Deuteronomio 4:8 - Biblia Enxet

⁸ ¿Yaqsa apchókxa énxet apxámokma, ekha segánamakxa tén han nélánémaxchexa nak chá'a antéhek ekpéwomo agko', ekhawo nak ekyókxoho s'e nélxekmowásamáxche', séltennasa nak ko'o kéxegke s'e sakhem nak?

Deuteronomio 4:8 ပူးပေါင်းရင်းမြစ်များ

Nehemías 9:13

“Tén axta apweyweykento apkenegweykto m'a néten egkexe nak Sinaí, apkelpaqhetchessegkek axta m'a ekpayho nak néten; apméssegkek axta segánamakxa ekpéwomo, tén han nélxekmowásamáxche ekmámnaqsoho, tén han apkeltémókxa nak antéhek ektaqmela.

Salmos 119:138

Kelpéwók ekyókxoho m'a apchánamakxa nak antéhek, naqso' nahan.

Salmos 119:144

Megkatnégwomek chá'a néxa ekteme élpéwomo m'a apchánamakxa nak antéhek; ¡hegkés sekya'áseyak, keñe sa' aweynchamha makham!

Salmos 119:160

Ekmámnaqsoho agko' ekyókxoho m'a appeywa nak; kelpéwók nahan ekyókxoho m'a apchánamakxa nak antéhek, megkamassegwomek han.

Salmos 119:86

¡Hepásem ko'o, élyaqmáseykha ko'o meykexho sektáhakxa! ¡Naqsók agko' ekyókxoho m'a apkeltémókxa nak antéhek!

Salmos 119:96

Ekweteyak ko'o ekyókxoho aqsok, yetneyk chá'a néxa', méko eyke néxa m'a apkeltémókxa nak antéhek.

Salmos 89:14

Appekkenmeyk apkelánekxésso ektaqmalma apheykha énxet'ák ma'a aptémakxa nak wesse' apwányam, tén han ekpéwomo agko'; wetamaxcheyk segásekhayo, tén han mehenyenyaweykha eñama m'a aptémakxa nak chá'a aqsok apkelane.

Salmos 97:2

Wakhayak ma'a yaphope ekyentaxno; appekkenmeyk apkelánekxésso ektaqmalma apheykha énxet'ák ma'a aptémakxa nak wesse' apwányam, tén han ekpéwomo agko';

Isaías 42:21

Apmenyeyk eykhe elának ekyawe tén han ektaqmalma nélxekmowásamáxche apagkok ma'a Wesse' egegkok eñama apteme Dios segwagkasso teyp;

Oseas 8:12

Ektáxéssessegkek eykhe ko'o ekxámokma m'a nélxekmowásamáxche ahagkok, máxa aqsok méteya eyke apteméssessók.

Deuteronomio 26:19

Sa' etnéssesek kéxegke néten agko' kéláyo nepyeseksa m'a apyókxoho énxet'ák ektáha axta apkelane, tén han kéleymáxkoho, tén han kélxénamaxche ekyókxoho yókxexma tén han ekha kéláyo, kóltéhek sa' énxet'ák apkelpagkanma m'a Dios Wesse' kélagkok, ekhawo m'a aptémakxa axta apkelanagkama.”