Deuteronomio 32:7 - Biblia Enxet

⁷ “Kólenmexekxoho kélnentámen, kaxén kélwáxok ma'a nentámen axta; kólána eltennaksek ma'a kélyapmeyk, kólána eltennasha m'a apkelámha apmonye'e nak.

Deuteronomio 32:7 ပူးပေါင်းရင်းမြစ်များ

Salmos 10:6

kalxének chá'a apkelwáxok méko kaltaqhesha, tén han melwetyehek chá'a ekmaso apheykha.

Salmos 119:52

Kaxénwakxohok chá'a ewáxok ma'a apchánamakxa nak antéhek nano' nak, Wesse', cha'a sekweteykxa chá'a ko'o ektaqmeleykekxa ewáxok ma'a.

Salmos 44:1

Oh Dios, nenlege egagko' negko'o séltennáseykha m'a ẽlyapmeyk nano' axta, apteméssessamakxa axta chá'a apkelyennaqtamakxa axta, cham'a nentámen axta:

Salmos 44:2

meyke apmeykha axta apkelántekkessók xép ma'a énxet'ák melya'áseyak nak xép, apkellegassáseykegkók axta pók aptémakxa énxet'ák, keñe apkelhesseykmo ẽlyapmeyk negko'o m'a.

Salmos 77:8

¿Massegwokmeya sẽlásekhayo? ¿Néxa agkóya temégwokmok ma'a sẽltennassama axta henlanaksek?

Salmos 78:5

Apméssegkek axta segánamakxa Dios ma'a Jacob; appekkenchessegkek axta han apkeltémókxa chá'a etnahagkok ma'a Israel, apkeltémók axta han elxekmósek aptawán'ák neptámen ma'a ẽlyapmeyk nano' nak,

Éxodo 12:26

Aptemék sa' agkok nahan elmaxneyha kélketchek se'e: ‘¿Yaqsa nélteme xa ektéma nak kéllana?’

Éxodo 13:14

Apkelmaxneyáha sa' agkok nahan mók ekhem kélketchek aptáha enxoho s'e: ‘¿Yaqsa aqsok xa ektéma nak?’ Sa' kóltéhek kólátegmowagkokxak se'e: ‘Wesse' egegkok axta ẽlántekkessók negko'o ekyetlómo ekwányam agko' apmopwána m'a Egipto, cham'a negheykegkaxa axta nentéma sẽlásenneykha naqsa.

Isaías 46:9

kaxénwakxoho kélwáxok ma'a ektémakxa axta nentámen cham'a nanók agko' axta. Ko'o sekteme Dios, méko pók; ko'o Dios, méko pók sekhawo ko'o.

Isaías 63:11

Xénwákxók axta apkelwáxok nanók agko' axta m'a, cham'a Moisés apkelwagkassama axta teyp ma'a énxet'ák apagkok, aptáhak axta chá'a apkelmaxneyáncha'a pók se'e: “¿Háxko aphakxa m'a Dios, apwagkassama axta teyp neyseksa wátsam Nilo m'a Moisés, apkeláneseykha axta chá'a m'a nepkések apnaqtósso? ¿Háxko aphakxa m'a apméssama axta espíritu aptaqmalma apagkok ma'a Moisés,

Deuteronomio 4:32

“Kólchetam kélnentámen axta kéxegke, tén han ma'a nanók agkók axta, sekxók axta apkeláneya Dios énxet keso nélwanmeygkaxa; kólweynchamha sa' ekyókxoho keso náxop, kólmaxneyha sa' chá'a, temegkek axta kexaha aqsok ekyawe agko' ektéma nak xa, kélya'áseykegkók axta kexaha nahan.

Deuteronomio 8:2

Kaxénwakxoho sa' kélwáxok ekyókxoho ámay apkelweynchegkáseykencha'a axta Wesse' kélagkok ekweykmoho cuarenta apyeyam ma'a yókxexma meykexa nak énxet, yaqwayam enxoho eweykessásenták ma'a ektémakxa nak kélásennamaxkoho kélagko' tén han elyepkeynek chá'a, yaqwayam enxoho ékpelkohok ektémakxa élchetamso kélwáxok tén han yaqwayam ey'asagkohok kóllának sa' kexa m'a apkeltémókxa nak chá'a antéhek essenhan megkóllanye'.

Jueces 6:13

Tén axta Gedeón aptáha apchátegmowágko s'e: —Wesse' ahagkok, apheyk agkok negko'o negyeseksa Wesse' egegkok, ¿yaqsa eyke ektéma sentéma nak negko'o s'e ekyókxoho aqsok nak? ¿Háxko ektémakxa m'a aqsok sempelakkasso sẽltennassama axta chá'a negko'o m'a ẽlyapmeyk nano', sẽltennassama nak chá'a Wesse' egegkok sẽlántekkessama m'a Egipto? Egkexakhamchek negko'o m'a Wesse' egegkok, ẽlméssegkek ma'a madianitas.