Eclesiastés 2:4 - Biblia Enxet

⁴ Éláneyak axta ekyawe agko' sektamheykha, eknaqxétekháseykegkek axta tegma apkelyawe ahagkok ahagko', yetneyk axta han séneykekxa anmen yámet ahagkok ahagko'.

Eclesiastés 2:4 ပူးပေါင်းရင်းမြစ်များ

Génesis 11:4

Keñe axta aptáha apkelpaqmeta s'e: “Kólchempoho, anlának xama tegma apwányam, tén han xama tegma néten apwenaqte apweykmoho néten. Keñe sa' ólxénaxchek chá'a negko'o negmowána aqsok, móxpaqnehek sa' chá'a ekyókxoho keso náxop.”

2 Samuel 18:18

Apkeltémok axta han kóllanaksek xama meteymog ekyawe Absalón megyetsapmakxa axta, ekxénweykekxoho chá'a kélwáxok, ekyetnama nak ma'a éltamhomaxchexa nak Ekyapwátegweykenxa Xapop Wesse' Apwányam, appekkenmeyk axta han apwesey, hakte méko axta xama enxoho apketche neptámen yaqwayam eleyxchesek. Makhemek makham éltamhomaxche “Absalón ekxeyenweykekxoho kélwáxok xa meteymog nak”.

1 Reyes 15:19

“Aghéshok sa' mók nélpaqhetchásamáxkoho, xép tén han ko'o, yaqwayam ólpasmaxkoho', aptamheykegko axta ẽlyapmeyk nano'. Keso séláphássesso sawo élyátekto élmomnáwa s'e tén han sawo élmope élmomnáwa sélmésso naqsa. Elwatés sa' appasmo m'a Baasá, wesse' apwányam nak Israel, keñe sa' kamaskok ko'o sélya'assóxma'.”

1 Reyes 9:1

Xama axta appenchesa apkelane Salomón ma'a Wesse' egegkok nak tegma appagkanamap apagkok, tén han ma'a tegma apyawe aphakxa nak chá'a wesse' apwányam, tén han ma'a ekyókxoho aqsok apmáheyo elána',

1 Crónicas 27:27

Simí, apkeñama axta Ramat, axta apkeltaqmelchesso m'a anmen yámet kélcheneykekxa nak, keñe m'a Zabdí, Sefam axta apketche, apteme apkelyetméyak chá'a anmen yámet égmenek ma'a kélyetmeykegkaxa axta chá'a.

2 Crónicas 26:10

Apkeláneykegkek axta han tegma apkelwenaqte m'a yókxexma meykexa nak énxet, apkelmetmeykegkek axta han ekxámokma máxek, hakte xámok axta apnaqtósso, cham'a ekpayhegweykenxa nak xapop, tén han ma'a egkexe ekpayhegwayam nak néten. Yetneyk axta han énxet apkeltamheykha m'a namyep apagkok, tén han ma'a émhakxa nak anmen yámet, apkeneykekxo axta m'a ekxámokmakxa nak meteymog élekhahéyak, yetneyk axta énxet'ák apkeltamheykha m'a namyep étkok apagkok, hakte apmenyeyk axta elanok namyep ma'a.

2 Crónicas 8:11

Apya'ásekxeyk axta Salomón, faraón apketche m'a apkelánéssamakxa axta tegma apyawe, aptekkessek axta m'a David Tegma Apwányam apagkok, hakte xeyenmeyk axta apwáxok megkapayhawo kaxek aptáwa' m'a David axta tegma apyawe apagkok, wesse' apwányam axta m'a Israel, hakte cham'a kañe' ektaxnegweykenxa axta chá'a m'a Wesse' egegkok yántéseksek apagkok, ekteme élpagkanamaxche'.

Salmos 49:11

Enegkenagkok eykhe chá'a apkelwesey m'a xapop apagkok, takhaxpop sa' eyke katnehek apxanák meyke néxa; ¡sa' exmakha chá'a megkatnégwayam néxa m'a!

Cantares 1:14

Ekhéssamók ko'o sekpagkanma m'a yámet exnók élmope ekmátsa agko' la'a ekpaqneyam, émha nak ma'a kélcheneykekxexa nak anmen yámet yókxexma En-gadi.

Cantares 7:12

Keñe sa' axto'ók ólmeyekxak ma'a émhakxa nak anmen yámet, anlanok yetneyk kexa éltekteyapma, kelmayheykxeyk kexa nahan axanák ma'a exnók nak, kelyapwágkek kexa nahan ma'a yántakyexna. ¡Sa' agkések ekyókxoho ektémakxa seyásekhayo exchep ma'a sekpagkanma!

Isaías 5:1

Anneykmássesek sa' ko'o émók seyásekhayo, negmeneykmasso, apkelánesso axta m'a anmen yámet apkeneykekxa. Yetneyk ko'o xama émók apkeneykekxa anmen yámet ma'a xapop megkeyssamakxa nak katyapok aqsok kélcheneykekxa.

Daniel 4:30

aptáhak axta s'e: “¡Awanhók agko' nak la'a s'e Babilonia! Ko'o axta sélane yetlo sekmowána, sekhamakxa chá'a sektémakxa wesse' apwányam, yaqwayam enxoho kataxchek seyeymáxkoho.”