Eclesiastés 2:23 - Biblia Enxet

²³ Eñegkohok chá'a neyseksa apha keso náxop, kalya'aksek chá'a exma; weykmok han axta'a megkamassegwayam élchetamso apwáxok. ¡Cháxa ektáha han aqsok eyaqhémo agwetak xa!

Eclesiastés 2:23 ပူးပေါင်းရင်းမြစ်များ

Génesis 3:17

Keñe axta énxet aptáha apcháneya s'e: Ekmaso sa' kaxwók katnehek keso náxop, eñama apsexnánémap xép, apkelyahákxoho ekpeywa aptáwa', aptawa m'a yámet ekyexna sekmasma axta etwok, yetlo aptamheykha ekyentaxno sa' chá'a kaxwók xép etekkesek apto, neyseksa apha makham.

Génesis 47:9

Aptáhak axta apchátegmowágko Jacob se'e: —Ciento treinta apyeyam ahagkok ko'o entáhak sekweynchámeykegkaxa'. Apqántawók apyeyam ahagkok sekweynchámeykha, yókxoho apyeyam sekwete ekmaso sekha, mathanyeykekxak ma'a ekweykenxa axta apheykha élyapmeyk nano'.

Ester 6:1

Cháxa axta'a megkapwagkexa axta apmako etyenek ma'a wesse' apwányam, tén axta apkeltamho kólsantagkasek ma'a weykcha'áhak eknaqtáxésamaxche axta ekyókxoho amya'a ektémakxa axta m'a apchókxa, yaqwayam enxoho kólyetsetchesek.

Job 14:1

Yaqwátawok negha negko'o s'e náxop nak, xámok agko' ektémakxa ekyentaxno negha, nélyelqáxko', eyeynamo m'a sekxók axta nempalleykmo.

Job 5:7

énxet keñamak ekteyapmakxa m'a nenlegeykegkoho nak, ektémól'a táxa éllo kalchampa'.

Salmos 127:2

Kaqhok óghaxchek nentamheykha tén han antók nento néghamaxche nak negwete, apkelmeyásegko enxoho chá'a Dios ma'a apkelásekhayókxa nak, neyseksa apnaqteyenma.

Salmos 32:4

hakte yókxoho ekhem xép señassáseykegkoho tén han yókxoho axta'a. Máxa pánaqte exnók mayáhat ekyamassól'a entemék sekyókxa ekyelqamáxko.

Salmos 90:15

Hegmés negko'o apxámokma apyeyam élpayheykekxa egwáxok, ekhawo apwánxa axta apyeyam néllegeykegkoho ekyentaxnamo egwáxok.

Eclesiastés 1:13

ekmáheyók ahagko' axta ategyaha amya'a, tén han altámesaxchek yetlo sekya'áseykegkoho m'a ekyókxoho aqsok élánamáxko nak chá'a keso náxop. ¡Yentexe nak la'a Dios apmésso apkeltamheykha énxet'ák, yaqwayam enxoho elyaqhakkassessamhok chá'a apkelwáxok!

Eclesiastés 1:18

Yetneyk agkok ekyawe negya'ásegwayam, awanhek katnehek sẽlya'assóxma aqsok; yaweygkek agkok han negmowána aqsok, kayawagkok han chá'a nenlegeykegkoho.

Eclesiastés 2:11

Kelchetagkassegkek axta ewáxok xa aqsok sélane ahagko' nak, cham'a sektamheykha sekwasqápeykekxoho axta sélane, keñe nak sekyekpelchágweykmo ektáha han aqsok eyaqhémo agwetak xa, máxa m'a negmáheyól'a agmagkok éxchahayam, méko aqsok hentekkessesek keso náxop.

Eclesiastés 5:12

Énxet ekha nak aptamheykha, ketsék eykhe chá'a etwok apto, awanhek essenhan chá'a katnehek, tásek eyke katnehek chá'a apteyenma; keñe m'a énxet ekxámokma nak aqsok apagkok, metyenek chá'a axta'a kaxének apwáxok aqsok apagkok.

Eclesiastés 5:17

Weykmok han apweynchámeykha ekmaso keso náxop, yetlo élya'assóxma, tén han aplegeykegkoho, tén han eklo apwáxok.

Eclesiastés 8:16

Neyseksa sekmeyásamáxkoho ahagko' axta ko'o yaqwayam eykpelkohok aqsok, tén han ay'asagkohok ektémakxa, tén han alanok ma'a ekyókxoho aqsok élánamáxko nak chá'a keso náxop —agwomok chá'a naqsók ma'a magmowagkexa nak antének, ekhem, essenhan axta'a—,

Daniel 6:18

Keñe axta wesse' apwányam apmeyákxo makham ma'a apxagkok, apyetnákxeyk axta, axta etáwak apto, meyke apkelane m'a ektémakxa axta chá'a ekleklamo apwáxok; axta etyenak axta'a.