Deuteronomio 32:9 - Biblia Enxet

⁹ hakte Wesse' egegkok axta apkelyéseykha m'a, énxet'ák apagkok axta m'a Jacob énxet'ák apagkok nak.

Deuteronomio 32:9 ပူးပေါင်းရင်းမြစ်များ

2 Samuel 14:16

Aphaxnawók sa' agkok xép sektáhakxa, wesse', apwanchek hẽlmallahanchesek nepyeseksa m'a apmáheyo nak hegmasséssók, hatte tén han ko'o, keso xapop ektáha nak apagkok ma'a Dios.

2 Samuel 20:19

Méko apkello énxet'ák tegma apwányam egagkok, apkelwanmeyeykha aqsa, melyamasmak han ma'a Israel, ¡apkemha apmonye' apagko' nahan! Apmakók eyke exchep emasséssók. ¿Yaqsa ektáha apmako nak emasséssók ektáha nak Wesse' egegkok apagkok?

1 Reyes 8:51

Hakte xép énxet'ák apagkok ma'a, apagkok han; xép axta apkelántekkesso m'a Egipto, ekhémókxa axta táxa axagkok kélpeykeseykekxexal'a sawo.

1 Reyes 8:53

Hakte xép Wesse', xép axta apkelpagkanma yaqwayam etnehek énxet'ák apagkok nepyeseksa m'a apyókxoho énxet'ák nak keso náxop, ekhawo aptémakxa axta apxeyenma apchásenneykekxo axta m'a apkeláneykha Moisés, apkelántekkessama axta Egipto m'a ẽlyapmeyk nano'.”

Salmos 106:40

Apkeltaqnaweykegkek axta Wesse' egegkok ma'a énxet'ák apagkok nak, massegkek axta ekleklamo apwáxok ma'a ektáha axta apagkok;

Salmos 106:5

yaqwayam sa' ko'o ótak ektáhakxa ekpayheykekxa apkelwáxok ma'a apkelyéseykha nak, yaqwayam sa' ko'o kapayhekxak ewáxok tén han alsawaksohok xamók ma'a énxet'ák ektáha nak xép apagkok.

Salmos 135:4

Hakte apkelyéseykha m'a Jacob, cham'a Israel, yaqwayam etnehek apagkok apagko'.

Salmos 28:9

Wesse', elwagkas teyp énxet'ák apagkok; elmésák éltaqmalma apheykha m'a ektáha nak xép apagkok. Eltaqmelches aptémól'a keláneykha nepkések; ¡elqeynmakha chá'a meyke néxa!

Salmos 33:12

Apkeleñémo énxet apteme nak Dios apagkok ma'a Wesse' egegkok, cham'a énxet'ák apkelyéseykha nak yaqwayam etnehek énxet'ák apagkok.

Salmos 74:2

Kaxénwakxoho apwáxok énxet'ák apagkok, apkelmoma axta m'a sekxók eyeynókxa axta, apkelwagkassama axta teyp yaqwayam etnehek énxet'ák apagkok; kaxénwakxoho apwáxok ma'a egkexe Sión, aphamakxa axta.

Salmos 78:71

apkelwátéssessegkek axta apkeláneykha nepkések apnaqtósso, yaqwayam enxoho elánesha m'a énxet'ák apagkok, yaqwayam etnehek apkeltaqmelchesso énxet'ák Israel.

Éxodo 15:16

“Wesse' egegkok, ¡elyegwakkas!, ¡yána' yeygkok! ¡tásek exmakha aqsa ektémól'a kaxnagkok ma'a meteymog eñama xa apmopwána ekyennaqte nak, ekwokmoho sa' apkelyeyk'a m'a énxet'ák apagkok, cham'a énxet'ák apteme nak xeyep apagkok!

Éxodo 34:9

Wesse' egegkok se'e: —¡Wesse'! ¡Wesse'! Naqsók agkok ekleklamo apwáxok ko'o exchep, hẽlyetlow sa'. Hakte naqsók apteme élyennaqte agko' apkelwáxok se'e énxet'ák nak, eyke ná eyaqmagkásekxa aqsa nentémakxa mólya'assáxma tén han nentémakxa élmasagcha'a, hẽlma sa' takha' yaqwayam antéhek negko'o énxet'ák apagkok.

Isaías 19:25

Sa' etnehek epaqmétek yának kataqmelek apheykha Wesse' ekha nak apyennaqte s'e: “Ekméssek ko'o ektaqmalma apheykha m'a énxet'ák ahagkok Egipto, tén han ma'a énxet'ák Asiria, ektáha axta sélane, tén han ma'a Israel sekteme nak énxet'ák ahagkok ahagko'.”

Isaías 34:17

Apmésso apagko' nahan chá'a xama xama m'a yaqwánxa kalyagqa', appenteyhássessegkek chá'a apxekmóssama m'a xapop agkok nak, katnehek sa' chá'a agkok meyke néxa m'a; kalyagqak sa' chá'a yókxoho apyeyam.

Isaías 43:21

cham'a énxet'ák sélane axta yaqwayam hélpeykeshok ko'o.

Jeremías 10:16

¡Megkaxnawok agko' Jacob nak Dios apagkok xa, apkelane nak ekyókxoho aqsok élánteyapma nak! Axta apkelyéseykha énxet'ák Israel ma'a yaqwayam etnehek apagkok apagko'. Wesse' ekha apyennaqte: cháxa apwesey xa.

Jeremías 2:7

Eknaqleykenteyk axta ko'o s'e ektaqmelakxa nak xapop, yaqwayam enxoho kóltawagkok aqsok ekyexna eñama nak xa xapop nak, tén han ma'a aqsok éltaqmalma éleñama nak xa. Kélxegeykmek axta kéxegke, keñe kéletsagkassa'a xapop ahagkok, éltaqnawassáseykekxeyk axta s'e apchókxa nak, ektáha nak ko'o ahagkok ahagko'.

Jeremías 51:19

¡Megkaxnawok agko' Jacob nak Dios apagkok xa, apkelane nak ekyókxoho aqsok élánteyapma nak! Axta apkelyéseykha énxet'ák Israel ma'a yaqwayam etnehek apagkok apagko'. Wesse' ekha apyennaqte: cháxa apwesey xa.

Miqueas 2:5

Cháxa keñamak peya sa' megkaxek kéxegke xapop kélagkok nepyeseksa m'a Wesse' egegkok énxet'ák apagkok.

Zacarías 2:12

Emekxak sa' makham Wesse' egegkok yaqwayam etnehek apagkok apagko' ma'a Judá, xapop ekpagkanamaxche. Exénekxak sa' makham Jerusalén apteme tegma apwányam apagkok apkelyéseykha.

Deuteronomio 9:29

Xeyep énxet'ák apagkok ma'a; xeyep apagkok, xeyep axta apkelántekkesso yetlo ekyawe apmopwána m'a Egipto.’

Josué 24:17

Hakte Wesse' egegkok axta sẽlántekkesso negko'o m'a Egipto, ekweykekxoho m'a ẽlyapmeyk nanók axta, nentémakxa axta sẽlásenneykha naqsa. Axta apkelane aqsok sempelakkasso nak agwetak ekxámokma negaqta'awók negko'o, axta sẽlmasma m'a, tén han sẽltaqmelchesso neyseksa nélxega ámay nélyeykhaya axta neyseksa ekxámokma m'a apheykegkaxa nak énxet'ák.

1 Samuel 10:1

Apmeyk axta Samuel kélyeta pexmok égmenek, apyegkenchessek axta apqátek ma'a Saúl, appathetchek axta appeykesa keñe aptáha apcháneya s'e: —Appagkanchek xép Wesse' egegkok sakhem yaqwayam etnehek apkemha apmonye' apkeltaqmelchessesso m'a énxet'ák Israel, ektáha nak apagkok. Xeyep sa' etnehek apkemha apmonye' apkeltaqmelchesso, elmallahanchesek sa' nepyeseksa apkelenmexma apwakhaya nak. Keso yaqwayam sa' ékpelkohok xép apteméssesa Wesse' egegkok apkemha apmonye', apkeltaqmelchesso m'a énxet'ák apagkok: