Eclesiastés 12:2 - Biblia Enxet

² Elána' sa' kaxwók xa, megkamassakxa nak makham éltátchesso ekhem, tén han pelten, tén han yaw'a, megkamassakxa nak makham yaphope natámen ekmámeye.

Eclesiastés 12:2 ပူးပေါင်းရင်းမြစ်များ

Génesis 27:1

Apwányamók apagko' axta aptemék Isaac, meyke apaqta'ák axta han entemék. Apwóneyha axta m'a Esaú, apteme axta apketche átnaha apketkok. Aptáhak axta apcháneya s'e: —¡Hatte! —Keso ko'o s'e —axta aptáhak Esaú.

Génesis 48:10

Apwányamók apagko' axta aptemék Israel, massegkek axta apyekpelche exma. Massegkek axta ektaqmalma apkelyeheykha, apkelyepetchessekmók axta apketchek José m'a apyáp; apkelpetseságkek axta keñe apkelpatheta.

Salmos 42:7

Anleghok ekpáwà awáxok ekyennaqte élpexyaweykenta yegmen ényé m'a xapop ekweyweykenta apagkok nak; eyapmeyk ko'o m'a yegmen ényé ekyennaqte apcháphasso nak xép.

Salmos 71:20

Xámok eykhe exchep segkésso aqsok ekmaso, tén han ekyentaxno sekha, hélenxánegkeshok sa' eyke makham sekha; megyohók sa' amhagkok ma'a apkelmaheykegkaxa nak apkeletsapma,

Salmos 77:16

Oh Dios, xama axta exchep ekweteya wátsam ekwányam, cháyak axta, yawheykha axta m'a yegmen ekmattawóneg agko' nak;

Salmos 90:10

Setenta apyeyam aqsa chá'a kammok negha; keñe m'a apkelyennaqte nak, ochenta apyeyam aqsa chá'a néxa apheykha; kaqhok eyke kaqheykha egwáxok anxek ekwenaqte, wánxa aqsa agwetak ma'a nélya'ásamaxche' exma, tén han nentamheykha ekyentaxno. ¡Yahamok exog apyeyam, ekhawo nak han negko'óxa'!

Isaías 13:10

Kamaskok sa' elápogwátek yaw'a tén han yaw'a apkelyawe apchaqneykekxa nak chá'a m'a néten; kapeysamok sa' nahan ektepa enxoho m'a ekhem, megyápogwátek sa' nahan ma'a pelten.

Isaías 5:30

Wokmek sa' agkok ekhem ekxénáxchexa yenmexek Israel xa énxet'ák nak kalpáwha sa' apwáxok, máxa sa' etnahagkok ma'a ektémól'a wátsam ekwányam kapáwak awáxok; apkelanawók sa' agkok xapop xama énxet, étak sa' katnekxak ekyaqtessóxma tén han ekhánaqte m'a ekhem eñama ekyentaxno agko' ma'a yaphope ekpésyam.

Joel 3:15

Peysamákxeyk ekhem tén han pelten, massék apkelápogwata m'a yaw'a.

1 Samuel 3:2

Xama ekhem axta, aptenakxa kañe' apxagkok ma'a Elí, eyeynmo axta ekmáheyo katnehek meyke apaqta'ák, asexteyk axta ékpelkohok elyeheykha.

1 Samuel 4:15

noventa y ocho apyeyam apagkok axta eyke temék ma'a Elí, meyke apaqta'ák axta temék.

1 Samuel 4:18

Xama axta apkeltennasa apxéna Dios yántéseksek apagkok ma'a apseykekxésso nak amya'a, apsekhákxeyk axta Elí aphakxa m'a nekha nak átog, kentawok axta han nápenyétek, hakte apwányamók axta, apmel'ak axta han, apketsekkek axta. Cuarenta apyeyam axta han apteme apkemha apmonye' m'a Israel.