Deuteronomio 6:7 - Biblia Enxet

⁷ nágkólwatéssem kélxekmowáséyak ma'a kélketchek; kóltennasha chá'a xa amya'a nak, cham'a kélhakxa enxoho chá'a kélxagkok tén han ma'a ámay kélmahágkaxa enxoho chá'a, tén han ma'a kélyetna enxoho chá'a, tén han ma'a kélxatakha'a enxoho chá'a.

Deuteronomio 6:7 ပူးပေါင်းရင်းမြစ်များ

Génesis 18:19

Élyesáha ko'o yaqwayam yának elyahakxohok nélxekmowasamáxche ahagkok ma'a apketchek, tén han aptawán'ák neptámen, tén han elanagkok ekyókxoho m'a aqsok ektaqmalma nak, tén han ma'a ekpéwomo nak, yaqwayam sa' ko'o alának ekyókxoho m'a séltennassama nak alanaksek.”

Job 8:10

Apwanchek eyke exchep eltennasha m'a nanók énxet'ák nak, tén han elxekmósek ekxámokma agko' aqsok.

Salmos 119:13

Axének sa' chá'a ko'o ekyókxoho m'a apchánamakxa nak antéhek, apxeyenma nak chá'a exchep.

Salmos 119:46

Axének sa' chá'a ko'o apchánamakxa antéhek nápaqta'awók kelwesse'e apkelwányam, mamegqayhek sa' chá'a.

Salmos 129:8

pa'at metne nak chá'a exének ektáha nak chá'a apyeykhágwayam se'e: “¡Appasmomchek kéxegke Wesse' egegkok!” Néltamhók negko'o epasmok kéxegke Dios, yetlo nenxeyenma Wesse' egegkok apwesey.

Salmos 37:30

Yetlo apkelya'áseyak chá'a elpaqmétek ma'a énxet'ák éltaqmalma nak apkeltémakxa; yetlo ekmámnaqso' han chá'a etnehek apkelpeywa m'a.

Salmos 71:17

Dios ahagkok, xép axta sélxekmósso eyeynamo m'a sektémakxa axta étkok, makhemek eyke makham ko'o sekxeyenma m'a aqsok élyawe apkelane nak.

Proverbios 10:21

Apxámok etnehek énxet ekpasmo appeywa m'a énxet appéwomo nak, keñe m'a énxet ekyeyháxma nak, yetsapok aqsa chá'a eñama apteme ekyeyháxma.

Proverbios 15:2

Negya'áseykegkoho aqsok chá'a katyapok apkelpeywa m'a énxet'ák apkelya'áseykegkoho nak chá'a aqsok; keñe m'a énxet élyeyháxma nak, amya'a élyeyháxma aqsa chá'a elxénagkok.

Proverbios 15:7

Yexpánchesha chá'a negya'áseyak aqsok ma'a énxet apya'áseykegkoho nak aqsok; keñe metnehek ma'a énxet élyeyháxma nak.

Proverbios 6:22

kapékessesagkok sa' chá'a apxega enxoho, kataqmelchesek sa' nahan chá'a aptena enxoho, kapaqhetchesha sa' han chá'a m'a apxatakha'a enxoho.

Isaías 38:19

Wánxa eyke apwanchek elpeykeshok xép ma'a énxet'ák apkelyenná nak makham, ekhawo nak sektáhakxa ko'o s'e ekhem nak. Eltennasha chá'a apketchek apyapmeyk ma'a ektémakxa nak xép mehegyenyaweykha.

Malaquías 3:16

(Keñe axta apkelpaqhetchásekpoho m'a apkeláyo nak chá'a Dios, aptaqmelchásawók axta nahan apháxenmo Wesse' egegkok ma'a aqsok apkelxeyenma. Táxésáxcheyk axta nahan weykcha'áhak nápaqtók Wesse' egegkok, yaqwayam enxoho kaxénwakxohok chá'a kélwáxok ma'a énxet'ák apcháyo nak chá'a Wesse' egegkok, tén han melwagqayam nak chá'a.)

Deuteronomio 11:19

Kólxekmósak chá'a kélketchek, kéltennáseyncha'a enxoho chá'a m'a kélxanák nak tén han ma'a ámay kélmahágkaxa enxoho chá'a, essenhan ma'a kélhágko enxoho chá'a tén han ma'a kélnaqxétekhágko enxoho chá'a.

Deuteronomio 6:2

Sa' kañék kéláyo chá'a kéxegke Dios Wesse' kélagkok xa, tén han kóllának chá'a segánamakxa, tén han apkeltémókxa nak chá'a antéhek neyseksók kélheykha makham, sekmésso axta ko'o kéxegke tén han ma'a kélketchek nak tén han ma'a kéltawán'ák nak; keñe sa' ahóxek agko' katnehek kélheykha.

Rut 2:12

¡Dios sa' egkések ekyánmaga aqsok élane! ¡Sa' egkések ekyánmaga ekyókxoho aqsok élane m'a Israel Dios Wesse' apagkok nak, cham'a ekya'aweykxo axta ektegyeyncha'a ekpasmo!

Rut 2:4

Apwákxeyk axta anhan Booz apkeñama m'a Belén, apkelpeykeságkek axta m'a apkelyaqténma nak hótáhap apaktek, aptáhak axta s'e: —¡Wesse' egegkok sa' etnehek apkelxegexma'a kéxegke! —¡Wesse' egegkok sa' epasmok xép xa! —axta aptáhak apkelátegmowágkokxo.

Rut 4:11

Aptáhak axta apkelátegmowágko apyókxoho énxet'ák ekha kéláyo s'e, tén han ma'a ektáha axta apkelwayam ma'a: —Naqso', negko'o negweteykegkoho. ¡Sa' eyke etnéssesek Wesse' egegkok kelán'a ekmako nak katxek apxagkok ma'a apteméssessamakxa axta m'a Raquel, tén han ma'a Lía, ekxámáseykekxo axta m'a énxet'ák Israel eñama m'a atawán'ák natámen! Etne sa' xép énxet ekxámokma aqsok apagkok ma'a Efrata, xama énxet kélya'áseykegkoho m'a yókxexma Belén.