Eclesiastés 3:20 - Biblia Enxet

²⁰ kaxhok chá'a mók ekhagwayam ma'a ekhagweykenxa nak chá'a, xapop axta keleñamak élánamáxche' m'a ekyókxoho nak, xóp sa' nahan katnekxak ekyókxoho.

Eclesiastés 3:20 ပူးပေါင်းရင်းမြစ်များ

Génesis 25:17

Ciento treinta y siete apyeyam apagkok axta weykmok Ismael apketsapma. Appáxaqweykekxeyk axta apyapmeyk nano'.

Génesis 25:8

apwányamók apagko' axta han aptemék apketsapma, appáxaqweykekxeyk axta m'a apyapmeyk nano' axta.

Génesis 3:19

Katyapok sa' chá'a apyemes ekpayhakxa nápat étak apto, ekwokmoho aptamhákxo makham xapop, apkeñamakxa axta apkelánamap, hakte xapop xeyep, xapop sa' han etnekxa'.

Job 14:10

Keñe énxet apketsapa enxoho, emassegwók; méko nahan kay'asagkohok apmahágkaxa.

Job 14:14

¿Exátekhágwoya makham énxet ma'a apketsapa enxoho? Aleyxek sa' aqsa ekyókxoho ekhem ektémakxa nak chá'a sektamheykha, ekwokmoho ekmassegwokmo ektémakxa seklegeykegkoho.

Job 17:13

Nétsapma eyke aqsa ko'o ewanchek aleyxek, keñe eytnók atyenwók ma'a ekyáqtésakxa nak exma'.

Job 30:24

¿Ya axta chá'a ko'o apasmók ma'a meyke nak aqsok apagkok? ¿Ya axta alwagkassók teyp neyseksa ekmaso apheykha?

Job 7:9

Temék aphagwayam nak chá'a takhaxpop ma'a ektémól'a yaphope kayeykha', keñe kamassegwók: mopwanchek chá'a etaqhohok apkeñamakxa', melwetekxók han chá'a m'a apnámakkok nak.

Salmos 103:14

hakte apya'ásegkok néñamakxa negko'o senlane m'a: apya'ásegkok nenteme xapop.

Salmos 104:29

massék agkok chá'a exchep apkelano, kalyegweyk chá'a; apyementamákxeyk agkok élennama, kaletsapok chá'a, xapop chá'a katnekxa'.

Salmos 49:14

Nétsapma chá'a éláneykha xa énxet'ák nak, eknaqleykekxa chá'a m'a takhaxpop nak, máxa aptamheykegkok ma'a nepkések yaqwayam la'a etekyók. Kelsakak sa' agkok, elmallánek sa' ma'a éltaqmalma nak apkeltémakxa, keñe sa' ma'a élmasagcha'a nak apkeltémakxa, kamaskok sa' apkelyennaqte, takhaxpop sa' etnehek apxanák.

Eclesiastés 12:7

Keñe sa' natámen xa, xapop sa' katnekxak makham ma'a ánek nak, ekhawo ektémakxa axta nano', keñe sa' eghagák kalmeyekxak ma'a aphakxa nak Dios, cham'a aptáha axta segmésso.

Eclesiastés 3:21

¿Yaqsa ekya'ásegkoho énxet aphagák ekmeyeykekxo chá'a néten, tén han ma'a ahagák nak aqsok nawhak ekmeyeykekxo chá'a kañe' xapop ekmattawóneg?

Eclesiastés 6:6

Dos mil apyeyam eykhe chá'a kammohok apha xa énxet nak, megkapeykessásekxeyk eyke chá'a apwáxok ma'a aqsok apagkok nak. ¡Kaxhok eyke chá'a mók apkelmeyeykekxa m'a apkelmaheykegkaxa nak apkeletsapma!

Eclesiastés 7:2

Tásek agmahagkok ma'a éllapwámegkaxa nak énxet, eñama apketsapma pók, megkaxnawok agmahagkok ma'a élpayheykxexa nak apkelwáxok énxet; hakte nétsapma ekteme ekweykekxoho apyókxoho énxet, kéméxcheyk chá'a kaxének apkelwáxok ma'a énxet'ák meletsapa nak makham.

Eclesiastés 9:10

Ekyókxoho aqsok apkepwagkexa nak xép elána', elána' yetlo apwasqápeykekxoho apagko'; hakte megkalanaxcheyk chá'a aqsok, tén han megkaxénaxchek chá'a aqsok, méko han negyekpelchémo, tén han negya'áseykegkoho aqsok m'a takhaxpop, cham'a yaqwánxa nak xép emhagkok.

Daniel 12:2

Apxámok sa' enaqxétekhágwók ma'a apkeletsapma kélátawanye axta takhaxpop: yetneyk sa' chá'a yaqwayam eweynchamha meyke néxa, yetneyk sa' han chá'a yaqwayam emegqágwakxak meyke néxa megyásekhamap.

Números 27:13

Appenchessek sa' agkok apwete m'a, yetsapok sa', epáxaqwakxak sa' ma'a apyapmeyk nano', ektéma axta m'a apepma Aarón,