Deuteronomio 8:5 - Biblia Enxet

⁵ Kólya'asagkoho sa' apteméssessama chá'a Dios Wesse' kélagkok appékessáseykegko m'a aptémakxal'a xama apyáp epékessesagkok ma'a apketche.

Deuteronomio 8:5 ပူးပေါင်းရင်းမြစ်များ

2 Samuel 7:14

Ko'o sa' hetnehek apyáp ma'a, keñe sa' ko'o atnehek hatte. Apkelanak sa' agkok aqsok ekmaso, tén sa' ko'o añássesagkoho', alyekpexchetmakha sa' chá'a aptémól'a apyókxoho apyáp elának ma'a apketche,

Salmos 89:32

allegássesagkohok sa' eñama sénmexeykekxa, tén han apkeltémakxa ekmaso, yetlo séltekpogéyak yámet;

Salmos 94:12

Oh Wesse', apkeleñémo énxet apkelxekmósso nak chá'a exchep, tén han apmésso nak chá'a nélxekmowásamáxche apagkok,

Proverbios 13:24

Megyásekhe apketche énxet ma'a menókaseykha nak chá'a aptáhakxa; apchásekhayo apketche énxet ma'a apnókáseykha nak chá'a aptáhakxa.

Proverbios 3:11

Hatte, ná etaqheksoho m'a ektémakxa nak Wesse' egegkok appékessáseyak, ná enathoho han ma'a appaqhetchesa enxoho;

Proverbios 3:12

hakte eñássesagkohok chá'a Wesse' egegkok ma'a énxet ektáha nak apchásekhayókxa, aptémól'a xama énxet eñássesagkohok apketche apchásekhayókxa nak.

Eclesiastés 7:14

Tásek agkok apha, kapayhekxa apwáxok xa neyseksa nak ektaqmalma apha; asagkek agkok han apha, kaxén apwáxok ektáha éleñama Dios xa ánet aqsok nak, mey'asagkehek eyke chá'a énxet yaqwánxa katnehek ma'a egmonye' nak.

Isaías 1:3

Keykpelkohok ótep ma'a weyke, kay'asagkohok nahan aphaxta apagkok ótep ma'a yámelyeheykok, keñe m'a Israel, énxet'ák ahagkok ahagko' nak melyekpelchehe', méko nahan apkelya'áseyak.”

Ezequiel 12:3

Elánekxa sa' eyeyméxchexa aqsok apagkok yaqwayam sa' etyapok emhagkok ma'a megkatnahakxa nak apchókxa, etyep sa' apxagkok ekhakxoho ekhem, nápaqta'awók ma'a apyókxoho énxet'ák; lapmaxcheyk sa' elya'ásegwók aptamhéyak énxet'ák élyennaqte apkelwáxok ma'a.

Ezequiel 18:28

Apya'ásegwokmek sa' agkok ma'a aptémakxa, apyenyékxo enxoho ekyókxoho m'a aqsok ekmaso axta apkelane, megyetsepek sa', eweynchamha sa' chá'a.

Deuteronomio 1:31

tén han ma'a yókxexma meykexa nak énxet. Dios Wesse' kélagkok axta chá'a apkelmeykegkok kélmék neyseksa kélxega yókxoho ámay, cham'a kélweynchámeykencha'a axta ekwokmoho kélwa'a s'e yókxexma nak, axta apteméssessók ma'a aptémól'a emha apmek apketche énxet.’

Deuteronomio 4:23

Eyke, kóllanagkoho sa' kéltáhakxa yaqwayam megkalwagqamagkehek ma'a ekhémo mók nélpaqhetchásamáxkoho apkelánésso axta kéxegke m'a Dios Wesse' kélagkok. Nágkóllána xama enxoho kélpeykessamo kéleykmássesso tén han kélheyáseykegkoho nak ektémakxa ekyókxa xama aqsok, cham'a apmasma nak cha'a kóllának ma'a Dios Wesse' kélagkok,

Deuteronomio 4:36

Apkelpaqhetchessegkek axta nahan kéxegke m'a néten nak yaqwayam enxoho elánekxések chá'a kélxega, keñe so náxop nak apxekmóssama chá'a táxa ekwányam apagkok, kóllegak axta nahan chá'a appeywa m'a neyseksa táxa eyáléwe nak.

Deuteronomio 4:9

Nágkalwagqamák chá'a m'a aqsok kélwete nak, nágkólyensem chá'a xama enxoho ekxéneykha kélwáxok; kóltennasha chá'a m'a kélketchek tén han ma'a kéltawán'ák.

Deuteronomio 8:6

Kóllána chá'a m'a apkeltémókxa nak chá'a kóltéhek ma'a Dios Wesse' kélagkok, kólteme chá'a kéláyo, kólyetlow chá'a m'a nélxekmowásamáxche apmésso axta kéxegke.