Eclesiastés 1:13 - Biblia Enxet

¹³ ekmáheyók ahagko' axta ategyaha amya'a, tén han altámesaxchek yetlo sekya'áseykegkoho m'a ekyókxoho aqsok élánamáxko nak chá'a keso náxop. ¡Yentexe nak la'a Dios apmésso apkeltamheykha énxet'ák, yaqwayam enxoho elyaqhakkassessamhok chá'a apkelwáxok!

Eclesiastés 1:13 ပူးပေါင်းရင်းမြစ်များ

Génesis 3:19

Katyapok sa' chá'a apyemes ekpayhakxa nápat étak apto, ekwokmoho aptamhákxo makham xapop, apkeñamakxa axta apkelánamap, hakte xapop xeyep, xapop sa' han etnekxa'.

Job 28:3

Yápogwatchesek chá'a énxet ma'a ekyáqtéssamakxa nak exma: elántexek chá'a m'a kañók agko' nak, keñe etegyagkok chá'a meteymog ma'a ekyáqtésakxa nak exma.

Salmos 111:2

Élyawa agko' ma'a aqsok apkelane nak Wesse' egegkok, eltamhok chá'a elya'ásegwók ma'a apkelmopmenyého nak chá'a.

Proverbios 18:1

Apxakkók aqsa chá'a eltamhok etnehek ma'a apkelmeyókásamákpoho nak chá'a aqsok, elwok chá'a m'a kélpaqhetchesa enxoho.

Proverbios 18:15

Elwetak chá'a apkelya'ásegwayam aqsok aptegyágko enxoho m'a énxet apkelya'áseykegkoho nak aqsok, tén han ma'a apmopwancha'a nak aqsok.

Proverbios 23:26

Hatte, etaqmelchesho chá'a apháxenmo ekyókxoho sektáhakxa enxoho chá'a sekpeywa ko'o, kalkoho apwáxok se'e sektémakxa nak ko'o;

Proverbios 25:2

Nélteméssesso apcheymákpoho Dios eñama appóssamo chá'a xama aqsok, keñe nenteme negáyo apkelwesse'e apkelwányam eñama segya'assásegwayam chá'a m'a aqsok élpowásamáxkoho nak.

Proverbios 4:7

Elmeyókasho chá'a amonye' emok ma'a negya'áseykegkoho aqsok, tén han negyekpelchémo.

Eclesiastés 11:5

Ekhawo ektémakxa nak mey'áseyak ekmahágkaxa éxchahayam, mey'ásegkok nahan ektémakxa élánamáxche sakcha'a m'a kañe' nak egken awáxok, mey'ásegkok nahan ma'a aqsok apkelane nak Dios, cham'a apkelane nak ekyókxoho aqsok.

Eclesiastés 12:12

Énxet éltámeye nak chá'a xa aqsok nak, xámók chá'a katnehek aqsok eyésso. Weykcha'áhak nenlane ekteme megkasawhomáxche', néltámesáxcheyk agkok han chá'a ekwenaqte, hegyampaksohok chá'a.

Eclesiastés 2:23

Eñegkohok chá'a neyseksa apha keso náxop, kalya'aksek chá'a exma; weykmok han axta'a megkamassegwayam élchetamso apwáxok. ¡Cháxa ektáha han aqsok eyaqhémo agwetak xa!

Eclesiastés 2:26

Naqsók Dios aptáha apmésso apya'áseyak aqsok énxet, tén han ma'a apyekpelchémo nak aqsok, tén han ekpayheykekxa nak egwáxok, cham'a apchásekhókxa enxoho chá'a, keñe eyke m'a énxet apkelane nak mey'assáxma, yohok sekxók chá'a etnehek wesse', eñama m'a apwasqápeykekxoho nak aptamheykha, tén han yánchásekxak aqsok éltaqmalma élmomnáwa nak, keñe natámen elmések chá'a pók énxet, cham'a apchásekhókxa enxoho chá'a. ¡Cháxa ektáha han aqsok eyaqhémo agwetak xa, máxa negmáheyól'a agmagkok éxchahayam!

Eclesiastés 3:10

Ekyekpelchágweykmek ko'o Dios yentexek apteméssessamakxa énxet, yaqwayam enxoho elyaqhakkassessamhok chá'a apkelwáxok.

Eclesiastés 3:11

Dios axta apkelane amonye' aqsok éltaqmela, appekkenchessegkek axta han apwáxok énxet néltémo nak agya'asagkohok yaqwánxa katnehek egmonye' tén han nentámen meyke néxa, neyseksa mey'áseyak eykhe m'a ekyókxoho aqsok ekyawe apkelane nak Dios, tén han ma'a apmáheyo nak chá'a elána'.

Eclesiastés 4:4

Ekwet'ak axta han ekxámokma nak kéltamheykha, tén han ektaqmalma nak ekteyapma élánamáxche aqsok, wánxa aqsa katekkessesek chá'a m'a apnathe nak pók énxet, cháxa ektáha han aqsok eyaqhémo agwetak xa, máxa m'a negmáheyól'a agmagkok éxchahayam.

Eclesiastés 4:8

énxet apxakko' nak, meyke nak apteme pók, tén han apketchek, tén han apkelyáxeg, meyke nak apkellókasseyam apyampé yaqwatakxoho, megkaleklágwayam nak elanok aqsok apagkok ekxámokma, meyke nak ektemegwayam élchetamso apwáxok se'e: “¿Yaqsa kexaha ektéma sektamheykencha'a nak ekyentaxno? ¿Yaqsa kexaha ektéma sektaqnagkama m'a ektaqmalma nak negha?” Hakte cháxa ektáha han aqsok eyaqhémo agwetak xa, tén han ektáha xama aqsok segyentaxnéssessamo negha.

Eclesiastés 7:25

Ekwasqápeykekxók axta séltémo atnehek ekha sekyekpelchémo, tén han altámesaxchek ektémakxa aqsok, tén han aktamok ma'a éleñémeykxa nak. Ekyekpelchágweykmek axta ko'o ektáha ekmaso antéhek segyeyháxma, tén han antéhek magya'áseyak exma.

Eclesiastés 8:9

Cháxa sekwetaya axta chá'a ko'o xa, sekméssamo ahagko' axta ewáxok séltémo ay'ásegwomhok ektémakxa nak élánamáxche aqsok keso náxop, tén han ma'a ektémakxa nak chá'a énxet, yetneyk apmopwána yaqwayam chá'a etnéssessamhok exma ekmaso pók.