Eclesiastés 10:19 - Biblia Enxet

¹⁹ Nento ekteme chá'a ekpeykáseykekxa egwáxok, keñe vino hegátséssesha chá'a egwáxok, cham'a ekha enxoho selyaqye.

Eclesiastés 10:19 ပူးပေါင်းရင်းမြစ်များ

Génesis 43:34

Apkeltamhók axta han kólagkok José m'a apto ekhéyak axta m'a mésa apagkok nak, Benjamín axta aqsa han awanhek kéléyak apto, axta kaxnók ma'a nápakha nak. Apyenchek axta xamók apyá José m'a apkelpepma nak; kelpayhekxeyk axta apkelwáxok.

2 Samuel 13:28

nanók axta han aptáha apkeláneya m'a apkeláneykha nak: “Kóltaqmelchesho sa' kélláneykha Amnón, eyaqha enxoho vino, éltamhók sa' agkok ko'o kólaqhek, kólaqha sa'. Nágkóle aqsa kóltéhek, hakte ko'o séltémo. Kólyennákxoho, nágkóleygwakxa'.”

1 Crónicas 21:24

Apchátegmowágkek axta wesse' apwányam David: —Payhékxók ewáxok, émenyeyk eyke ko'o amok ekyókxoho ekwánxa enxoho ekyánmaga, hakte mamakók eymentamok aqsa xapop apagkok yaqwayam agkések ma'a Wesse' egegkok, keñe han alwatnések aqsok élwatnamáxche', mayánmagkasso nak.

Esdras 1:6

Appasmeyk axta chá'a m'a apyókxoho apheykha nak chá'a ketók apxanák, apkelméságko chá'a m'a sawo' élmope élmomnáwa, tén han sawo' élyátekto élmomnáwa, tén han ma'a aqsok apagkok ekyetnakxa enxoho, tén han apnaqtósso, tén han ma'a aqsok élmomnáwa nak, tén han ma'a ekyókxoho mók ektémakxa nak chá'a aqsok apkelmésso naqsa, ekxeyenma agko' nak chá'a apkelwáxok elmések.

Nehemías 5:8

Axta ektáhak séláneya s'e: “Nélmeykekxeyk negko'o negókxa xamo' judíos negkegwagkexa enxoho chá'a, kélchexakha axta kélméssama m'a pók énxet'ák melya'áseyak nak Dios; keñe kéxegke kélchexeykekxo makham yaqwayam enxoho ólmekxak negko'o makham.” Apkelwanmeyágkek axta eyke aqsa, hakte axta elya'ásegkok yaqwánxa etnehek heyátegmowagkok.

Ester 1:10

Wokmek axta siete ekhem ma'a kélessawássessamo nak, payhékxók agko' axta apwáxok ma'a wesse' apwányam eñama m'a vino, tén axta apkeláphasa m'a énxet'ák kéltamhéyak axta yágkelwán'ák apkeltamheykha axta chá'a m'a aphakxa nak. Siete axta apyókxoho m'a, cham'a Mahumán, Biztá, Harboná, Bigtá, Abagtá, Zetar tén han ma'a Carcás,

Salmos 104:15

nento ekméssamo nak chá'a apyennaqte, tén han vino, ekpeykáseykekxoho nak chá'a apwáxok, eyátsessáseykhal'a chá'a nápat, ektémól'a pexmok égmenek.

Salmos 112:9

Emlaskok chá'a eyeyméxchexa aqsok ma'a meyke nak aqsok apagkok, megkamassegwomek sa' chá'a aptémakxa memasma aqsok apagkok, tásek sa' chá'a katnehek apxénamap.

Eclesiastés 2:3

Ektaqmelchessamók axta sekmeykha negya'áseyak aqsok sekyama vino, yaqwayam hegkések ekpayheykekxa ewáxok, keñe axta sekmeyásexkoho m'a yaqwayam enxoho ay'asagkoho', kexa ektaqmela etnehek énxet xa, neyseksa apha ekyaqwate keso náxop.

Eclesiastés 9:7

¡Kapayhekxa apwáxok eñama m'a apto nak; kapayhekxa apwáxok eñama m'a apyá nak vino, hakte leklamók apwáxok Dios ma'a aqsok apkelane nak xép!

Isaías 23:18

Keñe sa' ma'a ekwete nak ekyánmaga élyánmagkásamáxche kólpagkanchesek ma'a Wesse' egegkok; megkólaqxegkesek sa' kañe', megkóltaqmelchesek sa' nahan. Sa' kólmésagkok chá'a m'a apkeltemessáseykha nak chá'a Wesse' egegkok, yaqwayam sa' etegyagkok chá'a ekxámokma m'a aptéyak tén han ma'a apkelántaxno apkeltaqmalma nak.

Isaías 24:11

Apkelpáxamáha ekyennaqte énxet'ák ámay awáxok aptegyágko eykhe vino; massegwokmek ekyókxoho m'a ektémakxa axta chá'a élpayheykekxa apkelwáxok, kélmasséssek kañe' apchókxa m'a ekpayheykekxa egwáxok nak.

Jueces 14:10

Apmahágkek axta Sansón apyáp ma'a ekhakxa kelán'a étkok; tén axta Sansón apkelana xama ektámáxche ekyawe m'a, apkeltémakxa axta chá'a m'a apketkók nak.

Jueces 9:13

Keñe axta megkalyaheykekxo m'a anmen yámet, hakte xeyenmeyk axta awáxok ektáha enxoho wesse' apwányam agkok ma'a yámet élaqnéyak nak yókxexma, kamaskok kaxek vino, ekpeykessáseykekxoho nak chá'a apwáxok énxet tén han Dios.

1 Samuel 25:36

Xama axta ekwákxo makham Abigail ma'a aphakxa nak Nabal, wetágweykxeyk axta apkelana ektámáxche ekyawe m'a apxagkok nak, apkeláneyo nak chá'a wesse' apwányam. Payhékxók agko' axta apwáxok, chaqhawók agko' axta anmen. Axta keñamak megkaltennásencha'a ekweykmoho mók ekhem.