Deuteronomio 9:23 - Biblia Enxet

²³ Xama axta apkeltémo kólántépok Wesse' egegkok ma'a yókxexma Cadés-barnea yaqwayam kólmok ma'a apchókxa apméssamakxa axta, kélenmexeykekxeyk axta eyke nahan ma'a apkeltémókxa axta chá'a kóltéhek, kélya'ásseykmek axta nahan, axta nahan kólyeheykekxohok chá'a,

Deuteronomio 9:23 ပူးပေါင်းရင်းမြစ်များ

Salmos 78:22

Hakte axta eláyók ma'a Dios, apkelya'ásseykmek axta apmopwána epasmok.

Isaías 63:10

Apkenmexeykekxeyk axta eyke Wesse' egegkok xa énxet'ák nak, apkelapwagkassegkek axta m'a espíritu aptaqmalma apagkok; axta keñamak aptamheykekxo apkelenmexma m'a énxet'ák nak, apkempakhayak axta nahan.

Números 13:1

Appaqhetchessek axta Wesse' egegkok Moisés. Aptáhak axta apcháneya s'e:

Números 14:1

Apcheynawók axta apkelwehéseyncha'a israelitas, apkelmallánekxeyk axta apkellekxagweykha xa axta'a nak.

Números 14:2

Apyókxoho axta apxénáha ekmaso m'a Moisés tén han ma'a Aarón. Axta aptáhak apkelpaqméteyncha'a s'e: “¡Agmaskoho anna axtal'a m'a Egipto, essenhan se'e yókxexma meykexa nak énxet!

Números 14:9

Nágkólenmexekxa aqsa Wesse' egegkok, nágkóle' nahan ma'a énxet'ák apheykha nak ma'a apchókxa nak, hakte mehenxohók sa' negko'o m'a; méko élmasma m'a, kaxnók negko'o apheyk negyeseksa m'a Wesse' egegkok. ¡Nágkóle!

Deuteronomio 1:2

Once ekhem axta kammok nenxega náxop agwomok ma'a Cadés-barnea, néñama m'a egkexe Horeb agyetlók ma'a ámay ekmahéyak axta m'a egkexe Seír.

Deuteronomio 32:20

tén axta aptáha s'e: ‘Malanók sa' ko'o kaxwók xa, ¡alanagkohok sa' háxko sa' kexa katnehek! Naqsók aptamhéyak énxet élmasagcha'a apkeltémakxa xa, énxet'ák magmowána nak anteméssesek naqsók apkeltémakxa.