Deuteronomio 5:31 - Biblia Enxet

³¹ keñe sa' xép exnekxak se'e sekhakxa nak, hakte altennaksek sa' ko'o exchep ekyókxoho m'a séltémókxa nak chá'a kóltéhek tén han segánamakxa tén han seyánamakxa nak chá'a kóltéhek yaqwayam sa' xeyep elxemósek, yaqwayam sa' elanagkok ma'a apkelókxa sekmaheyókxa nak ko'o agkések yaqwayam etnehek apagkok apagko'.’

Deuteronomio 5:31 ပူးပေါင်းရင်းမြစ်များ

2 Reyes 17:37

Kóllána sa' han meyke kélyenseyam ma'a segánamakxa ahagkok, tén han seyánamakxa nak, tén han nélxekmowásamáxche', tén han séltémókxa nak kóltéhek sekmésso axta sektáxéssesso. Nágkólpeykesho chá'a m'a mók aqsok kéláyókxa nak.

Éxodo 24:12

Aptáhak axta Wesse' egegkok apcháneya Moisés se'e: —Yenát sa' egkexe, sekhakxa nak ko'o, héleyxwakxa sa' ma'a, hakte almések sa' ko'o exchep meteymog seknaqtáxésso nak ko'o segánamakxa, yaqwayam enxoho elxekmósek xeyep ma'a israelitas.

Éxodo 24:18

Aptaxneyk axta Moisés yaphope, apchánteyk axta m'a egkexe nak, aphakmek axta nahan cuarenta ekhem ma'a tén han cuarenta axta'a.

Ezequiel 20:11

axta élya'assásegweykmok nahan segánamakxa ahagkok ma'a tén han ma'a séltémókxa nak chá'a etnahagkok, ekméssamól'a chá'a ekyennaqte apnények ma'a ektáha nak chá'a apkelyeheykekxoho.

Malaquías 4:4

“Kaxénwakxoho sa' kélwáxok ma'a segánamakxa sekméssama axta ko'o séláneykha Moisés ma'a egkexe nak Horeb. ¡Segánamakxa axta m'a, apkelánémap axta elanagkok ma'a apyókxoho énxet'ák Israel!

Deuteronomio 11:1

“Kólásekhoho chá'a kéxegke m'a Dios Wesse' kélagkok, kóllána chá'a m'a apchánamakxa nak chá'a antéhek tén han segánamakxa apagkok, tén han ma'a apkeltémókxa nak chá'a antéhek.

Deuteronomio 12:1

“Keso segánamakxa tén han nélánémaxchexa nak chá'a antéhek yaqwayam sa' kóllának chá'a kéxegke neyseksók kélheykha m'a xapop apmáheyókxa nak egkések kéxegke kélagkok ma'a kélyapmeyk nano' nak Dios Wesse' apagkok.

Deuteronomio 3:18

“Tén axta sekméssama ko'o kéxegke s'e séltémókxa axta chá'a kóltéhek sektéma sélanagkama s'e: ‘Dios Wesse' kélagkok apméssók kéxegke yaqwayam kóltéhek kélagkok kélagko' se'e apchókxa nak. Kélyókxoho kélya'áseykegkoho nak ektémakxa nélnápomáxche', kólmekxa sa' kélmeykha, kólxeg sa' apmonye'e m'a kélenyémeyo xamók israelitas.

Deuteronomio 4:1

“Israelitas, kóleyxho sa' segánamakxa tén han nélánémaxchexa nak chá'a antéhek sélxekmóssama axta, kóllána sa' nahan, yaqwayam sa' kólweynchamha chá'a tén han kólmok ma'a apkelókxa, apmaheyókxa nak egkések ma'a Wesse' egegkok, Dios apagkok nak ma'a kélyapmeyk nano'.

Deuteronomio 4:45

tén han apkeltémókxa antéhek, tén han segánamakxa tén han nélánémaxchexa antéhek apkeltennáseykegko axta sekxók apkelánteyapma axta m'a Egipto,

Deuteronomio 4:5

Élxekmóssegkek axta ko'o kéxegke segánamakxa tén han nélánémaxchexa nak antéhek apkeltémo axta ko'o alxekmósek ma'a Dios Wesse' ahagkok, yaqwayam sa' kóllanagkok chá'a m'a apkelókxa yaqwánxa sa' kólhamok.

Deuteronomio 5:1

Apchánchesákxeyk axta apyókxoho énxet'ák Israel ma'a Moisés, aptáhak axta apkeláneya s'e: “Israelitas, kóleyxho sa' se'e segánamakxa tén han nélánémaxchexa nak chá'a antéhek peya nak ko'o altennaksek se'e sakhem nak. Kóltaqmelchesho kélagko' sa' kélya'ásegwayam, kóllána sa' nahan.

Deuteronomio 5:30

Exeg, yána sa' elmeyekxak makham ma'a apkelpakxeneykegkaxa nak;

Deuteronomio 6:1

“Keso apkeltémókxa nak antéhek, tén han segánamakxa tén han nélánémaxchexa nak antéhek apkeltamho nak ko'o alxekmósek kéxegke m'a Dios Wesse' kélagkok, yaqwayam sa' kóllánegwók ma'a apkelókxa kélmáheyókxa nak kólmok.