Deuteronomio 7:19 - Biblia Enxet

¹⁹ kalchetam sa' kélwáxok ma'a aqsok ekyawe ekteyapma axta, kélweteykegkoho axta chá'a kéxegke, tén han ma'a aqsok magkenatchesso nak agweta' tén han ma'a sempelakkasso nak agweta' tén han apmeykencha'a axta ekyawe agko' apmopwána Dios Wesse' kélagkok apkelántekkessama m'a Egipto. Sa' etnéssesek nahan Wesse' egegkok apyókxoho m'a énxet'ák kéláya nak kéxegke.

Deuteronomio 7:19 ပူးပေါင်းရင်းမြစ်များ

Salmos 136:12

apmeykencha'a axta ekyawe agko' apmopwána, hakte megkamassegwomek chá'a segásekhayo.

Salmos 44:4

¡Wesse' Apwányam ahagkok! ¡Dios ahagkok! Xép axta apkelmallahanchesso énxet'ák apagkok;

Salmos 77:12

kaxének sa' ewáxok ma'a ekyókxoho aqsok apkelane axta.

Éxodo 6:6

Cháxa keñamak séltamho nak ko'o exog eltennaksek israelitas sekmako almallahanchesek ko'o ektémakxa nak kélásenneykha naqsa tén han ektémakxa nak ekyentaxno apkeltamheykha apmésso chá'a m'a egipcios, ko'o sektáha nak Wesse' kélagkok. Axekmósek sa' ko'o sekmowána. Alwagkasek sa' nahan teyp ekyetlómo sélane ekwányam agko' sellegassáseykegkoho ekwokmoho sélántekkesa.

Deuteronomio 29:3

kéxegke kélteme kélweteykegkoho m'a aqsok ekyawe ekteyapma axta m'a, tén han ma'a magkenatchesso nak agweta' tén han ma'a aqsok sempelakkasso nak agweta'.

Deuteronomio 3:21

“Ekméssegkek axta nahan ko'o Josué s'e sekpeywa nak: ‘Apaqta'ák apagkók axta exchep apweteyk ekyókxoho apteméssessamakxa axta Dios Wesse' apagkok ma'a apqánet kelwesse'e apkelwányam axta; sa' etnéssesek nahan ma'a ekyókxoho apkelókxa yaqwánxa sa' chá'a eyeykhágwók xép.

Deuteronomio 4:34

¿Yetnéya xama aqsok kéláyókxa élyéseykha énxet'ák nepyeseksa m'a pók aptémakxa nak énxet, ekyetlómo élane m'a ekxámokma aqsok, tén han ma'a magkenatchesso nak agweta', tén han ma'a sempelakkasso nak agweta' tén han ma'a kempakhakma, yetlo ekmeykha ekyawe ekmowána tén han ma'a ekmowána nak hegyegwakkasek, ekhawo apkeláneya axta kélnápaqta'awók kéxegke Dios Wesse' kélagkok ma'a yókxexma Egipto, eñama apkelmasma kéxegke?

Josué 10:25

keñe axta aptáha apkeláneya Josué s'e: “Nágkóle aqsa, nágkólyelqaxche han; kólwasqápekxoho aqsa tén han kólyennákxoho, hakte sa' kaxhok han apteméssesakxa Wesse' egegkok ma'a apyókxoho katnaha nak kélnámakkok kéxegke.”

Josué 24:17

Hakte Wesse' egegkok axta sẽlántekkesso negko'o m'a Egipto, ekweykekxoho m'a ẽlyapmeyk nanók axta, nentémakxa axta sẽlásenneykha naqsa. Axta apkelane aqsok sempelakkasso nak agwetak ekxámokma negaqta'awók negko'o, axta sẽlmasma m'a, tén han sẽltaqmelchesso neyseksa nélxega ámay nélyeykhaya axta neyseksa ekxámokma m'a apheykegkaxa nak énxet'ák.

Josué 3:10

Kólya'asagkohok sa' kéxegke apha kélnepyeseksa m'a Dios memassegwayam nak, peyk sa' agkok kólwomok kéxegke m'a yókxexma nak, Dios sa' emenxenchesek ma'a cananeos, tén han hititas, keñe han ma'a heveos, tén han ma'a ferezeos, tén han gergeseos, keñe han amorreos, tén han ma'a jebuseos.