Deuteronomio 4:1 - Biblia Enxet

¹ “Israelitas, kóleyxho sa' segánamakxa tén han nélánémaxchexa nak chá'a antéhek sélxekmóssama axta, kóllána sa' nahan, yaqwayam sa' kólweynchamha chá'a tén han kólmok ma'a apkelókxa, apmaheyókxa nak egkések ma'a Wesse' egegkok, Dios apagkok nak ma'a kélyapmeyk nano'.

Deuteronomio 4:1 ပူးပေါင်းရင်းမြစ်များ

Salmos 105:45

yaqwayam enxoho elyahakxohok chá'a m'a Wesse' egegkok segánamakxa apagkok, tén han elanagkok chá'a m'a nélxekmowásamáxche' apagkok nak. ¡Aleluya!

Salmos 119:4

Apkeltémók chá'a exchep kalanaxchek ma'a apkeltémókxa nak antéhek meyke kélyetnakhásseyam.

Éxodo 18:20

Eltennasák sa' ma'a ektémakxa nak segánamakxa, tén han ma'a nélxekmowásamáxche', elya'assásegwók sa' ma'a yaqwánxa etnahagkok apkelweynchámeykha, tén han eyéméxchexa chá'a elanagkok.

Jeremías 11:6

Tén axta aptáha seyáneya Wesse' egegkok se'e: “Eñes sa' nepyeseksa tegma apkelyawe Judá s'e amya'a nak tén han ma'a ámay nak Jerusalén. Etne sa' elának énxet'ák se'e: Kóleyxho sa' ektémakxa nak ekpeywa s'e ekhémo mók nélpaqhetchásamáxkoho nak, kólyahakxoho sa'.

Ezequiel 11:20

Tén sa' etnahagkok ma'a ekhawo nak ektémakxa m'a segánamakxa ahagkok tén han ma'a séltémókxa nak chá'a etnahagkok, elanagkok sa' nahan. Énxet'ák ahagkok sa' ko'o atnehek ma'a, keñe sa' etnahagkok ko'o Dios apagkok ma'a.

Ezequiel 20:11

axta élya'assásegweykmok nahan segánamakxa ahagkok ma'a tén han ma'a séltémókxa nak chá'a etnahagkok, ekméssamól'a chá'a ekyennaqte apnények ma'a ektáha nak chá'a apkelyeheykekxoho.

Ezequiel 20:21

“Élmexeykekxeyk axta eyke nahan ko'o apketchek nak xa énxet'ák nak. Axta elyeheykekxohok ma'a segánamakxa ahagkok, axta nahan eláneykegkok ma'a séltémókxa nak chá'a etnahagkok, ekméssamo nak chá'a ekyennaqte apnények ma'a ektáha nak chá'a apkelyaheykekxoho, aptawáseykha axta nahan ma'a ekhem ahagkok sábado. Xénchek axta ko'o ewáxok ategkesek seklo nepyeseksa m'a tén han amasséssók apyókxoho m'a yókxexma meykexa nak énxet, yaqwayam enxoho kamaskok seklo,

Ezequiel 36:27

Apekkenchesek sa' ko'o kélwáxok kéxegke m'a espíritu ahagkok, tén sa' wának kóllának ma'a segánamakxa ahagkok nak tén han ma'a séltémókxa nak chá'a kóltéhek;

Ezequiel 37:24

Séláneykha David sa' etnehek wesse' apwányam tén han wánxa xama keláneykha nepkések apagkok ma'a apyókxoho nak, hélyahakxohok sa' nahan chá'a ko'o m'a, elanagkok sa' nahan chá'a m'a segánamakxa ahagkok nak tén han ma'a séltémókxa nak chá'a etnahagkok.

Levítico 18:5

“Kóllána m'a segánamakxa ahagkok, tén han ma'a seyánamakxa nak chá'a kóltéhek. Énxet apkelane enxoho chá'a xa, ewagkasakpok sa' teyp. Ko'o sekteme Wesse' kélagkok.

Levítico 19:19

“Kóllána chá'a segánamakxa ahagkok. “Nágkólyamhakkas chá'a kélnaqtósso m'a mók ektémakxa nak chá'a kélnaqtósso. “Nágkólchenekxa chá'a namyep kélagkok mók ektémakxa nak aqsok aktek élpaxqamáxche'. “Nágkólántaxnekxa chá'a xama enxoho apáwa kéllane nak chá'a élpaxqamáxche' aqsok.

Levítico 19:37

“Kóllána m'a segánamakxa ahagkok, tén han ma'a seyánamakxa nak chá'a kóltéhek, kólyahakxoho. Ko'o sekteme Wesse'.”

Levítico 20:8

Kóllána' m'a segánamakxa ahagkok nak; kólyahakxoho. Ko'o sekteme Wesse', sélpagkanma nak chá'a ko'o kéxegke.

Levítico 22:31

“Kóllána sa' ma'a séltémókxa nak kóltéhek; kólyahakxoho. Ko'o sekteme Wesse'.

Deuteronomio 1:3

Apkeltennásegkek axta Moisés israelitas ekyókxoho aqsok apkeltémókxa axta chá'a elanagkok Wesse' egegkok, cham'a ektáhakxa axta émha amonye' ekhem ma'a pelten once, ektáha axta cuarenta apyeyam, natámen apyaqmasso axta Moisés ma'a Sihón, wesse' apwányam apagkok axta m'a amorreos, aphama axta m'a Hesbón, tén han ma'a Og, wesse' apwányam axta m'a yókxexma Basán, aphama axta m'a Astarot, yókxexma Edrei.

Deuteronomio 1:8

Ekméssek ko'o kaxwók ma'a apkelókxa nak, axta aptemék Wesse' egegkok; kólxeg, kólteme kélagkok ma'a xapop séltennassama axta ko'o, sektáha nak Wesse' egegkok, agkések ma'a kélyapmeyk nano' axta kéxegke, cham'a Abraham, Isaac, Jacob tén han ma'a aptawán'ák neptámen nak, ko'o sektáha nak Wesse' egegkok.’

Deuteronomio 11:1

“Kólásekhoho chá'a kéxegke m'a Dios Wesse' kélagkok, kóllána chá'a m'a apchánamakxa nak chá'a antéhek tén han segánamakxa apagkok, tén han ma'a apkeltémókxa nak chá'a antéhek.

Deuteronomio 11:32

kóllána sa' ekyókxoho m'a segánamakxa tén han nélánémaxchexa nak antéhek sekmésa exchek ko'o kéxegke s'e sakhem nak.

Deuteronomio 13:1

“Aptekkek sa' agkok kélnepyeseksa kéxegke xama apkeltemessásamap Dios appeywa aplegasso essenhan apxeyenma nak chá'a apwete ektémakxa apwanmagko, keñe eltennaksek chá'a aqsok magkenatchesso nak agweta' essenhan ma'a sempelakkasso nak agweta',

Deuteronomio 16:20

Wánxa eyéméxko kéxegke kólyetlók ma'a ekpéwomo nak kéllánekxésso amya'a kélnámakkok, yaqwayam sa' kólweynchamha chá'a tén han kólhakha m'a apkelókxa apméssamakxa nak ma'a Dios Wesse' kélagkok.

Deuteronomio 30:16

Kélyahákxók agkok ma'a séltamho exchek ko'o kóllának se'e sakhem nak, tén han kélásekhawo enxoho m'a Dios Wesse' kélagkok, kélyetlawa enxoho m'a ámay apagkok nak, kéllana enxoho chá'a m'a apkeltémókxa nak chá'a antéhek tén han segánamakxa tén han nélánémaxchexa nak chá'a antéhek, ahóxek sa' katnehek kélheykha, kólwetak sa' nahan apxámokma m'a kélketchek, etaqmelchessesek sa' nahan kélheykha Dios Wesse' kélagkok ma'a apchókxa yaqwánxa sa' kólmok.

Deuteronomio 30:19

Ekpekkenchek ko'o sakhem néten tén han náxop yaqwayam katnehek ekweteykegkoho chá'a m'a aqsok kélyéságkaxa enxoho chá'a kéxegke, hakte ekméssek xeyk ko'o yaqwayam kólyésha m'a ekyennaqte nak egnények tén han ma'a nétsapma nak, tén han ma'a ektaqmalma nak negha tén han ma'a ekmaso nak negha. Kólyésha sa' ma'a, ekyennaqtamakxa nak egnények, yaqwayam enxoho kawegqohok kélweynchámeykha kéxegke tén han ma'a kéltawán'ák kélnentámen nak;

Deuteronomio 30:20

kólásekhoho chá'a m'a Dios Wesse' kélagkok, kólyahakxoho chá'a, kólteme chá'a meyke kélyenseyam kélyetleykha, hakte sa' kañék ekyennaqte kélnénya'ák kéxegke m'a tén han apxámokma apagko' apyeyam kélheykha m'a apchókxa apteméssessama axta ekmámnaqsoho agko' egkések Wesse' egegkok ma'a Abraham, Isaac tén han ma'a Jacob, cham'a kélyapmeyk nanók axta kéxegke.”

Deuteronomio 4:40

Kóllána chá'a m'a segánamakxa apagkok sekmésa nak ko'o kéxegke s'e ekhem nak, tén han ma'a nélánémaxchexa nak chá'a antéhek, keñe sa' tásek chá'a katnehek ektáhakxa kéxegke tén han ma'a kéltawán'ák kélnentámen nak, kólhakha sa' nahan apxámokma apyeyam ma'a apkelókxa apmáheyókxa nak egkések meyke néxa m'a Dios Wesse' kélagkok.”

Deuteronomio 4:45

tén han apkeltémókxa antéhek, tén han segánamakxa tén han nélánémaxchexa antéhek apkeltennáseykegko axta sekxók apkelánteyapma axta m'a Egipto,

Deuteronomio 4:8

¿Yaqsa apchókxa énxet apxámokma, ekha segánamakxa tén han nélánémaxchexa nak chá'a antéhek ekpéwomo agko', ekhawo nak ekyókxoho s'e nélxekmowásamáxche', séltennasa nak ko'o kéxegke s'e sakhem nak?

Deuteronomio 5:1

Apchánchesákxeyk axta apyókxoho énxet'ák Israel ma'a Moisés, aptáhak axta apkeláneya s'e: “Israelitas, kóleyxho sa' se'e segánamakxa tén han nélánémaxchexa nak chá'a antéhek peya nak ko'o altennaksek se'e sakhem nak. Kóltaqmelchesho kélagko' sa' kélya'ásegwayam, kóllána sa' nahan.

Deuteronomio 5:33

Kólyetlow ma'a ámay apxekmóssamakxa nak Dios Wesse' kélagkok, yaqwayam sa' kataqmelek chá'a kélheykha tén han kólhakha chá'a apxámokma apyeyam ma'a xapop apmáheyókxa nak egkések yaqwayam kóltéhek kélagkok kélagko'.

Deuteronomio 6:1

“Keso apkeltémókxa nak antéhek, tén han segánamakxa tén han nélánémaxchexa nak antéhek apkeltamho nak ko'o alxekmósek kéxegke m'a Dios Wesse' kélagkok, yaqwayam sa' kóllánegwók ma'a apkelókxa kélmáheyókxa nak kólmok.

Deuteronomio 6:24

Tén axta Dios Wesse' egegkok apkeltémo anlanagkok ekyókxoho s'e apkeltémókxa nak chá'a antéhek, tén han agáwhok chá'a, yaqwayam enxoho kataqmelek chá'a ekteyapma ekyókxoho m'a aqsok nenlanakxa enxoho chá'a tén han hegmések chá'a nélyennaqte, ekhawo nak se'e kaxwo nak.

Deuteronomio 7:11

Kóllána chá'a m'a apkeltémókxa nak chá'a antéhek Dios, tén han segánamakxa, tén han nélánémaxchexa nak chá'a antéhek séltamho exchek ko'o kóllának se'e sakhem nak.

Deuteronomio 8:1

“Kóllána sa' kéxegke m'a apkeltémókxa nak chá'a antéhek Dios séltamho exchek ko'o kóllának se'e sakhem nak, yaqwayam sa' kólweynchamha chá'a tén han kóltéhek énxet apxámokma apagko', tén han kólmok se'e apkelókxa apkeltennassama axta Wesse' egegkok egkések ma'a kélyapmeyk nanók axta.

Deuteronomio 8:11

“Kóllanagkoho chá'a kéltáhakxa yaqwayam megkalwagqamagkehek ma'a Dios Wesse' kélagkok. Kóllána chá'a m'a apkeltémókxa nak cha'a antéhek tén han ma'a nélánémaxchexa nak chá'a antéhek tén han segánamakxa séltamho exchek ko'o kóllának se'e sakhem nak.

Deuteronomio 9:1

“Israelitas, kóleyxho sa' se'e: wokmek kaxwók kéxegke yaqwánxa kólyeykhekxak ma'a neyp wátsam Jordán tén han kólyementók kaxwók apchókxa m'a énxet'ák apxámokma apagko' nak tén han apkelyennaqte, megkólhawo nak kéxegke, tén han ma'a tegma apkelyawe, apkelyawe apagko' nak, kélhaxtegkesso nak meteymog netna'awók agko' ma'a nepyáwa';

Josué 3:9

Keñe axta Josué aptáha apkeláneya énxet'ák Israel se'e: “Kólchexyem, kóleyxwatámho aptáhakxa exchek appeywa Dios Wesse' kélagkok.