Eclesiastés 12:3 - Biblia Enxet

³ Kawak sa' ekhem yaqwayam etnehek apkelpexyennameykha m'a apkeltaqmelchesso nak wesse' apwányam apxagkok, elháxeheykha sa' ma'a énxet'ák apkelyennaqte axta, ántawók sa' kaleymaxchek ma'a kelán'ák éltekxeyéyak nak chá'a aqsok aktek, kamaskok sa' éltekxeyágko, keñe m'a élteyányeykha nak chá'a átog étkók, kasextohok sa' élyekpelchéxma.

Eclesiastés 12:3 ပူးပေါင်းရင်းမြစ်များ

Génesis 27:1

Apwányamók apagko' axta aptemék Isaac, meyke apaqta'ák axta han entemék. Apwóneyha axta m'a Esaú, apteme axta apketche átnaha apketkok. Aptáhak axta apcháneya s'e: —¡Hatte! —Keso ko'o s'e —axta aptáhak Esaú.

Génesis 48:10

Apwányamók apagko' axta aptemék Israel, massegkek axta apyekpelche exma. Massegkek axta ektaqmalma apkelyeheykha, apkelyepetchessekmók axta apketchek José m'a apyáp; apkelpetseságkek axta keñe apkelpatheta.

Salmos 102:23

Matnamók sekwányamók semasséssessama sekyennaqte; eyaqwátéssessamók sekweynchámeykha.

Salmos 35:14

Kayaqhapmakha chá'a ewáxok aweynchamha, hélapwók nahan chá'a, máxa atnéssesek ma'a ektémól'a hélapwagkasek katsapok méme, essenhan ma'a sekxegexma ahagko' la'a, essenhan ma'a eyáxeg ahagko' nak.

Salmos 38:6

Yókxoho ekhem ekyaqhápeykha ewáxok, sekháxaheykha, tén han sélapwayam.

Zacarías 8:4

Exmakha sa' makham énxet'ák apkelwányam tén han kelán'ák élwányam ma'a apheykegkaxa nak chá'a énxet'ák elweynchamha m'a Jerusalén, yetlo apkeltasqapeykha yámet eñama aptamhéyak apkelwányamók apagko' tén han élwányamók agko' ma'a kelán'ák nak.

1 Samuel 3:2

Xama ekhem axta, aptenakxa kañe' apxagkok ma'a Elí, eyeynmo axta ekmáheyo katnehek meyke apaqta'ák, asexteyk axta ékpelkohok elyeheykha.