Eclesiastés 3:19 - Biblia Enxet

¹⁹ Hawók mók élmaheykegkaxa énxet, tén han aqsok nawha'ák: kaletsaphok nahan chá'a, hawók mók ekha élennama. Méko ekyeykhamaxche énxet tén han aqsok nawha'ák: ekyókxoho ekteme eyaqhémo agweta',

Eclesiastés 3:19 ပူးပေါင်းရင်းမြစ်များ

2 Samuel 14:14

Negyókxoho sa' agmaskok; máxa negko'o m'a yegmen kélyegkenmal'a náxop, megkólmowánal'a kólmekxak makham. Megyaqhehek Dios xama énxet enxoho, eltamhok aqsa makham épetchegwaták ma'a aphayam nak mók nekha'.

Salmos 104:29

massék agkok chá'a exchep apkelano, kalyegweyk chá'a; apyementamákxeyk agkok élennama, kaletsapok chá'a, xapop chá'a katnekxa'.

Salmos 49:12

Háwe apha meyke néxa m'a énxet, megkeyxek ekxámokma aqsok apagkok, eletsapok chá'a ektémól'a aqsok nawha'ák,

Salmos 49:13

Cháxa ektémakxa elmassegwók ma'a apkelásennamakpekxa apagko' nak chá'a; cháxa ektémakxa elmassegwók ma'a éltaqmeleykha nak chá'a apkelpeywa elxénakpekxohok apagko'.

Salmos 49:20

Háwe apha meyke néxa m'a énxet, megkeyxek ekxámokma aqsok apagkok, eletsapok chá'a ektémól'a aqsok nawha'ák.

Eclesiastés 1:14

Ekya'ásegweykmek axta ekyókxoho aqsok élánamáxko nak chá'a keso náxop, ekteme aqsok eyaqhémo agweta', máxa m'a negmáheyól'a agmagkok éxchahayam.

Eclesiastés 2:14

Énxet ekha nak apya'áseyak aqsok ey'asagkohok chá'a aqsok apkelane, keñe eyke m'a énxet ekyeyháxma nak, neyseksa ekyáqtéssóxma chá'a eweynchamha. Ekyekpelchágweykmek axta eyke ekhémo mók yaqweykenxa hentéhek negyókxoho nak,

Eclesiastés 2:16

Hakte méko chá'a kaxénwakxohok awáxok ma'a énxet ekha nak apya'áseyak aqsok, tén han ma'a énxet ekyeyháxma nak; méko sa' kaxénwakxohok awáxok ma'a egmonye' sa', eletsaphok chá'a m'a énxet ekha nak apkelya'áseyak aqsok, tén han ma'a élyeyháxma nak.”

Eclesiastés 7:2

Tásek agmahagkok ma'a éllapwámegkaxa nak énxet, eñama apketsapma pók, megkaxnawok agmahagkok ma'a élpayheykxexa nak apkelwáxok énxet; hakte nétsapma ekteme ekweykekxoho apyókxoho énxet, kéméxcheyk chá'a kaxének apkelwáxok ma'a énxet'ák meletsapa nak makham.

Eclesiastés 9:12

Méko ekya'ásegkoho ekwánxa kammok néxa ekhem agkok: ekhawo ektémakxa nak kelasma kólmok yám'én, keñe náta ma'a kelhanma, cháxa ektémakxa nak han énxet xa, katlakkasek aqsa chá'a káhapwak aqsok ekmaso neyseksa melhaxanma.

Eclesiastés 9:2

Hawók mók élhaxanma xa apyókxoho nak: énxet appéwomo, énxet mepéwomo, énxet ektaqmalma aptémakxa, énxet ekmaso aptémakxa, énxet eyáxñeyo apwáxok, énxet ekmanyása apwáxok, énxet apmésso aptósso apchaqhe, tén han ma'a megkésso nak aptósso apchaqhe; ekhawo han ma'a ektaqmalma nak aptémakxa, tén han ma'a mey'assáxma nak, tén han ma'a apteméssesso nak ekmámnaqsoho appeywa, tén han ma'a metnéssesso nak ekmámnaqsoho appeywa.

Números 16:29

Apkeletsekkek agkok chá'a s'e énxet'ák nak, apkeletsapma apagko' enxoho chá'a, ektémól'a m'a apyókxoho énxet'ák, eyke megkatnaha ko'o seyáphasso m'a Wesse' egegkok.