Deuteronomio 4:29 - Biblia Enxet

²⁹ Kélchetamchek sa' agkok Dios Wesse' kélagkok ekweykmoho kañók agko' kélwáxok tén han ekweykmoho kélyennaqte neyseksa kélheykha m'a, kólwetekxak sa'.

Deuteronomio 4:29 ပူးပေါင်းရင်းမြစ်များ

2 Reyes 10:31

Axta han keytnakhassamók apwáxok Jehú elának meyke apyensayam ma'a Wesse' egegkok segánamakxa apagkok, cham'a Dios nak Israel, hakte axta elwátesseykmok apkelane m'a mey'assáxma, aptémakxa axta m'a Jeroboam apkelánéseykegko axta melya'assáxma m'a israelitas.

2 Reyes 23:3

Keñe axta wesse' apwányam apkenmeyncha'a m'a nekha nak meteymog émha apagkok, apxénchek axta han elyahakxohok ma'a Wesse' egegkok, tén han elának ekyókxoho m'a apkeltémókxa nak antéhek, keñe han ma'a apchánamakxa nak antéhek, tén han ma'a segánamakxa apagkok, yetlo ekmámnaqso' agko', tén han elának éltémókxa nak antéhek ma'a ekhémo mók nélpaqhetchásamáxkoho, ekyetna nak eknaqtáxésamaxche m'a weykcha'áhak. Keñe apmako han elanagkok ma'a apyókxoho énxet'ák nak.

2 Crónicas 15:12

Tén axta aphésawo mók apkelpaqmeyesma apxéna elchetmok Wesse' egegkok naqsók agko', Dios apagkok axta m'a apyapmeyk nano'.

2 Crónicas 15:15

Apyókxoho énxet'ák Judá axta kelpayheykxak apkelwáxok, eñama m'a apteméssesso axta naqsók apkelpeywa, hakte apkelxénchek axta elanagkok naqso' agko', apkelchetamchek axta han Wesse' egegkok yetlo apmáyheykegkoho apagko' elchetmok, apcha'awók axta han apkelwetákxo m'a, apméssek axta han meyke ektáhakxa apheykha yetlo m'a apheykha nak nepyáwa'.

2 Crónicas 15:2

apkelanyexakmek axta m'a Asá peya etnehek yának se'e: “¡Kóleyxho sa' sekpeywa, xép tén han ma'a apyókxoho énxet'ák nak Judá, keñe han ma'a Benjamín! Exek sa' chá'a kélnepyeseksa kéxegke Wesse' egegkok, kéltáha enxoho chá'a kélxegexma. Kélchetamchek sa' agkok kéxegke m'a, kólwetekxak sa'; kélyenyókek sa' agkok, eyenyók sa' nahan kéxegke m'a.

2 Crónicas 15:4

Apkelwet'ak axta agkok chá'a ekmaso apheykha m'a énxet'ák, elyo'ókxak axta chá'a m'a Wesse' egegkok, Dios nak Israel, yohok axta chá'a éteyekxak apketama enxoho chá'a m'a.

2 Crónicas 31:21

Tásek axta ekteyapma ekyókxoho aqsok apkelánésso axta m'a Dios tegma appagkanamap apagkok, tén han ma'a Wesse' egegkok segánamakxa apagkok, keñe han ma'a apkeltémókxa nak antéhek, hakte apkelenxánekmek axta apketamso Dios ekweykmoho kañók agko' apwáxok.

Nehemías 1:9

keñe apxeyenma negya'aweykto enxoho exchep, tén han nenlánegko enxoho m'a apkeltémókxa nak antéhek, nélyahákxoho enxoho, apxeyenma hennaqlosawakxak neyseksa néxpaqneykha ekweykmoho m'a ektemegwánxa nak néxa keso náxop, hennaqlakxak makham ma'a yókxexma ekpagkanamaxche apkelyéseykegkaxa axta ekyetnamakxa apwesey.

Nehemías 9:27

Cháxa keñamak apchahayo axta apkelmoma m'a apkelenmexma, cham'a apnaqtawáseykegkoho axta. Keñe axta natámen apkeltémo epasmok xép apkelweteya ektémakxa ekyentaxno apheykha, apháxenmok axta han xép ma'a aphakxa nak néten, eñama ekyawe agko' apkelásekhayo; apkelméssegkek axta énxet'ák yaqwayam elyementemekxak ma'a ektáha axta apnaqtawáseykegkoho.

Salmos 119:10

Étamsamók agko' ko'o exchep ekweykmoho kañók agko' ewáxok; nágyoho ayenyók ko'o m'a apkeltémókxa nak antéhek.

Salmos 119:145

Wesse', ekwóneyha exchep ekweykmoho kañók agkók ewáxok; ¡heyátegmowák, hakte émenyeyk ko'o alának ma'a segánamakxa apagkok nak!

Salmos 119:2

Apkeleñémo apkelane nak chá'a m'a apchánamakxa nak chá'a antéhek, apketamsamo apagko' nak chá'a ekweykmoho kañók agko' apkelwáxok,

Salmos 119:58

Ekwasqápeykekxók ko'o ekweykmoho kañók agko' ewáxok séltémo apeykessásekxak apwáxok; kapyósho sa' hélano', ekhawo ektémakxa nak xép appeywa.

Jeremías 3:10

Axta nahan ko'o hey'ékekták Judá, yetlo segkéssamo agko' awáxok, cham'a seyenseykmo nak ko'o sétleykha, natámen élane xa ekyókxoho aqsok nak, élyexancháseykha axta aqsa chá'a. Ko'o sekxeyenma xa, sektáha nak Wesse'.”

Jeremías 51:50

Kéxegke kélegketamaxche axta, kólenyahák meyke kélchaqnágwayam, kélwokmek sa' agkok ma'a makhawo nak, kaxén sa' kélwáxok ma'a Wesse' egegkok, nágkalwánaqma aqsa m'a Jerusalén.

Ezequiel 6:9

Kalxénwók sa' ko'o apkelwáxok neyseksa apheykha nepyeseksa pók aptémakxa énxet'ák ma'a meletsapma nak, kalxénwakxohok sa' apkelwáxok ektáhakxa séllegassáseykegkoho eñama seyenseyam sétleykha, tén han eñama seyamasma, yaqwayam elpeykeshok ma'a aqsok kéleykmássesso. Megkalchek sa' apkelwáxok elanok apkeltémakxa eñama m'a ekyókxoho aqsok ekmaso apkelánéyak, tén han eñama m'a ekyókxoho apkeltémakxa ekmaso agko' nak.

Joel 2:12

“Aptáhak makham segáneya Wesse' egegkok se'e: hélyo'óta ko'o yetlo ekmámenyého agko' kélwáxok. ¡Nágkóltaw kéltéyak, kólwehesha, kóllekxagwaha!”

Amós 5:4

Aptáhak Wesse' egegkok apkeláneya israelitas se'e: “Hélyo'óta ko'o, keñe sa' megkóletsepe'.

Deuteronomio 10:12

“Israelitas, ¿Yaqsa apkeltamho kaxwók kóllának kéxegke m'a Dios Wesse' kélagkok? Wánxa aqsa apkeltamho kólyahakxoho' tén han kólyetlók kélyókxoho m'a ámay apagkok; tén han kólásekhoho', tén han kólpeykeshok ekweykmoho kañók agko' kélwáxok tén han ma'a élchetámeykegkaxa nak kélwáxok,

Deuteronomio 11:13

“Kéllánegkek sa' agkok kéxegke apkeltémókxa nak antéhek séltennasa exchek ko'o s'e sakhem nak, tén han kélásekhawo enxoho Dios Wesse' kélagkok, tén han kélpeykásawo enxoho ekweykmoho kañók agko' kélwáxok tén han ekweykmoho m'a élchetámeykegkaxa nak kélwáxok,

Deuteronomio 26:16

“Apkeltamhók kéxegke kóllának Dios Wesse' kélagkok sakhem se'e segánamakxa nak tén han se'e apkeltémókxa nak chá'a antéhek; kóllána sa' ekweykmoho kañók agko' kélwáxok tén han ma'a élchetámeykegkaxa nak chá'a kélwáxok.

Deuteronomio 30:10

kélyahákxoho enxoho chá'a m'a Dios Wesse' kélagkok, kéllana enxoho chá'a m'a apkeltémókxa nak chá'a antéhek tén han segánamakxa eknaqtáxésamaxko nak se'e weykcha'áhak segánamakxa nak, tén han kélya'aweykto enxoho chá'a ekweykmoho kañók agko' kélwáxok tén han ekweykmoho m'a élchetámeykegkaxa nak chá'a kélwáxok.

Deuteronomio 6:5

“Kólásekhoho Dios Wesse' kélagkok, ekweykmoho kañók agko' kélwáxok, tén han ekweykmoho m'a élchetámeykegkaxa nak kélwáxok, tén han ekweykmoho m'a kélyennaqte nak.

Josué 22:5

Wánxa eyke aqsa séltamho kóllanagkok meyke kélyenseyam ma'a apkeltémókxa nak antéhek Dios, tén han segánamakxa apmésso axta Moisés, apteme axta Wesse' egegkok apchásenneykha. Kólásekhoho Dios Wesse' kélagkok nak kéxegke, kólyetlow chá'a m'a ámay apagkok, kólyahakxoho han ma'a apchánamakxa nak antéhek, kólyetlow chá'a meyke kélyenseyam ekweykmoho kañók agko' kélwáxok, tén han ekweykmoho m'a élchetámeykegkaxa nak kélwáxok.”

1 Samuel 7:3

Keñe axta Samuel aptáha apkeláneya m'a apyókxoho énxet'ák nak Israel: “Kélya'aweykxeyk sa' agkok kéxegke Wesse' egegkok, yetlo kélmésso ekweykmoho kañók agko' kélwáxok, kéméxcheyk kólchexák ma'a aqsok kéláyókxa éleñama nak mók nekha, keñe han ma'a kéleykmássesso nak Astarté, kólmés kélwáxok ma'a Wesse' egegkok, kólpeykesho wánxa m'a. Keñe sa' elwagkasek teyp neyseksa apkelma m'a filisteos.”