Eclesiastés 12:1 - Biblia Enxet

¹ Kaxén apwáxok ma'a aptáha axta exchep Apkelane, keso aptáhakxa nak makham apketkok, mewánxa nak makham ekhem ekyentaxnakxa negha; kammok sa' apyeyam yaqwayam etnehek appeywa s'e: “Mehepeykessáseykekxak ko'o ewáxok ektémakxa sekha.”

Eclesiastés 12:1 ပူးပေါင်းရင်းမြစ်များ

Génesis 39:2

Wesse' egegkok axta eyke apxegexma chá'a José, aptaqmelchessessegkek axta apha m'a wesse' apagkok nak apxagkok, apteme nak énxet Egipto.

Génesis 39:23

Melanók axta han chá'a apkemha apmonye' negmomaxchexa' m'a ektáha axta chá'a apkeláneykha m'a José, hakte apxegexma axta aptemék ma'a Wesse' egegkok, tásek axta chá'a katnehek ma'a ekyókxoho aqsok apkelanakxa enxoho.

2 Samuel 19:35

ochenta apyeyam ahagkok ko'o kaxwo' táhak; massegkek ekmátsa m'a sektawakxa enxoho, tén han ma'a sekyenakxa enxoho chá'a sekyá, mowanchek kaxwók ay'asagkohok ekmátsa, essenhan ekmanyása; mañék han kaxwók apkelmeneykmasso m'a apkelmeneykmasso nak, tén han ma'a élmeneykmasso nak. ¡Mamakók ko'o alya'aksek exma exchep, wesse'!

2 Samuel 19:36

Wánxa sa' aqsa atnehek sekxegexma eyeykhekxak ma'a Jordán, wesse', ¡kaqhók hegkések ekyánmaga sekteméssessamakxa, wesse'!

1 Reyes 14:13

Tén sa' ellekxagwaha elanok ma'a apyókxoho énxet'ák nak Israel, keñe sa' yátawanyek; sa' aqsa han wánxa Jeroboam aptáwen neptámen kaxek takhaxpop apagkok. Wánxa aqsa han ekleklamo apwáxok Wesse' egegkok, Dios nak Israel xa sakcha'a nak, nepyeseksa m'a apyókxoho Jeroboam aptawán'ák neptámen nak.

1 Reyes 18:12

Eyenyeykxeyk sa' agkok ko'o exchep, keñe sa' ey'ásekxak mók nekha m'a Wesse' egegkok espíritu apagkok, may'ásegkaxa nak ko'o. Ekya'aweykxeyk sa' agkok ko'o altennássekxak ma'a Ahab, méteyágweyk sa', keñe sa' heyaqhek. Nanók ko'o sekteme seyáyo Wesse' egegkok, sektémakxa axta wokma'ák, ko'o sektáha xeyep apkeláneykha.

Nehemías 4:14

Xama axta ko'o sekwet'a apkelaka m'a, émpákxeyk axta néten, ektáhak axta séláneya m'a apkelwesse'e nak, tén han ma'a apkelámha apmonye'e nak, tén han ma'a apyókxoho énxet'ák nak: “Nágkóle aqsa. Kaxén kélwáxok Wesse' egegkok apteme apwányam, tén han apcheymap, kólempakha kólmeyók kélókxa xamo', kélketchek apkelennay'a, tén han kelwán'ák, tén han ma'a kélnaqteyegka'a, tén han kélxanák.”

Job 30:2

Chaqhémok axta chá'a ko'o sélásenneykencha'a m'a, massegkek axta apkelyennaqte

Salmos 119:55

Wesse', kaxének chá'a ko'o exchep ewáxok axta'a; ¡émenyeyk ko'o alának ma'a nélxekmowásamáxche apagkok nak!

Salmos 34:11

Kéxegke kélketkók nak, kólchexyem, kóleyxho sa' sekpeywa: alxekmósek sa' nentémakxa agáwhok Wesse' egegkok.

Salmos 63:6

Ekyetneyk agkok chá'a axta'a, kaxének chá'a ewáxok xép;

Salmos 90:10

Setenta apyeyam aqsa chá'a kammok negha; keñe m'a apkelyennaqte nak, ochenta apyeyam aqsa chá'a néxa apheykha; kaqhok eyke kaqheykha egwáxok anxek ekwenaqte, wánxa aqsa agwetak ma'a nélya'ásamaxche' exma, tén han nentamheykha ekyentaxno. ¡Yahamok exog apyeyam, ekhawo nak han negko'óxa'!

Proverbios 22:6

Elxekmós aptémakxa ektaqmela sakcha'a aptáhakxa nak makham ketchetse', keñe sa' ma'a aptáha enxoho apwányamo, megkalwánaqmék chá'a.

Proverbios 8:17

Wásekhohok chá'a ko'o m'a ektáha nak seyásekhayo, héteyekxak nahan chá'a m'a ektáha nak sektamso.

Eclesiastés 11:10

Étnakhés ma'a élapwagkassama nak apwáxok, nágyoho han kañássesagkohok ma'a nenlegeykegkoho nak, hakte weykmók han ekteme eyaqhémo agwetak ma'a ektaqmalma nak apweynchámeykha apteme nak apketkok.

Eclesiastés 11:2

Emlásek apnámakkok aqsok ekyetnakxa nak xép, cham'a apkepwagkexa enxoho, hakte káhapwak katnehek aqsok ekmaso s'e apchókxa nak.

Eclesiastés 11:8

apheyk agkok ekwenaqte énxet keso náxop, peykessáseykxeyk agkok han chá'a apwáxok ma'a apha nak ekwenaqte, kéméxcheyk han kaxének apwáxok peya han kawegqohok ma'a ekyaqtessóxma nak, keñe han ma'a ekyókxoho aqsok ekmako nak kalwa', peya han katnehek eyaqhémo agweta'.

Isaías 26:8

Wesse', negyekpelchémók negko'óxa ektaqmalma nélxega m'a ámay senxekmóssamakxa nak ma'a segánamakxa apagkok. Egmenyeyk chá'a negko'o exchep kaxének egwáxok.

Lamentaciones 3:27

Tásek elenmaxakpohok xama énxet aqsok ekyentaxno yetlo meyke appekhésamap, eyeynmo aptémakxa wokma'ák.

Daniel 1:17

Apméssegkek axta Dios apmopwancha'a tén han apkelya'áseykegkoho aqsok xa cuatro wokma'ák nak, yaqwayam enxoho elya'ásegwók ekyókxoho ektémakxa nak chá'a weykcha'áhak, tén han negmowána nak nélxekmowásamáxche'. Apwanchek axta han ey'asagkohok Daniel ektémakxa m'a ekyókxoho aqsok negwete, tén han negwanmagko.

Oseas 7:9

Apsawhéssegkek apkelyennaqte m'a énxet'ák apkeleñama nak mók nekha, meyke apya'áseyak. ¡Weykmók mey'áseykegko ekmópeya m'a apqátek!

Deuteronomio 8:18

Kéméxcheyk kaxének chá'a kélwáxok ma'a Dios Wesse' kélagkok, hakte cha'a apteme apkelmésso kélwasqapma kéxegke yaqwayam kaxek xa aqsok nak, apkeláneya m'a apxeyenma axta chá'a elanaksek kéxegke, cham'a ekhémo mók nélpaqhetchásamáxkoho apkelánéssama axta nahan ma'a kélyapmeyk nanók axta kéxegke.

1 Samuel 1:28

Ekpagkanchessek eyke ko'o kaxwók ma'a Wesse' egegkok, etnehek sa' apkeláneykha neyseksa apha makham. Tén axta apháxahánto Elí ekwokmoho aptekxekwa'akto nápat xapop, nápaqtók ma'a Wesse' egegkok.

1 Samuel 16:7

Keñe axta aptáha apcháneya Wesse' egegkok se'e: “Ná elano ektémakxa apyempehek, essenhan ektémakxa apwenaqte, hakte mómenyék ko'o xa. Megkatneyk ko'o sélányo ektémakxa nak apkelányo énxet; hakte apyókxa aqsa chá'a elanok pók énxet, keñe ko'o apwáxok aqsa chá'a alano'.”

1 Samuel 2:18

Keñe axta m'a sakcha'a Samuel, apxegkessama aqsa aptamheykha m'a aphakxa nak Wesse' egegkok, yetlo aptaxneykekxa m'a apáwa efod apkeláxñe nak.

1 Samuel 2:26

Apwánegyek axta m'a sakcha'a Samuel, leklamók axta apwáxok aptémakxa m'a Wesse' egegkok, tén han ma'a énxet'ák.