Eclesiastés 10:15 - Biblia Enxet

¹⁵ Aptamheykha apchaqhamap chá'a kaqhek apyempehek ma'a énxet ekyeyháxma nak, mey'asagkehek chá'a m'a ámay ekmahéyak nak tegma apwányam.

Eclesiastés 10:15 ပူးပေါင်းရင်းမြစ်များ

Salmos 107:4

Apkelweynchámeykha axta aqsa melya'áseyak ma'a yókxexma meykexa nak énxet, ekyentaxnamakxa nak yagkamex, meyke apkelwetágwayam ámay ekmahéyak tegma apwányam yaqweykenxa exmakha;

Salmos 107:7

Tén axta apkelya'ásekxo ektaqmelakxa ámay ekmahéyak ma'a xama tegma apwányam yaqwánxa exmakha.

Eclesiastés 10:10

Méko agkok ahamtek póte, tén han megkólmaxneyeykha nak chá'a, kólwasqáphok chá'a kólmaha. Tásek anlának aqsok ektaqmela yetlo negya'áseykegkoho.

Eclesiastés 10:14

¡Énxet ekyeyháxma nak, xámok chá'a katnehek appeywa! ¿Yaqsa awanchek kaxének ma'a yaqwánxa nak katnehek? Méko ekya'ásegkoho m'a egmonye' nak.

Eclesiastés 10:16

¡Apchókxa sa' laye, apteme nak wesse' apwányam apagkok sakcha'a, elessaksohok chá'a apkelánegkaxa ektámáxche ekyawe ma'a kelwesse'e apagkok nak!

Eclesiastés 10:3

Énxet ekyeyháxma nak, exekmóshok chá'a ektáhakxa mékoho m'a élchetamso nak apwáxok elána', elxénmakha eyke chá'a ektáha élyeyháxma m'a pók énxet'ák nak.

Isaías 55:2

¿Yaqsa ektéma kélyánmagkassama nak chá'a selyaqye m'a megkatnaha nak chá'a kélto? ¿Yaqsa ektéma kélméssama nak chá'a kélxawe ekyánmaga kéltamheykha m'a aqsok mehegyaqkánegkesso nak chá'a? Kóltaqmelchesho kélháxenmo sekpeywa keñe sa' kóltawagkok ma'a nento éltaqmalma nak, kóltawagkok sa' ma'a aqsok élmátsa nak.

Isaías 57:1

Apkeletsekkek agkok ma'a énxet meyke nak apkeltémakxa méko keytnakhaksohok awáxok; apmassegwokmek agkok nahan ma'a énxet éltaqmalma nak apkeltémakxa, méko kay'asagkohok apkeletsapa apkelmallana m'a aqsok ekmaso

Habacuc 2:6

Elesmaksek sa' eyke apyókxoho pók aptémakxa énxet'ák apkelmomap nak ma'a ektáha nak apkelma, sa' etnehek elmeneykmaksek se'e: “¡Kéxegke la'aye, ekhésso nak aqsok kélagkok ma'a megkatnaha nak aqsok kélagkok! ¿Háxko sa' ekwánxa katnehek apcháncheseykekxa aqsok ekxámokma, apkelma nak kélmassáseykha?”