Deuteronomio 6:9 - Biblia Enxet

⁹ kólnaqtáxésák sa' nahan ma'a yámet élámha nak tén han ma'a apatña'ák nak ma'a kélxanák.

Deuteronomio 6:9 ပူးပေါင်းရင်းမြစ်များ

Éxodo 12:7

Kólmok sa' nahan éma agkok ma'a aqsok kéltósso nak, tén sa' kóltexneygkok ma'a ekyókxoho atña'ák kélagkok néten tén han ma'a nekhaw'ék nak, cham'a kéltókagkaxa enxoho m'a aqsok kéltósso ápetek.

Isaías 30:8

Exegma kaxwo', etaxés sa' xama meteymog ekpayhe, epekken sa' apnaqtáxésso yaqwayam sa' keytek aqsa m'a, élhaxanma m'a egmonye' sa', yaqwayam katnehek ekxénweykekxoho chá'a kélwáxok meyke néxa.

Isaías 57:8

Kélnegkeneykegkek teyp átog kélagkok ma'a kéleykmássesso kélagkok élmasagcha'a nak. Massegkek ekxeyenma kélwáxok ko'o, kélhaxyawáseykegkek kélnaqta, kélheykegkek ma'a kélyetnamakxa néten ekyawe nak; kélpaqhetchásamáxkók chá'a m'a kélmáheyo nak chá'a kólpathetagkok, kóllanok chá'a m'a aqsok kéláyókxa nak.

Habacuc 2:2

Aptáhak axta seyátegmowágko Wesse' egegkok se'e: “Etaxés sa' yelpa' ekpayhe m'a peya nak axekmósek xép, yaqwayam sa' kataqmelek chá'a élyetsátamáxche'.

Deuteronomio 11:18

“Kólpekken kélwáxok se'e amya'a nak tén han ma'a élchetámeykegkaxa nak chá'a kélwáxok; kólnaqtehet sa' chá'a kélmék yaqwayam sa' katnehek chá'a ekxénchesseykekxoho kélwáxok. Kólmakhésha sa' nahan chá'a m'a ekpayhakxa kélnát.

Deuteronomio 11:20

Kólnaqtáxésák sa' ma'a yámet élámha kélagkok nak tén han ma'a apatña'ák nak kélxanák,