Eclesiastés 2:16 - Biblia Enxet

¹⁶ Hakte méko chá'a kaxénwakxohok awáxok ma'a énxet ekha nak apya'áseyak aqsok, tén han ma'a énxet ekyeyháxma nak; méko sa' kaxénwakxohok awáxok ma'a egmonye' sa', eletsaphok chá'a m'a énxet ekha nak apkelya'áseyak aqsok, tén han ma'a élyeyháxma nak.”

Eclesiastés 2:16 ပူးပေါင်းရင်းမြစ်များ

2 Samuel 3:33

Tén axta wesse' apwányam apmeneykmasa s'e negmeneykmasso senlapwayam apmeneykmássesa m'a Abner: “Abner, ¿yaqsa ektáha apketsapa nak, aptémól'a yetsapok ma'a énxet ekmaso aptémakxa,

Salmos 103:16

wátekhapchek agkok chá'a éxchahayam, kamassegwók chá'a, kamassegwók han chá'a ekwetamaxche'.

Salmos 49:10

Hakte agwethok chá'a eletsapok apyókxoho énxet, cham'a apmopwancha'a nak aqsok tén han ma'a élyeyháxma nak, keñe pók elmekxak chá'a m'a aqsok apagkok ekxámokma nak.

Salmos 88:12

¿Exhoya chá'a énxet apya'áseykegko aptémakxa appéwomo, tén han ektémakxa nak aqsok sempelakkasso apkelane m'a ekyáqtéssamakxa nak exma, megkaxénweykekxexa nak chá'a kélwáxok apyókxoho énxet?

Éxodo 1:6

Apketsekkek axta m'a José tén han ma'a apkelpepma, tén han ma'a apyókxoho ektáha axta apkektegeykegkoho xamo'.

Éxodo 1:8

Yáma néwomók axta anhan aptépeykxo makham pók wesse' apwányam ma'a Egipto, háwe axta nahan apyekpelchémókxa m'a José. Aptáhak axta nahan apkeláneya énxet'ák apagkok se'e:

Proverbios 14:8

Keykpelchásseshok chá'a aptémakxa énxet apya'áseykegkoho nak chá'a aqsok ma'a negya'áseykegkoho nak aqsok, keñe m'a énxet ekyeyháxma nak, kalyexanchesha chá'a m'a aptémakxa nak ekyeyháxma.

Eclesiastés 1:11

Massegweykmek élxénamaxche m'a aqsok nano', kamassegwók sa' han élxénamaxche m'a aqsok peya nak kalántépekxak egmonye' nepyeseksa nak énxet'ák, cham'a nentámen sa' negko'o.

Eclesiastés 2:14

Énxet ekha nak apya'áseyak aqsok ey'asagkohok chá'a aqsok apkelane, keñe eyke m'a énxet ekyeyháxma nak, neyseksa ekyáqtéssóxma chá'a eweynchamha. Ekyekpelchágweykmek axta eyke ekhémo mók yaqweykenxa hentéhek negyókxoho nak,

Eclesiastés 2:15

keñe axta ektáha ekpaqméteyncha'a ewáxok se'e: “Énxet ekyeyháxma ekmáheyókxa nak katnehek, hawók ko'o xa ekmáheyókxa hetnehek, méko aqsok segkésso sektéma ekha sekya'áseyak aqsok. ¡Weykmok eyke han ekteme aqsok eyaqhémo agwetak xa!

Eclesiastés 6:8

¿Yaqsa aqsok ekyetnama m'a énxet ekha nak apya'áseyak aqsok, megkeytnama nak ma'a énxet ekyeyháxma nak? Wánxa ekyetnama m'a aqsok apyekpelchémo nak, yaqwayam enxoho elenmaxakpohok chá'a ektémakxa apha.

Eclesiastés 7:2

Tásek agmahagkok ma'a éllapwámegkaxa nak énxet, eñama apketsapma pók, megkaxnawok agmahagkok ma'a élpayheykxexa nak apkelwáxok énxet; hakte nétsapma ekteme ekweykekxoho apyókxoho énxet, kéméxcheyk chá'a kaxének apkelwáxok ma'a énxet'ák meletsapa nak makham.

Eclesiastés 8:10

Ekweteyak axta han énxet'ák élmasagcha'a nak apkeltémakxa, melweykmoho axta chá'a m'a kélpeykessamókxa nak chá'a Dios, kaltaqmalmakha chá'a apkelxénamap, cham'a ekhem kélátawanyakxa enxoho; keñe m'a énxet'ák apheykha nak tegma apwányam, megkaxénwakxók chá'a apkelwáxok natámen, cham'a apkeláneykxa axta chá'a aqsok ekmaso. Cháxa ektáha han aqsok eyaqhémo agwetak xa.

Eclesiastés 9:15

Keñe m'a tegma apwányam nak, exek xama énxet ekha nak apya'áseyak aqsok meyke nak aqsok apagkok, apmopwána nak eykhe ewagkasek teyp tegma apwányam, ¡méko eyke chá'a kaxének awáxok!

Eclesiastés 9:5

Énxet'ák meletsapa nak makham, apya'ásegkok megkatnehek chá'a meletsapma, keñe eyke m'a énxet'ák apkeletsapma nak, melya'ásegkok aqsok, méko han aqsok elweta', hakte méko chá'a kaxénwakxohok awáxok.

Malaquías 3:16

(Keñe axta apkelpaqhetchásekpoho m'a apkeláyo nak chá'a Dios, aptaqmelchásawók axta nahan apháxenmo Wesse' egegkok ma'a aqsok apkelxeyenma. Táxésáxcheyk axta nahan weykcha'áhak nápaqtók Wesse' egegkok, yaqwayam enxoho kaxénwakxohok chá'a kélwáxok ma'a énxet'ák apcháyo nak chá'a Wesse' egegkok, tén han melwagqayam nak chá'a.)