Eclesiastés 3:22 - Biblia Enxet

²² Ekya'ásegweykmek ko'o énxet ektaqmela agko' kapeykessásekxak apwáxok ma'a aptamheykha nak aptekkesso, hakte cháxa aqsok ektáha ekpehewayam xa, méko keyntementák yaqwayam elanok ektáhakxa m'a natámen apketsapma.

Eclesiastés 3:22 ပူးပေါင်းရင်းမြစ်များ

Job 14:21

Ekha kéláyo agkok aptamhágkok ma'a apketchek nak, mey'asagkehek ma'a; asagkek agkok nahan ektamhágkaxa, megkóllegaksek han;

Eclesiastés 10:14

¡Énxet ekyeyháxma nak, xámok chá'a katnehek appeywa! ¿Yaqsa awanchek kaxének ma'a yaqwánxa nak katnehek? Méko ekya'ásegkoho m'a egmonye' nak.

Eclesiastés 11:9

Xép apteme nak apketkok, kapayhekxa apwáxok, ekyennákxa nak makham apyempehek, kapeykessásekxa apwáxok ma'a aqsok éltaqmela nak, keso apkepwagkexa nak makham. Elána' m'a ekxénakxa enxoho apwáxok elána', eñama m'a ekyókxoho aqsok apwete nak, kaxén eyke apwáxok Dios sa' ékpelkohok ma'a ekyókxoho aqsok apkelane nak xép.

Eclesiastés 2:18

Ektaqnawágweykmek axta han ma'a ekyókxoho sektamheykha ektáha axta sélane keso náxop, hakte megkatnehek melmeykekxa ekyókxoho m'a aptáha nak ko'o seyaqmagkasso,

Eclesiastés 2:24

Eyke ektaqmela etnehek énxet se'e: etwok apto, tén han ének apyá, kapeykessásekxak apwáxok ma'a aptekkesso nak chá'a aptamheykha, hakte ekweteyak ko'o ektáha eñama Dios xa.

Eclesiastés 6:12

Méko awanchek kaltennaksek yaqwánxa etnehek énxet neyseksa apha ekyaqwate keso náxop, cháxa apha nak, ektáha han aqsok mékoho. Máxa pessesse ekmanyehel'a chá'a kayeykhak katnehek ma'a apweynchámeykha nak. ¿Yaqsa awanchek kaltennásekxohok yaqwánxa katnehek keso náxop, cham'a natámen apketsapma?

Eclesiastés 7:14

Tásek agkok apha, kapayhekxa apwáxok xa neyseksa nak ektaqmalma apha; asagkek agkok han apha, kaxén apwáxok ektáha éleñama Dios xa ánet aqsok nak, mey'asagkehek eyke chá'a énxet yaqwánxa katnehek ma'a egmonye' nak.

Eclesiastés 8:15

Ékeso éñamakxa sekxéna nak ko'o ektaqmela kapayhekxak egwáxok. Wánxa eyke aqsa ektaqmela etnehek énxet neyseksa apha náxop se'e: etwok apto, tén han ének apyá, tén han kapayhekxak apwáxok, hakte wánxa ekyetleykekmoho aptamheykha neyseksa apha keso náxop, Dios nak apmésso.

Eclesiastés 8:7

mey'áseyak nak yaqwánxa enxoho chá'a katnehek, méko nahan awanchek kaltennaksek.

Eclesiastés 9:12

Méko ekya'ásegkoho ekwánxa kammok néxa ekhem agkok: ekhawo ektémakxa nak kelasma kólmok yám'én, keñe náta ma'a kelhanma, cháxa ektémakxa nak han énxet xa, katlakkasek aqsa chá'a káhapwak aqsok ekmaso neyseksa melhaxanma.

Eclesiastés 9:6

Cháxa ekmassegweykenxa nak ma'a apchásekhayókxa nak, tén han ma'a aptaqnagkamakxa nak, tén han ma'a aqsok apyespagkamakxa nak, mepasmekxók agko' chá'a m'a aqsok élánamáxko nak chá'a keso náxop.

Daniel 12:13

Xép akke Daniel, elenxanmoho ekwokmoho apwagkasa néxa', tén sa' ellókasek apyampe, exatakhak sa' ma'a ektemégwokmo enxoho néxa ekhem, yaqwayam exkak ekyaqmageykekxa m'a aptamheykha.’”

Deuteronomio 12:18

Wánxa sa' aqsa kélwanchek kóltawagkok nápaqtók Dios Wesse' kélagkok ma'a apkelyéságkaxa sa' yókxexma; sa' kalpayhekxak chá'a kélwáxok nápaqtók Dios Wesse' kélagkok, yetlo kélketchek, kélásenneykha naqsa tén han levitas kóllanok ekyexna m'a aqsok kélcheneykekxa eñama kéltamheykha.

Deuteronomio 12:7

Sa' kóltawagkok chá'a kéltéyák nápaqtók Dios Wesse' kélagkok ma'a, kalpayhekxak sa' kélwáxok xamo' kélnámakkok kóllanok ektaqmalma ekteyapma ekyexna m'a aqsok kélcheneykekxa eñama kéltamheykha, apmésso ektaqmalma ekteyapma m'a Dios Wesse' kélagkok.

Deuteronomio 28:47

eñama megkólpeykessamo Dios Wesse' kélagkok yetlo élpayheykekxa kélwáxok tén han ekmátsa kélwáxok ma'a ekyetnama axta ekxámokma aqsok kélagkok apkelmésso.