Deuteronomio 7:3 - Biblia Enxet

³ Megkeyméxchek nahan kéxegke kóltamhagkok kélnaqteyegka'a m'a kelwán'ák nak, megkeymexchek nahan kólmésagkok kélketchek apkelennay'a tén han kelwán'ák nak kéxegke yaqwayam etnahagkok apnaqteyegka'a tén han anaqteyegka'a apketchek nak ma'a énxet'ák nak,

Deuteronomio 7:3 ပူးပေါင်းရင်းမြစ်များ

Génesis 24:3

Etnésses sa' naqsók agko' Wesse' egegkok, Dios nak néten tén han keso náxop, megyohok ko'o hatte Isaac emok xama kelán'a eñama nak se'e Canaán, sekhakxa nak ko'o,

1 Reyes 11:2

cham'a mók kelán'ák éleñama nak mók apkelókxa meltémo axta Wesse' egegkok elmagkok etnahagkok apnaqteyegka'a m'a israelitas, hakte apcheyssegkek axta kamok apkelwáxok ma'a aqsok éláyókxa nak. Apkelmomchek axta eyke m'a Salomón aptamheykegko apnaqteyegka'a, hakte apmenyeyk axta.

1 Reyes 16:31

axta yeyék apkeláneya m'a ektémakxa axta apkeláneya mey'assáxma m'a Jeroboam, Nabat axta apketche. Weykmok axta han apma aptéma aptáwa' m'a Jezabel, Et-baal axta apketche, wesse' apwányam axta m'a Sidón, tén axta apkelpeykessamo m'a Baal,

Esdras 10:3

Óltennaksek sa' Dios ólántekkesek ekyókxoho m'a kelán'ák yetlo étchek, megkatnaha nak nempeywomo xamo', keñe sa' kalanaxchek ma'a segánamakxa, sẽltennassama nak chá'a exchep, tén han ma'a apkelyeheykekxoho nak chá'a Wesse' egegkok segánamakxa apagkok.

Esdras 9:12

Ẽltennassegkek axta han apkeltémo mólmésagkehek egketchek kelwán'ák ma'a apketchek apkelennay'a nak ma'a, tén han móghók kalmagkok apketchek kelwán'ák nak ma'a egketchek nak negko'o apkelennay'a, apkeltémók axta han mantegyesha meyke ektáhakxa apheykha xa énxet'ák nak, tén han magwetaksek ektaqmalma aqsok apkeláneyak, yaqwayam enxoho ólyennák negko'o, tén han ólmaha aqsok éltaqmela ekhéyak nak apchókxa, tén han ampekkenchásekxak natámen ma'a entawán'ák nentámen yaqwayam etnehek apagkok meyke néxa.

Nehemías 10:30

cháxa keñamak peya nak mólmésagkehek egketchek kelwán'ák yaqwayam etnahagkok apnaqteyegka'a énxet'ák apheykha nak se'e apchókxa nak, móghók sa' nahan negko'o kalmagkok apketchek kelwán'ák nak ma'a egketchek apkelennay'a nak.

Jueces 14:3

Keñe axta chána ektáha eyáneya s'e: —¿Yaqsa ektáha apmako nak etegyágwók aptáwa' nepyeseksa m'a filisteos melya'áseyak nak Dios? ¿Mékoya kelán'a negyeseksa negko'o néleñémeyo xamo', essenhan nepyeseksa apyókxoho nak ma'a israelitas? Aptáhak axta Sansón apchátegmowágko: —Wánxa eyke ko'o ekleklamo ewáxok ma'a kelán'a étkok nak, cháxa séltamho nak ko'o hélmések yaqwayam atnehek etáwa'.