'e m'a élmasagcha'a nak apkeltémakxa, ellegagkohok chá'a énxet'ák.

Eclesiastés 3:16

Ekweteyak nahan se'e náxop ekyetnama nentémakxa ekmaso, tén han magya'assáxma, yaqwayam eykhe keytek nentémakxa ektaqmela, tén han nentémakxa ekpéwomo.

Eclesiastés 5:8

Nágkatlakkas aqsa apwet'a enxoho énxet'ák meyke aqsok apagkok kélnaqtawásegkoho xama apchókxa, tén han megkóltaqmelchessásekxo enxoho chá'a apheykha, essenhan megkóllánésa enxoho chá'a m'a ekpayhawo nak kólteméssesek, hakte énxet ekha nak kéláyo, elanha chá'a m'a aptáha nak kéláyo apagko', keñe apteme nak néten agko' kéláyókxa, elanha chá'a xa apqánet nak.

Eclesiastés 7:7

Apyennaqteyáseykpók agkok chá'a énxet apya'áseykegkoho nak aqsok, kayeykesek chá'a exma, tén han apma enxoho selyaqye yaqwayam enxoho mexénhek ektemegweykmohóxma, katwássesha chá'a aptémakxa.

Eclesiastés 8:9

Cháxa sekwetaya axta chá'a ko'o xa, sekméssamo ahagko' axta ewáxok séltémo ay'ásegwomhok ektémakxa nak élánamáxche aqsok keso náxop, tén han ma'a ektémakxa nak chá'a énxet, yetneyk apmopwána yaqwayam chá'a etnéssessamhok exma ekmaso pók.

Isaías 5:7

Israel apchókxa m'a apkeneykekxexa nak anmen yámet apagkok ma'a Wesse' ekha nak apyennaqte tén han ma'a Judá, cham'a apkeneykekxa apmopmenyého apagko' nak. Apkelhaxanmeyk axta katnehek kélyeheykekxoho segánamakxa apagkok Wesse' egegkok ma'a, wánxa axta eyke aqsa apweteya chá'a ekyetnama m'a nentekyawa; apkelhaxanmeyk axta katnehek ma'a ekpéwomo nak nentémakxa, wánxa axta eyke aqsa aplegaya chá'a m'a ekpayheykha nak egátog nenlegeykegkoho ekmáske.

Isaías 51:23

Agkések sa' ko'o m'a apkellegassáseykegkoho nak chá'a, aptéma nak chá'a apkelanagkama s'e: ‘Kólhák náxop, ólyeykhekxak sa' negko'o kéxegke’; Keñe kéxegke kólhagkok chá'a náxop yaqwayam enxoho kólteyammaha kólteméssesek ma'a ektémól'a kólteyammaha xapop.”

Isaías 59:7

wánxa aqsa elya'ammok chá'a m'a aqsok ekmaso nak, yaqwayam enxoho yaqhek chá'a ekmanyehe agko' ma'a énxet meyke nak aptémakxa. Aqsok ekmaso aqsa kélxéneykha apkelwáxok, enaqtawasha chá'a aqsok ma'a apkelmahágkaxa enxoho, esawhohok chá'a.

Jeremías 16:7

Méko sa' nahan kalának ektámaxche ekyawe ekxeyenma nak egwáxok egmók apketsapma, yaqwayam enxoho kóltaqmelchessásekxak awáxok ma'a apnámakkok, megkeyxek sa' ektáha enxoho apketsapma m'a apyáp essenhan egken.

Lamentaciones 1:16

Cháxa sélekxágkassama nak chá'a ko'o xa aqsok nak. Kelpexyawáseykenteyk ahaqtek égmenek, hakte méko xama enxoho yaqwayam hetaqmelchessásekxak ewáxok, méko xama enxoho yaqwayam hewasqakkásekxoho. Heykha étchek ma'a nepyeseksa nak tegma appalleyam, hakte maghawok negko'o m'a nélenmexma, apmelyeyha'e.

Lamentaciones 1:17

Kelya'ássek néten amék éltamho eykhe kólpasmok ma'a Sión, méko eyke xama enxoho yaqwayam kapeykessásekxak awáxok. Apkeltamhók Wesse' egegkok ewakhak apkelenmexma m'a Jacob; Aptaqnawágweykmek Jerusalén ma'a énxet'ák nak.

Lamentaciones 1:2

Yókxoho axta'a élekxagweykha; kelsekkenmék aqtek égmenek ma'a amáxempenák. Méko xama enxoho yaqwayam epeykessásekxak awáxok ma'a apyókxoho éláneykxa nak chá'a. Apkenmexeykekxeyk ma'a apyókxoho námakkok; élenmexma aptamheykekxa'.

Lamentaciones 1:9

Kelyepetcheyak élnaqta m'a aqsok élmanyása; megkaxeyenmak awáxok yaqweykenxa katnehek. Asagkek ektáhakxa ektéyam; méko xama enxoho yaqwayam epeykessásekxak awáxok. ¡Wesse', elano sẽltemessáseykekxa mékoho tén han ektémakxa apkeleymákpoho m'a sélenmexma!

Amós 3:10

Aptáhak Wesse' egegkok se'e: “Melya'ásegkok ektémakxa nak nenlane ekpéwomo nentémakxa m'a; apxatmeykegkek tegma apkelyawe apagkok ma'a aqsok apkelmenyexéyak nak chá'a eñama apkelyennaqteyáseykha, apyempe'ék.”

Amós 3:9

Kóllegés sa' kéxegke apheykha nak tegma apkelyawe kelwesse'e apxanák Asdod, tén han tegma apkelyawe kelwesse'e apxanák nak Egipto s'e amya'a nak. Sa' kóltéhek se'e: “Kólmeyenta sa' egkex'a nak Samaria; kóllano sa' magya'áseyak nak nentáhakxa ekyetno m'a kañe' nak, tén han nennaqtawáseykegkoho egnámakkok ekyetnama nak ma'a.”

Malaquías 2:13

Keso mók aqsok nak han kélláneyák kéxegke s'e: Kélyássessegkek kélaqtégmenek ma'a ekwatnamáxchexa nak aqsok apagkok Wesse' egegkok, megkóléseykegkohok chá'a kéllekxagweykencha'a éllapwámeykegko, hakte massegkek apma takha' yetlo ekleklamo apwáxok Wesse' egegkok ma'a aqsok kélmésso naqsa nak.

Malaquías 3:18

Keñe sa' kéxegke kólyekpelchágwok makham mexnémo pók ma'a éltaqmalma nak apkeltémakxa, tén han ma'a ekmaso nak apkeltémakxa, tén han ma'a apkelpeykessamo nak Dios, tén han ma'a melpeykessamo nak.”

Malaquías 3:5

Aptáhak Wesse' egegkok ekha apyennaqte s'e: “Awaták sa' ko'o yaqwayam alyekpelchágwatámhok kéxegke. Keytlawhok sa' ko'o sélxéncháseykekxoho apkeltémakxa m'a aptamhéyak nak chá'a apkelyohóxma, tén han ma'a apnaqtawáseykegkoho nak chá'a apnaqteyegka'a apkelane chá'a mók, tén han ma'a eyaqhémo nak chá'a etnéssesek ekmámnaqsoho apkelpeywa, tén han ma'a apnaqtawáseykegkoho nak chá'a énxet'ák ekha nak apkeltamheykha, tén han ma'a xentampe'e nak, tén han ma'a élyéheykha nak, tén han meltaqmelchesso nak ma'a apkeleñama nak mók apkelókxa, tén han ma'a meheyáyo nak chá'a.

Deuteronomio 28:33

Keñe sa' ma'a kélnakxo nak aqsok kélcheneykekxa m'a xapop kélagkok tén han ma'a ekyókxoho ekyexna eñama nak kéltamheykha, etókasek sa' ma'a énxet'ák megkólweteya axta kéxegke, megkamassegwomek sa' chá'a kéllegeykegkoho kélnaqtawáseykegkoho tén han ekmaso kélteméssesakxa.

Deuteronomio 28:48

Sa' etnehek apkelásenneykha kéxegke m'a kélenmexma peya nak eláphaksek ey'áwak kéxegke m'a Wesse' egegkok; kóllegagkohok sa' meyk élnapma, tén han hem át'ák, meyke apáwa tén han ma'a ekyókxoho mók ektémakxa nak chá'a nenlegeykegkoho meyke agko' aqsok egagkok. Ellegássesagkohok sa' Wesse' egegkok ekyentaxno agko' kélásenneykha naqsa, ekwokmoho kélmassegwokmo.

Jueces 4:3

Yetneyk axta han novecientos yátnáxeg apkelyenyawasso sawo émpe'ék ma'a Jabín, veinte apyeyam axta weykmok apnaqtawáseykegkoho m'a israelitas, ekweykmoho apkelwóneykencha'a m'a Wesse' egegkok apkeltémo epasmok.