Eclesiastés 3:6 - Biblia Enxet

⁶ Yetneyk ekhem nenlenxáneykenxa', tén han nélwatéssamakxa'. Yetneyk ekhem nentaqmelchessamakxa', tén han negyamasmakxa'.

Eclesiastés 3:6 ပူးပေါင်းရင်းမြစ်များ

2 Reyes 5:26

Tén axta aptáha makham apcháneya Eliseo s'e: —Xama exchek aptepa xama énxet néten yátnáxeg apyenyawasso apkelanyexakmo peya emok takha' exchep, ekheyk xeyk xamo' ko'o exchep ma'a, espíritu ahagkok xeyk eyke. Megkapayhawok xép emok selyaqye tén han elmok apáwa, essenhan namyep étkok, anmen yámet kélcheneykekxexa', nepkések, weyke, essenhan apkeláneykha apkelennay'a tén han kelwán'ák.

2 Reyes 7:15

Apkelyetlókek axta aptamnek sirios ekweykekxoho m'a Jordán, apkelwet'ak axta han chá'a ámay apxámokma apáwa apkexakha m'a sirios, tén han mók aqsok, eñama apkelpekhésso apkenyahéyak. Keñe axta apkeltaqháwo makham ma'a wesse' apwányam apkeláneykha, apkeltennássekxo ekyókxoho ektáhakxa apkelwete.

2 Reyes 8:9

Apxegkek axta Hazael apyo'ókmo m'a Dios appeywa aplegasso, apkelsókassek axta aqsok éltaqmalma apkelmésso naqsa élánamáxche axta m'a Damasco, cuarenta yányátnáxeg axta apkelpátegkásak. Xama axta apwokmo aphakxa m'a, aptáhak axta apcháneya: —Eyáphássek xeyk ko'o almaxnegwak xép, emallánek sa' kexa apháxamap ma'a wesse' apwányam Siria, cham'a Ben-hadad, aptéma nak máxa apyáp xép.

Salmos 112:9

Emlaskok chá'a eyeyméxchexa aqsok ma'a meyke nak aqsok apagkok, megkamassegwomek sa' chá'a aptémakxa memasma aqsok apagkok, tásek sa' chá'a katnehek apxénamap.

Eclesiastés 11:1

Eyenyow neygmen apto; keñe sa' natámen étekxak makham.

Eclesiastés 3:5

Yetneyk ekhem néxpánchessamakxa' meteymog, tén han negáncháseykekxexa'. Yetneyk ekhem nélpathetamaxchexa, tén han néxpánchesamaxchexa'.

Eclesiastés 3:7

Yetneyk ekhem nélyeptamakxa', tén han nélyetnaqtamakxa'. Yetneyk ekhem mampaqmésmakxa', tén han nempaqmésmakxa'.

Isaías 2:20

Ekxakkasek sa' aqsok kéleykmássesso apagkok énxet'ák pomo'o tén han mépop xa ekhem nak, cham'a kéleykmássesso sawo ekyátekto élmomnáwa tén han ma'a sawo ekmope élmomnáwa nak apkelánéyák apancha'awók axta chá'a yaqwayam elpeykesho',

Jonás 1:5

Keñe m'a ektáha nak apkeltamheykha yántakpayhe, awanhek axta apkelyegwakto, apsawhékpók axta apkelmaxneyágko m'a aqsok apcháyókxa nak chá'a. Keñe axta apmako yexyawásekxak yántakpayhe, apkexénteyk axta wátsam ekwányam ma'a ekyókxoho aqsok apkelseykha axta. Apmeyánteyk axta Jonás kóneg ekheykegkaxa nak aqsok neyseksa ekteme xa; axta apteyenwokmok ekyentaxno agko' ma'a.