Deuteronomio 4:32 - Biblia Enxet

³² “Kólchetam kélnentámen axta kéxegke, tén han ma'a nanók agkók axta, sekxók axta apkeláneya Dios énxet keso nélwanmeygkaxa; kólweynchamha sa' ekyókxoho keso náxop, kólmaxneyha sa' chá'a, temegkek axta kexaha aqsok ekyawe agko' ektéma nak xa, kélya'áseykegkók axta kexaha nahan.

Deuteronomio 4:32 ပူးပေါင်းရင်းမြစ်များ

Génesis 1:27

Xama axta apkelana Dios énxet, apkelanak axta m'a aphawo nak aptémakxa; apkelanak axta apkenna' tén han kelán'a.

2 Samuel 7:23

Keñe m'a Israel, énxet'ák apagkok nak xép, ¡méko pók énxet'ák aphawo keso náxop! Apkelwagkassegkek axta exchep teyp Dios, yaqwayam etnehek énxet'ák apagkok, payheykekxeyk axta exchep apwesey apkeláneya m'a aqsok magésso nak agè', tén han ma'a aqsok éltaqmalma nak. Apkelántekkessegkek axta chá'a exchep apmonye'e énxet'ák apagkok ma'a pók énxet'ák nak, tén han ma'a aqsok apkeláyókxa nak, cham'a apkelántekkesseykekxa axta m'a Egipto,

Job 8:8

Etegyaha sa' amya'a ektémakxa axta apheykha m'a apyapmeyk nano', eltámesáp sa' ektémakxa axta aqsok apkelwete m'a nanók énxet'ák.

Salmos 44:1

Oh Dios, nenlege egagko' negko'o séltennáseykha m'a ẽlyapmeyk nano' axta, apteméssessamakxa axta chá'a apkelyennaqtamakxa axta, cham'a nentámen axta:

Éxodo 34:10

Aptáhak axta Wesse' egegkok se'e: “Kóltaqmelchesho sa' kélháxenmo s'e: élanak ko'o kaxwók xama ekhémo mók nélpaqhetchásamáxkoho nápaqta'awók ma'a apyókxoho énxet'ák apagkok. Alának sa' ko'o aqsok ekyawe agko' sempelakkasso nak agweta', megkalánamáxko nak makham xama enxoho m'a mók apheykegkaxa nak chá'a énxet keso náxop, elwetak sa' apyókxoho énxet apheykha nak kélnepyeseksa kéxegke sekmowána alának aqsok, ko'o sektáha nak Wesse', hakte katnehek sa' ekwányam agko' sempelakkasso nak agwetak ma'a aqsok sekmako nak ko'o alanaksek kéxegke.

Isaías 45:12

Éláneyak axta ko'o m'a xapop tén han énxet yaqwayam exmakha m'a kañe', émek axta ektemék sekpeykessama m'a néten tén axta séltémo kalántépok ekyókxoho m'a élápogwátéyak nak.

Joel 1:2

Kéxegke kélámha kélmonye'e nak, kóltaqmelchesho kélháxenmo s'e, tén han kélyókxoho kélheykha nak apchókxa'. ¿Kélweteyaya axta kéxegke ekhémo xa aqsok nak? ¿Apkelweteyaya nahan ekhémo m'a kélyapmeyk nak?

Amós 3:2

“Kéxegke axta kélwánxa kélagkok sélyéseykencha'a ko'o nepyeseksa m'a apyókxoho énxet'ák nak keso náxop. Cháxa keñamak peya nak ko'o ayaqmagkásekxak ma'a ekyókxoho aqsok élmasagcha'a nak kélláneyák.”

Deuteronomio 28:64

Yexpánchesha sa' Wesse' egegkok elya'aksek ma'a ekyókxoho apkelókxa apheykegkaxa nak chá'a pók aptémakxa énxet'ák, eyeynamo m'a xama nekha nak xapop ekweykekxoho m'a mók nekha xapop nak, sa' kólpeykeshok chá'a mók aqsok kéláyókxa nak chá'a m'a, cham'a aqsok kéláyókxa élánamáxche nak chá'a m'a yántéseksek tén han ma'a meteymog, megkólweteya nak kéxegke tén han melweteya axta m'a kélyapmeyk nanók axta.

Deuteronomio 30:4

makhawók sa' eykhe katnehek kélya'assamakxa kéxegke kélexpáncháseykha m'a yókxexma makhawók agko' nak keso náxop, sa' kóleñék yának kólchexyók makham Dios Wesse' kélagkok ma'a, sa' emhagkok elchetmok ma'a.

Deuteronomio 32:7

“Kólenmexekxoho kélnentámen, kaxén kélwáxok ma'a nentámen axta; kólána eltennaksek ma'a kélyapmeyk, kólána eltennasha m'a apkelámha apmonye'e nak.

Deuteronomio 33:29

Apkeleñémo exchep, Israel, ¿Yaqsa kélwanchek kólhéshok xép? Wesse' egegkok apagko' apwagkasso teyp xép; cha'a aptaqmelchesso chá'a exchep ma'a tén han appasmo chá'a, ¡cha'a apteme sókwenaqte apagkok segmallahanchessamo nak chá'a m'a! Elmésakpok sa' xép ma'a apkelenmexma nak, keñe sa' xép emasséssesek apkeleymákpoho.”

Deuteronomio 4:7

¿Yetneya apchókxa énxet apxámokma ekha ketók ma'a aqsok apkeláyókxa, aptéma nak negko'o m'a Dios Wesse' egegkok nélmaxneya enxoho chá'a agának hempasmok?