Eclesiastés 10:14 - Biblia Enxet

¹⁴ ¡Énxet ekyeyháxma nak, xámok chá'a katnehek appeywa! ¿Yaqsa awanchek kaxének ma'a yaqwánxa nak katnehek? Méko ekya'ásegkoho m'a egmonye' nak.

Eclesiastés 10:14 ပူးပေါင်းရင်းမြစ်များ

Job 34:37

Háwe wánxa apteme mey'assáxma m'a Job, apkenmexeykekxeyk han ma'a Dios; negaqta'awók han negko'o apwanyémók ma'a Dios tén han apkelátegmómakpo.”

Job 35:16

¡Job, apxeyenmeyk eyke aqsa exchep aqsok mékoho, appaqméteykha aqsa chá'a exchep meyke apya'áseyak!

Proverbios 10:19

Énxet ekxákma nak appeywa, xámok chá'a katnehek megyaqhémo appeywa; apya'áseykegkoho aqsok akke m'a apwanmeyeykha nak aqsa chá'a.

Proverbios 15:2

Negya'áseykegkoho aqsok chá'a katyapok apkelpeywa m'a énxet'ák apkelya'áseykegkoho nak chá'a aqsok; keñe m'a énxet élyeyháxma nak, amya'a élyeyháxma aqsa chá'a elxénagkok.

Eclesiastés 10:15

Aptamheykha apchaqhamap chá'a kaqhek apyempehek ma'a énxet ekyeyháxma nak, mey'asagkehek chá'a m'a ámay ekmahéyak nak tegma apwányam.

Eclesiastés 3:22

Ekya'ásegweykmek ko'o énxet ektaqmela agko' kapeykessásekxak apwáxok ma'a aptamheykha nak aptekkesso, hakte cháxa aqsok ektáha ekpehewayam xa, méko keyntementák yaqwayam elanok ektáhakxa m'a natámen apketsapma.

Eclesiastés 5:3

hakte xámok agkok élchetamso apwáxok, katsagkassesek apwanmagko, apxámáseykxeyk agkok han appeywa, exénwók ma'a megkapayhawo nak chá'a antéhek.

Eclesiastés 6:12

Méko awanchek kaltennaksek yaqwánxa etnehek énxet neyseksa apha ekyaqwate keso náxop, cháxa apha nak, ektáha han aqsok mékoho. Máxa pessesse ekmanyehel'a chá'a kayeykhak katnehek ma'a apweynchámeykha nak. ¿Yaqsa awanchek kaltennásekxohok yaqwánxa katnehek keso náxop, cham'a natámen apketsapma?

Eclesiastés 7:14

Tásek agkok apha, kapayhekxa apwáxok xa neyseksa nak ektaqmalma apha; asagkek agkok han apha, kaxén apwáxok ektáha éleñama Dios xa ánet aqsok nak, mey'asagkehek eyke chá'a énxet yaqwánxa katnehek ma'a egmonye' nak.

Eclesiastés 8:7

mey'áseyak nak yaqwánxa enxoho chá'a katnehek, méko nahan awanchek kaltennaksek.

Eclesiastés 9:1

Ekmeyásamáxkók ahagko' axta ko'o s'e ekyókxoho aqsok nak, wánxa axta aqsa ko'o sekweteykekxo Dios ektáha chá'a appékessáseyak aptamheykha énxet ektaqmalma nak aptémakxa, tén han ma'a énxet apya'áseykegkoho nak aqsok. Méko enxama apya'ásegkoho m'a ektémakxa nak negásekhayo, tén han ma'a nentaqnagkamakxa nak, étak eykhe chá'a ektémakxa.

Ezequiel 35:13

Paqmetchek axta exche' sewañencha'a, kayhek axta ekpeywa sexéneyncha'a ko'o. Ekleg'ak axta nahan ko'o.