Eclesiastés 3:14 - Biblia Enxet

¹⁴ Ekya'ásegkók nahan ma'a ekyókxoho Dios axta apkelane megkamassegwomek chá'a. Méko han kawának kalánekxoho', tén han kamasseksek; hakte Dios axta apteméssesso xa ektémakxa nak, yaqwayam enxoho chá'a negko'o agáwhok ma'a.

Eclesiastés 3:14 ပူးပေါင်းရင်းမြစ်များ

2 Samuel 22:31

“Péwók ma'a Dios ámay apagkok; payhawók megkólya'ássemek ma'a apxeyenma nak elának Wesse' egegkok. ¡Eltaqmelcheshok chá'a Dios ma'a apyókxoho énxet'ák ektáha nak chá'a apcháyo!

Salmos 33:11

megkamassegwomek eyke m'a aqsok apmáheyo nak chá'a elának Wesse' egegkok.

Salmos 64:9

Keñe sa' apyókxoho énxet etnehek apcháyo m'a Dios, tén han elxének chá'a m'a aqsok apkelane; elya'asagkohok sa' han ma'a aqsok apkelane nak.

Salmos 76:10

Yának chá'a exchep elpeykeshok ma'a énxet'ák apkello nak; ¡elsawásseshok chá'a exchep ma'a metekyawa nak kempakhakma!

Proverbios 19:21

Xámok chá'a katnehek ekxénakxa apwáxok elának aqsok ma'a énxet, wánxa eyke aqsa chá'a katyapok ma'a apkeltamho enxoho Dios.

Proverbios 21:30

Mékoho katnekxak nápaqto' Wesse' egegkok ma'a negya'áseykegkoho, tén han negmowána aqsok, keñe han ektaqmalma nak élchetámeykha egwáxok.

Proverbios 30:6

Etne chá'a aptáhakxa enxoho chá'a apcháneya m'a, ná exeyenwom aqsa chá'a m'a metnahakxa enxoho chá'a appeywa; epaqhetchesek katnehek ma'a, keñe exchep etnehek apmopwána amya'a.

Eclesiastés 12:13

Wánxa amya'a kéllegasso. Penchásexcheyk kaxwók ekxénamaxche aqsok. Etne apcháyo Dios, elána' m'a apkeltémókxa nak antéhek, hakte cháxa yaqwayam chá'a elanagkok énxet xa.

Eclesiastés 5:6

Nágyoho aqsa kalanaksek mey'assáxma m'a appeywa, keñe exének eyesagko aptáhakxa nápaqto' ma'a Dios apkeláneykha nak. Yaqsa ektáha apkeltamho nak elókasek Dios eñama m'a aqsok apxeyenma exchek xép, tén han yetsagkassásekxak katnehek ma'a ekyókxoho aqsok apkelane nak xép.

Eclesiastés 5:7

Kéméxcheyk xép etnehek apcháyo m'a Dios, neyseksa ekxákma élwanmésso ekmaso énxet'ák, tén han neyseksa élpaqmétamáxche naqsa, cham'a aqsok mékoho nak.

Eclesiastés 7:18

Ektaqmelakxoho exchep emagkok ekyennaqte s'e aqsok nak, meyke apyenyeykekxa apméyak ma'a mók aqsok nak. Énxet apteme nak apcháyo Dios, emallánek chá'a xa ekyókxoho aqsok nak.

Isaías 46:10

Ekxeyenmeyk axta ko'o yaqwánxa katnehek ektemegwánxa néxa m'a sekxók eyeynókxa axta; ekxeyenmeyk axta yaqwánxa katnehek egmonye' m'a sekxók megkatnamakxa axta makham. Axta ektemék ko'o s'e: Kalanaxchek sa' ma'a aqsok sekmáheyo nak alána'; alának sa' ko'o ekyókxoho m'a sekxeyenma nak alána'.

Daniel 8:8

“Yágwokmók axta aqsa apyennaqte m'a yát'ay apkennawo', kenteyk axta aqsa han apkepetek ekyawe nak neyseksa ekyágweykmoho apyennaqte, tén axta élántepa cuatro apkepet'ák ekyaqmagkasso m'a ekyawe nak, apkelenmexchásekxók axta m'a éleñamakxa nak chá'a éxchahayam ekyókxoho yókxexma.

Deuteronomio 32:4

Cha'a apteme segmasma m'a; kelpéwók ma'a aptamheykha nak, kelpéwók nahan chá'a m'a aqsok apkelane nak. Cha'a apteme Dios apmámnaqsoho m'a, méko xama aqsok enxoho megkapéwomo apkelane; ¡appéwomo m'a tén han apmámnaqsoho!