Eclesiastés 12:4 - Biblia Enxet

⁴ Wokmek sa' agkok xa ekhem nak, kólapagkokxak sa' atña'ák ma'a nentaxnamakxa nak ámay; kamaskok sa' eklegáxko éxtegyawasso m'a kéltekxekxamakxa nak aqsok aktek; kalpáwak sa' chá'a náta, kamaskok sa' eyke éllegasa m'a ekmátsa nak élpáwá;

Eclesiastés 12:4 ပူးပေါင်းရင်းမြစ်များ

2 Samuel 19:35

ochenta apyeyam ahagkok ko'o kaxwo' táhak; massegkek ekmátsa m'a sektawakxa enxoho, tén han ma'a sekyenakxa enxoho chá'a sekyá, mowanchek kaxwók ay'asagkohok ekmátsa, essenhan ekmanyása; mañék han kaxwók apkelmeneykmasso m'a apkelmeneykmasso nak, tén han ma'a élmeneykmasso nak. ¡Mamakók ko'o alya'aksek exma exchep, wesse'!

Job 41:14

¿Yaqsa awanchek kameykessesek átog, ekheykegkaxa nak ma'a am'ák ekpexchessamo nak egyempehek anlano'?

Isaías 47:2

Kama meteymog ektekxekxo nak chá'a aqsok aktek katekxek hótáhap apaktek, kalek eyapma nak nát apáwa apkexyawe, kayaqsásekxa ekyekma kanegken yáxña'akxoho ayay'ák, kayeykhekxa náxop ma'a neyseksa wátsam;

Jeremías 25:10

Amasséssessók sa' ko'o nepyeseksa eklegamaxche m'a kélmeneykmasso nak chá'a ekhem kélessawássessamo, tén han élpayheykekxexa nak chá'a kélwáxok, tén han ma'a élmeneykmásamáxche nak chá'a sẽlyamhopma, tén han ma'a élaqtáweykha nak chá'a m'a meteymog kéltekxekxo, kamassegwók sa' nahan ekwetamaxche élsassóxma m'a cháléwasso.