Deuteronomio 4:7 - Biblia Enxet

⁷ ¿Yetneya apchókxa énxet apxámokma ekha ketók ma'a aqsok apkeláyókxa, aptéma nak negko'o m'a Dios Wesse' egegkok nélmaxneya enxoho chá'a agának hempasmok?

Deuteronomio 4:7 ပူးပေါင်းရင်းမြစ်များ

2 Samuel 7:23

Keñe m'a Israel, énxet'ák apagkok nak xép, ¡méko pók énxet'ák aphawo keso náxop! Apkelwagkassegkek axta exchep teyp Dios, yaqwayam etnehek énxet'ák apagkok, payheykekxeyk axta exchep apwesey apkeláneya m'a aqsok magésso nak agè', tén han ma'a aqsok éltaqmalma nak. Apkelántekkessegkek axta chá'a exchep apmonye'e énxet'ák apagkok ma'a pók énxet'ák nak, tén han ma'a aqsok apkeláyókxa nak, cham'a apkelántekkesseykekxa axta m'a Egipto,

Salmos 145:18

Exek chá'a ketók Wesse' egegkok ma'a ektáha nak chá'a apwóneykha, apwóneykha nak chá'a yetlo megkeyxamaxkoho apwáxok.

Salmos 147:20

Metnéssessók han pók énxet'ák xa ektáha nak, melya'ásegko apagko' nak ma'a apchánamakxa antéhek. ¡Aleluya!

Salmos 148:14

¡Cha'a apkelyennaqtésso énxet'ák apagkok ma'a! ¡Elpeykeshok sa' apyókxoho m'a melyenyaweykha nak apkelyetleykha, cham'a israelitas, énxet'ák apagkok apkelásekhayo nak! ¡Aleluya!

Salmos 34:17

Yeyxhok chá'a apkelmaxneyéyak Wesse' egegkok ma'a meyke nak apkeltémakxa, elmallahanchesek chá'a ekyókxoho m'a ekmaso apheykha.

Salmos 34:18

Ketók chá'a exek Wesse' egegkok yaqwayam elwagkasek chá'a teyp ma'a élyentaxno agko' nak chá'a apkelwáxok, tén han ekmassegwayam nak apkelhaxneykha yaqwayam kólpasmok.

Salmos 46:1

Dios apteme negko'o segmasma, tén han segyennaqtésso, apteme han sempasmo ekwa'a enxoho ekmaso negha.

Salmos 73:28

Eypetchegwakxak sa' eyke ko'o m'a Dios, hakte cháxa ektaqmela ko'o atnehek xa. Dios Wesse' ahagkok, xép apteme sekyexánegweykekxexa', axének sa' han chá'a ekyókxoho aqsok apkelane nak.

Salmos 85:9

Yahamok chá'a elwagkasek teyp Dios ma'a ektáha nak chá'a apcháyo; keytek sa' chá'a apcheymákpoho s'e negheykegkaxa nak.

Isaías 43:4

hakte leklamók axta ewáxok kélmenyeyk axta kóltéhek kéláyo, eyásekhayók axta nahan ko'o exchep. Éxakhamchek axta ko'o énxet'ák sekmáheyo amok xép éxakhamchek axta pók aptémakxa énxet'ák sekmáheyo awagkasek teyp.

Isaías 55:6

“Kólchetam Wesse' egegkok kélewagkexa nak makham kólwetekxa', kólwónmakha apha nak makham keto'.

Números 23:21

Méko ekweteya apkeltémakxa apkelmopwancha'a amya'a, tén han melya'assáxma m'a énxet'ák Israel, Jacob énxet'ák apagkok nak. Apheyk nepyeseksa ma'a Dios Wesse' apagkok, apkeltemegkek chá'a wesse' apwányam apagkok.

Números 23:9

Ekwet'ak ko'o neyseksa sénmeykha s'e netnók meteymog ekwenaqte nak, élanawók neyseksa sénmeykha s'e néten egkexe étseksek nak: apteme énxet'ák apheykha apxakcha'awo', megkólpáxaqtésso m'a pók énxet'ák nak.

Deuteronomio 26:19

Sa' etnéssesek kéxegke néten agko' kéláyo nepyeseksa m'a apyókxoho énxet'ák ektáha axta apkelane, tén han kéleymáxkoho, tén han kélxénamaxche ekyókxoho yókxexma tén han ekha kéláyo, kóltéhek sa' énxet'ák apkelpagkanma m'a Dios Wesse' kélagkok, ekhawo m'a aptémakxa axta apkelanagkama.”

Deuteronomio 33:29

Apkeleñémo exchep, Israel, ¿Yaqsa kélwanchek kólhéshok xép? Wesse' egegkok apagko' apwagkasso teyp xép; cha'a aptaqmelchesso chá'a exchep ma'a tén han appasmo chá'a, ¡cha'a apteme sókwenaqte apagkok segmallahanchessamo nak chá'a m'a! Elmésakpok sa' xép ma'a apkelenmexma nak, keñe sa' xép emasséssesek apkeleymákpoho.”

Deuteronomio 4:32

“Kólchetam kélnentámen axta kéxegke, tén han ma'a nanók agkók axta, sekxók axta apkeláneya Dios énxet keso nélwanmeygkaxa; kólweynchamha sa' ekyókxoho keso náxop, kólmaxneyha sa' chá'a, temegkek axta kexaha aqsok ekyawe agko' ektéma nak xa, kélya'áseykegkók axta kexaha nahan.

Deuteronomio 5:26

¿Yaqsa énxet apwanchek yeyxhok Dios memassegwayam nak appeywa, appaqhetchesa enxoho m'a neyseksa táxa, ekhawo ektáhakxa nak negko'o nenleg'a, keñe megyetsepe'?