Eclesiastés 11:10 - Biblia Enxet

¹⁰ Étnakhés ma'a élapwagkassama nak apwáxok, nágyoho han kañássesagkohok ma'a nenlegeykegkoho nak, hakte weykmók han ekteme eyaqhémo agwetak ma'a ektaqmalma nak apweynchámeykha apteme nak apketkok.

Eclesiastés 11:10 ပူးပေါင်းရင်းမြစ်များ

Job 11:12

Elya'ásegwók sa' aqsok melya'áseyak nak aqsok ma'a ekhem ekmassa sa' ekteme ekmeymente m'a yámelyeheykok.

Job 13:26

Askohok agko' appeywa segkésso sexéncháseykekxoho sektémakxa; eñassáseykegkók eñama may'assáxma sélane axta sektémakxa wokma'ák.

Job 20:11

Ekyennákxoho apyempehek sa' étnók kañe' takhaxpop, tén han aptáhakxoho apketkok.

Salmos 25:7

nágkaxén apwáxok ma'a sektémakxa may'assáxma, tén han ma'a aqsok ekmaso sélane sektémakxa axta wokma'ák. Wesse', kaxén apwáxok ko'o, eñama m'a segásekhayo ekyawe nak, tén han ma'a ektaqmeleykha nak apwáxok henlano'.

Salmos 39:5

Yaqwátawók ko'o exchep segkésso sekha, yaqwátawók ko'o sekyennaqte nápaqto' xép. ¡Apyókxoho énxet apteme máxa éxchahayam ekmassegweykmohol'a aqsa!

Salmos 39:6

¡Apyókxoho énxet apteme aphémo pessesse ekmallanel'a! Kaqhok exámasagkok aqsok apagkok, hakte mey'asagkehek yaqsa sa' kalmekxak ma'a aqsok nak.

Proverbios 22:15

Aptémakxa apagko' chá'a apketkók ma'a élyeyháxma nak, kamaskok eyke chá'a kélnókásencha'a enxoho yetlo kélyekpexcheteykha.

Eclesiastés 1:14

Ekya'ásegweykmek axta ekyókxoho aqsok élánamáxko nak chá'a keso náxop, ekteme aqsok eyaqhémo agweta', máxa m'a negmáheyól'a agmagkok éxchahayam.

Eclesiastés 12:1

Kaxén apwáxok ma'a aptáha axta exchep Apkelane, keso aptáhakxa nak makham apketkok, mewánxa nak makham ekhem ekyentaxnakxa negha; kammok sa' apyeyam yaqwayam etnehek appeywa s'e: “Mehepeykessáseykekxak ko'o ewáxok ektémakxa sekha.”