Eclesiastés 3:2 - Biblia Enxet

² Yetneyk ekhem nentéyeykemxa', tén han nétsapmakxa'. Yetneyk ekhem negkeneykekxexa aqsok, tén han nennakxamakxa ekyexna aqsok negkeneykekxa'.

Eclesiastés 3:2 ပူးပေါင်းရင်းမြစ်များ

Génesis 17:21

Mamasséssemek sa' eyke ko'o ekhémo mók nélpaqhetchásamáxkoho m'a Isaac, cham'a apketche peya nak kataksek Sara pók apyeyam sa', keso negwánxa nak.

Génesis 47:29

Apyekpelchegkek axta ekmáheyo kawak apketsapma m'a Israel. Apkeltamhók axta kóltennássekxak ma'a apketche José, yaqwayam enxoho etnehek yának se'e: —Epekken apmek kóneg éyók, etnésses naqso' peya elának ma'a sekmako nak almaxna', ektáha enxoho naqso' seyásekhayo. ¡Ná heyátawanye aqsa s'e Egipto!

1 Reyes 13:2

Apyennaqtésawók axta appeywa appaqhetchesa m'a ekwatnamáxchexa nak aqsok, hakte Wesse' egegkok axta apkeltémo etnehek. Aptáhak axta: “Ekwatnamáxchexa aqsok: Aptáhak apxéna exche' Wesse' egegkok se'e: ‘Etyamok sa' xama sakcha'a apkeñama David axta aptawán'ák neptámen, Josías sa' etnehek apwesey, elnápok sa' enegkenek xeye' néten ma'a apkelmaxnéssesso nak chá'a énxet'ák agkok ma'a aqsok kéláyókxa', cham'a apkelwatnama nak chá'a néten xeye' m'a aqsok ekmátsa nak ekpaqneyam éten agkok; elwatnek sa' han kélexchakkok ma'a néten nak xeye'.’”

2 Reyes 4:16

Keñe axta Eliseo aptáha apcháneya s'e: —Keso apyeyam egmonye' nak, sa' kaxhok se'e negwánxa nak, keynmakha sa' xama étche apkenna'. Chátegmowágkek axta m'a kelán'a: —Ná hélyexanchesha aqsa, xép apteme nak Dios appeywa aplegasso.

Job 14:14

¿Exátekhágwoya makham énxet ma'a apketsapa enxoho? Aleyxek sa' aqsa ekyókxoho ekhem ektémakxa nak chá'a sektamheykha, ekwokmoho ekmassegwokmo ektémakxa seklegeykegkoho.

Job 14:5

Xeyep chá'a apxeyenma ekwánxa ekhem apweynchámeykha énxet, appekkenchessegkek han néxa apweynchámeykha megkamopwána eyeykha',

Job 7:1

Yentexek ektémakxa apha énxet keso náxop, hawók ma'a ektémakxal'a apkelane aptamheykha sẽlpextétamo,

Salmos 113:9

Epeykessásekxak chá'a awáxok kelán'a megkate nak étchek egkések étche, tén han egkések chá'a axagkok agkok agko'. ¡Aleluya!

Salmos 52:5

Emasséssamhok apagko' sa' eyke han xépxa m'a Dios: emok sa', keñe sa' etekkesek ma'a apxagkok nak; yaqhek sa'.

Proverbios 24:27

Elánekxa sekxók aqsok yaqwayam kapasmok, etneykha sa' namyep apagkok keñe sa' natámen elának apxagkok.

Isaías 28:24

Peyk agkok eknekxak aqsok aktek xama énxet apkelchekhámo nak chá'a, mepeynchemek chá'a xapop yókxoho ekhem, metekpogmakha nahan chá'a xapop apkelchekha yókxoho ekhem emha hópomo'o apophék epeykásekxak ma'a xapop.

Isaías 38:1

Cháxa eyaqhémókxa axta han apháxamákpo ekyentaxno agko' Ezequías xa ekhem nak, tén axta apye'eykekxo m'a Dios appeywa aplegasso Isaías, Amós apketche. Aptáhak axta apcháneya s'e: —Aptáhak Wesse' egegkok se'e: ‘Elpaqhetchásekxoho sa' ma'a ekheykha nak apxagkok, hakte yetsapok sa'; metaqmelwome'.’

Isaías 38:5

ey'ókxak etnehek yának Ezequías se'e: “Aptáhak Wesse' egegkok se'e, cham'a Dios apagkok nak ma'a apyáp nano' David: ‘Ekleg'ak ko'o exchep apkelmaxnagko, ekwet'ak nahan ma'a apaqtégmenek. Agkeyásekxak sa' ko'o makham xép quince apyeyam apweynchámeykha.

Isaías 54:1

Kelán'a megkate étche meyke nak chá'a étchek; kalpáxamha kapayhekxak awáxok; nágkeysagkoho kanneykmaksek negmeneykmasso yetlo ekmátsa awáxok, xeye' kelán'a, megkatné nak chá'a naqláwa xama enxoho, hakte aptáhak Wesse' egegkok se'e: “Xámók sa' katnehek étchek ma'a kelán'a ektaqmópeyak nak chá'a megkaxók sa' ma'a kelán'a apha nak chá'a atáwa'.”

Jeremías 1:10

“Ekpekkenchessek ko'o exchep apátog sekpeywa. Sakhem sekmésa ko'o exchep apmopwána nepyeseksa m'a apyókxoho énxet'ák nak keso náxop tén han ma'a apkelókxa, yaqwayam sa' esawhohok aqsok ma'a kañe' tén han elyaqnegkesagkok, yaqwayam sa' emasséssók tén han etnéssásekxak nápakha'a apketkók, tén han yaqwayam enaqxétekhasagkokxak makham, tén han eknekxak makham aqsok aktek.”

Jeremías 45:4

eyáphássek nahan apkeltamho atnehek wának xép se'e: ‘Alyaqnegkesagkok chá'a ko'o m'a ektáha axta sélane, alpátekkeshok nahan chá'a m'a ektáha axta séneykekxa. Sa' atnéssesek nahan ekyókxoho xapop.

Deuteronomio 34:5

Axta apketsaphok han Moisés ma'a kañe' xapop nak Moab, cham'a Moisés apteme axta Dios apkeláneykha, ekhawo m'a aptémakxa axta apkenagkama m'a Wesse' egegkok,

1 Samuel 2:5

énxet'ák apkelyaqkáneykmoho axta chá'a, aptegyágkek kaxwók apkeltamheykha yaqwayam elwetak ketsék aptéyak; keñe m'a élnápeykha axta chá'a meyk, massék kaxwók élnapma meyk. Keñe m'a kelán'a megkate axta étchek, siete aptáhak ekwete étchek; keñe m'a apxámokma axta chá'a ekwete étchek, méko kaxwók xama enxoho étchek.