Eclesiastés 2:26 - Biblia Enxet

²⁶ Naqsók Dios aptáha apmésso apya'áseyak aqsok énxet, tén han ma'a apyekpelchémo nak aqsok, tén han ekpayheykekxa nak egwáxok, cham'a apchásekhókxa enxoho chá'a, keñe eyke m'a énxet apkelane nak mey'assáxma, yohok sekxók chá'a etnehek wesse', eñama m'a apwasqápeykekxoho nak aptamheykha, tén han yánchásekxak aqsok éltaqmalma élmomnáwa nak, keñe natámen elmések chá'a pók énxet, cham'a apchásekhókxa enxoho chá'a. ¡Cháxa ektáha han aqsok eyaqhémo agwetak xa, máxa negmáheyól'a agmagkok éxchahayam!

Eclesiastés 2:26 ပူးပေါင်းရင်းမြစ်များ

Génesis 7:1

Aptáhak axta Wesse' egegkok apcháneya Noé s'e: “Xép apwánxa apagkok apxakko' apkeláneya chá'a m'a sekmámenyého nak ko'o, nepyeseksa s'e apyókxoho énxet'ák, apheykencha'a nak se'e negwánxa nak. Etex sa' kañe' yántakpayhe yetlo apketchek.

Job 32:8

Apyókxoho énxet'ák ekha apkelya'áseykegkoho aqsok, hakte ekha Apyennaqte espíritu apagkok apkelmésso.

Job 38:36

¿Yaqsa élmésso élya'áseykegkoho aqsok ma'a náta, cham'a kesseyána', tén han tat'a kennawo'?

Salmos 39:6

¡Apyókxoho énxet apteme aphémo pessesse ekmallanel'a! Kaqhok exámasagkok aqsok apagkok, hakte mey'asagkehek yaqsa sa' kalmekxak ma'a aqsok nak.

Salmos 51:6

Naqsók chá'a exchep yásekhohok ma'a megkeyxamaxkoho nak chá'a apwáxok, egkéssegkek sekya'áseykegkoho ekweykmoho kañók agko' nak élchetámeykegkaxa ewáxok.

Proverbios 13:22

Xámok chá'a katnehek aqsok apnegkencháseykekxa aptawán'ák neptámen ma'a énxet ektaqmalma nak aptémakxa'; keñe m'a aqsok apagkok nak ma'a énxet'ák melya'assáxma, sa' etnekxak apagkok ma'a énxet'ák élpéwomo nak apkeltémakxa.

Proverbios 2:6

Hakte Wesse' egegkok keñamak segmésso ektémakxa negya'ásegwayam aqsok; tén han sẽltámeye, keñe han negyekpelchémo.

Proverbios 28:8

Énxet apxámáseyak nak aqsok apagkok apmeykekxoho nak chá'a néten ekyánmaga, háwe yaqwayam etnehek apagkok, sa' elmekxak ma'a énxet'ák apkelmopyósa nak chá'a elanok ma'a meyke nak aqsok apagkok.

Eclesiastés 1:13

ekmáheyók ahagko' axta ategyaha amya'a, tén han altámesaxchek yetlo sekya'áseykegkoho m'a ekyókxoho aqsok élánamáxko nak chá'a keso náxop. ¡Yentexe nak la'a Dios apmésso apkeltamheykha énxet'ák, yaqwayam enxoho elyaqhakkassessamhok chá'a apkelwáxok!

Eclesiastés 1:14

Ekya'ásegweykmek axta ekyókxoho aqsok élánamáxko nak chá'a keso náxop, ekteme aqsok eyaqhémo agweta', máxa m'a negmáheyól'a agmagkok éxchahayam.

Eclesiastés 2:25

Dios apwánxa apagkok segmésso m'a nento nak, tén han ma'a ekpayheykekxa nak egwáxok.

Eclesiastés 3:10

Ekyekpelchágweykmek ko'o Dios yentexek apteméssessamakxa énxet, yaqwayam enxoho elyaqhakkassessamhok chá'a apkelwáxok.